Taetusi 2:2 - Vato Vari Vakameka Voru Ia Batu Ne

² Va rove qira e valeke ro kazigarata de go tarina miasoka go tanuqira, mana pala taru na nanao qira ṉalu iri muma go, mana vasadake vatovato velaka na too ria go. Vaogoto ria mara nadu, mara mamaligara ne qira kero ne basoero ne, mana tarina ko karaputa ṉalu na makuru go.

Taetusi 2:2 ပူးပေါင်းရင်းမြစ်များ

Maka 5:15

Ṉalu iri lama dokae de ikoego Jesu iri za soba valeke ni pala go manuru sakata ro ne i kolokue degogo ne iara vabaribari mana nanao na iara tarove to go. Do vano iri mia go iri lete sareki.

Luka 8:35

Basoero ne iri za go mara za mia pataro nigogo ne iri go, mana ṉalu iri lama dokae de ikoego Jesu, iri za soba valeke ni pala go manuru sakata ne i kolokue tepa makena Jesu, i nanao tarove mana iara va baribari to, mana basoero ne iri lete sareki go.

Zazu Ria Apostoloro 24:25

Do ṉalu Pol i sine napua de igogo, too totoloṉo, too ia tanuna basoe, mana ṉalu muzi God tina zazu nego vivine, Pilix i sareki, mana i sine ne Pol, “Aro mo ule tekere ninidena. Era tunara koru napu go, ṉalu go i ko napu nava ṉalu.”

Leta Ia Pol I Karo Ne Qira Basoero Na Rom 12:3

Tanego pata i teke bana nava go era God, era ma sine ne qamu. Muniki nanao vazaka qamu so tanuqamu. Do muna nanao lulusu qamu tanuqamu mana va lulu ze vaogoto ramu ni teke bana ne qamu go God.

Kameka Korinti 15:34

Muna vatotoloṉe nanao qamu, mana mamanava luluna zuka na vasakata pata. Kakia ro ramu qamuki rove kaega God, qa sine iadena, go ramu tamuna agava ne.

Kameka Korinti 9:25

Osiqira vano iri teteṉe go, tarina vanama mana tarina lulua tamana makuru ro iri vanama ne qira go, tarina pala voli qira, voli igogo ne iki ko vaumata kaega, do ita to qata teteṉe go, go tatana pala voli qita, voli dena, iko sivala, ki rove kaega lupo.

Karua Korinti 5:13

Avigo, remu qi bulaṉoe? Remu qi zazu ne zazu ia God. Avigo, iara velaka so nanao qemu? Remu qi soko so tavisi ne qamu ramu.

Qalesia 5:23

Ko vaqoqoro mana ko miasoka go so tanumu. Ikaega to kakia seko na Tamana tina vasakate go pataro dena.

Pilipae 4:8

Valupolupo na turaquroe, vapuraka ze nanao qamu pataro ni velaka go, mana i tora go tatana kula ne, pataro i ogoto, pataro tina vatabo go basoe, too totoloṉo, too dalo, lete meno, mana too va mazale na basoe go.

Kameka Tesalonika 5:6

Iago, ita mata kasi kamuku gere qira vano iriki vaogote go kaega Kristo. Mata dogara, mana vazazao ze nanao ro ita pata ni velaka go.

Kameka Tesalonika 5:8

Do ita qata basoe na musaqara, iago mata vazazao ze nanao ro ita pata ni velaka go. Mata pala taru vanadua vaogoto, mana mamaligara gerena bako ita. Mana ruruqe ita, de ikoego vari vakavele ia God i gerena topatopana varitara ita.

Kameka Timoti 1:10

Vano iri taunata, valekero iri zazu sakata napu tanuqira, vano iri pala va seka qira, kero ne vano iri poqepoqe, iri sine go pata iki ogoto go kaega, vano iri poqe go loborona varitanae ne, vano iri zazu nego kakia ro pata iki totoloṉo ego kaega vari vatatana ogoto.

Kameka Timoti 1:14

Mana Batu ita ne i zuga me topu na Mana ia de qa koego era, mana i teke nava vaogoto mana mamaligara, iato ike ita loborona vari vakameka de ikoego Jesu Kristo.

Kameka Timoti 1:2

de qo koego aro Timoti loborona vaogoto, aro qo gere sale ogoto era, qa pene, go God Tamaqita mana Jesu Kristo Batu ita mara Mana nigo mana, mara teke nigo manava ia mana ko bulebule ia.

Kameka Timoti 1:5

Ala go i reqe go seko tamana dena, go ita mata vasadaka me mamaligara i reqe mego puṉu ni velaka go, nanao velaka mana vaogoto de ikoego Kristo i lete ogoto go.

Kameka Timoti 3:11

Igere napua so qole ia, na vasadake vatovato velaka, niki pepeu valu qira basoero ne, do na rove miasoka na tanuna mana basoero ne, mara taru ze ruqe ria de ikoego iago.

Kameka Timoti 3:2

Basoe i batu lotu go, tina basoe totoloṉo, tina busia so kameka qole, tiniki muma katikili kaega, mana tina miasoka velake too ia. Ia tina koru vekaba qirae pade ia basoero iki rove qira go kaega, mana tina mazala vari vatatana go.

Kameka Timoti 3:4

Ia tina miasoka velake ko tatamana ia, mana va rove qira salero iago tarina vaogote mana padapadae de ikoego tanuna.

Kameka Timoti 3:8

Vano iri vari vatatavise loborona lotu ne, mara vasadake too mana vatovato totoloṉo ria, mara lulua pataro iri sine go, mara kasi poqepoqe, poro ge loka, ba soko na kesa go.

Kameka Timoti 5:1

Oniki seko lavata qira basoero iri kazigarata sivala ni go, do ono seko tabe velaka qira, gere ṉalu qo seko tabe go tamamu. Ria gavere ro ono vagere qirae qamu tamakena ro.

Taetusi 1:13

Sauna to iadena, ono seko vakaraputa e de iri koego, go tarina mazala vaogoto napu na vari vatatana ni ogoto go,

Taetusi 1:8

Do basoe nae tina kula ne mana miasoka qira basoero iri gadoe go komala ia, tina mamaligara ne pata velaka go. Tina rove de go pala taru na nanao na ṉalu i muna go, tina vatotoloṉe too ia, mana na lulua vatovato ia God go, mara kasi luluna too ba vatovato i sakata go.

Taetusi 2:7

Aro Taetusi ono vasadaka ne qira too mana vatovato velaka, go basoero ne tarina lulua go. Mana vari vatatana aro mara totoloṉo, go basoero ne tarina mia vamazale go.

Pilimon 1:9

Do tanego era qa lete mamaligara nigo, qa pene go aro. Era Pol qa sine vasadake seko ia Kristo tane qa pene go aro, mana torana ninidena, era qa koe bara ne tanego qa vaogote Jesu.

Kameka Pita 1:13

Iago muna ko vanamanama, mana miasoka koko ramu. Mana nanao qamu mara ko va karaputae pata velaka ro tina teke qamu go God ṉalu Jesu Kristo tina sadaka mego.

Kameka Pita 4:7

Osina pata ro i garogaro to tina lupo. Iago ramu muna miasoka va velaka qamu, mana ko vanamanama, mana pene taru osina ṉalu go.

Kameka Pita 5:8

Muna ko vanamanama, mana miasoka va velaka qamu. Tanego kana ramu Satana i liqutu kolo qamu go mara vasakata qamu igo, i gere laioni ni lete muma i taqia basoe go mara kalakunu vatoo ne igo.

Karua Pita 1:6

Muna miasoka va velake tokama qamu mana degere vanadu osina ṉalu, mana lulua too ia God.