Taetusi 2:14 - Vato Vari Vakameka Voru Ia Batu Ne

¹⁴ Jesu Kristo i mao ne tina le, go tina vakavele qitae osina vasakata pata ro ita, mana tina vadalo too ita, go tatana ke ia tamuna, mana mata le ne zazu ne na pataro i velaka go.

Taetusi 2:14 ပူးပေါင်းရင်းမြစ်များ

Matiu 1:21

Maria tina vapodo kameka sale valeke mana ono vitoṉo ze Jesu, tanego iato tina vakavele qira go basoero ia sauna vasakata pata ro ria.”

Matiu 20:28

gere na era Tuna basoe qaki lama ne kaega go basoero tarina zazu nava, do qa lama go tuna basoe zazu ria basoero ne, mana teke too era go tuna voli vaule qirae sauna vasakata pata ro ria.”

Matiu 3:12

I palatarua pata solasola ia, go nava kuziki ne de sakatana ro vuiti ne, tina pala vuiti ne mana za taruze pade tarutaru vuiti ne. Do de sakata naro ne tina pala mana subi zaqe nako iki rove go kaega le.”

Tarama Velaka Ia Jesu Kristo I Karo Go Jon 6:51

Era to ga bureri na too qa reqe mego rani ne. Ṉalu ka basoe i ge go, ia tina ko osina ṉalu. Bureri qa soso ne go, iato tokamaqu, qa soso ne qira go basoero na vudu pua dena go basoero ne tarina za kavele.”

Zazu Ria Apostoloro 15:14

Saimon iara sine lupo zaqe so de igogo God i vasadaka kenaqe go manava ia de iri koego vano iriki Jiu go kaega, ṉalu i vine go kakia ro vari lobori qira tarina basoero ia, igogo.

Zazu Ria Apostoloro 15:9

Iki vine vakakavata qita kaega ita mana ria go. I nanao ulene vasakata pata ro ria, tanego iri vaogote ia, gerena napu so ita.

Zazu Ria Apostoloro 20:28

Muna miasoka tanuqamu mana osiqira kero ne basoero, tanego Spirit tabo ne i taru ze vari miasoka ramu, tamuna miasoka eklesia ia God, gere qira vano miasoka sipi, to ia i toṉove go, tanego Sale ia i teke ne too ia, i voli bana zego parasana.

Zazu Ria Apostoloro 9:36

Komala Jopa i koe kaki kameka qole vitoṉona Tabita i vaogote Jesu Kristo. Seko Qrik Dokasi iri vane vitoṉona. Topuna ṉalu qole dena izazu ne zazu velakaro mana i tavisi ne qira vano situ.

Qalesia 1:4

Kristo iteke ne tanuna tina le ne sauna vasakata pata ro ita, go ita mata talukase too sakata na pua dena. Loborona vatovato dena to i lulua go soko ia God Tamaqita.

Qalesia 2:20

Iago iki too era kaega tanuqu go qa too go dena, do Kristo i too e go loboroqu, mana iteke nava too iago.

Qalesia 3:13

Kristo i bauru bana ne qitae ita tulaṉa iteke ne qita go Tamana. Tanego Buka tabo ne igo, “Ka basoe iri vaidoko ze go moki ne, i pala tularia ia God.”

Epesus 1:11

Osina pata izazu ne go God i va lulu ze so nanao na mana vivine ia. God i vine qita qata basoero ia, loborona vari vakameka ita de ikoego Kristo. Tanego saunaa nanao lavata ia idegere so pata i vine bana mego kokosona bana me.

Epesus 2:10

God i vazari qita, go qatara ko go dena, mana loborona ko vari vakameka ita de ikoego Jesu Kristo, God i zazu bana ne qita, mana i teke ne qita too, go mata zazu ne zazu velaka ro ia, i vanama bana ne qita go tatana zazu ne go.

Epesus 5:2

Mamaligara to mara kenaqa ne go too ramu, gerena Kristo i mamaligara ne qita, mana iteke ne qita too, gerena kameka sosovolomo i nonoli meno, mana God ikula ne komakoma nae.

Kameka Timoti 1:15

Jesu Kristo i lamae go kolabana pua dena, go tina vakavele qira vano iri vasakata pata go, seko dena i pata ogoto mana osina basoero mara vaogote. Era tanuqu to qa lete sakata sivala ne qira basoero iri vasakata pata ego kolabana pua dena,

Kameka Timoti 2:10

Ba iane, qolero kristiano mara vasadake too, ba vatovato velaka ria gere qira qolero iri pada ne go ko basoe lotu.

Kameka Timoti 2:6

ia i soso ne too ia, go tina voli vaule qira osiqira basoero na pua dena. Loborona vokara vamiki i vae go Jesu, i va sadaka ogoto me ṉalu velaka God i soko ne go va kavele qira osiqira basoero ne,

Kameka Timoti 6:18

Sine ne qira mara zazu ne pata velaka ro, mara vavagado ne zazu velaka ro, nanao qira basoero mana soso ne patapata ro ria de iri koego kero ne basoero go.

Taetusi 2:7

Aro Taetusi ono vasadaka ne qira too mana vatovato velaka, go basoero ne tarina lulua go. Mana vari vatatana aro mara totoloṉo, go basoero ne tarina mia vamazale go.

Iburu 1:3

Osina ṉalu, God i koe loborona tatavata mazala ia, Sale ia to i gere go tatavata mazala go i damara qita go ita. I gere ogote to dudulena God, i vasadaka me de go totoloṉo na ko ia. Mana seko ia i ko karaputa na, i pala tarua go osina patana kolabana pua dena, go iri velaka go. Taramuzina i va dalo qira go vano iri vasakata pata go, i popoka za rani i za kolokue tepa matauna God, i kone go karaputa sivala ne osina ro karaputa.

Iburu 10:24

Mata vari mia lote osiqita, mata vari vatatavisi, mata vasadake mamaligara, mana zazu ne zazu velaka ro go.

Iburu 9:14

Tanego iadena i pata ogoto, zazu ia parasana Kristo i lete lavata, loborona Spirit i too sivala go ia i teke zaqe tanuna gerena kaki koma koma i lete totoloṉe go de ikoego God, parasana ia tina vadalo puṉuqita mana nanaoqita mana tina qusa vakuziki ne zazu volovolomo ro i kaega go tatalina, go ita tatana osaka ne God.

Jemisi 4:8

Muna lama ko garogaro de ikoe God, go God tina ko garogaro qamu go. Muna vanane vasakatapata ramu vano qamu zazu ne qo vasakatapata, mana vadalo puṉu qamu ramu vano qamu tatakiu go.

Kameka Pita 1:18

Tanego ramu qamu rove bana de igogo God i voli bana go osina too sakata ro, qamu soba bana ze go kazigarata bana ro ramu. Ia iki voli qamue kaega pata go niara za sakata napu gerena qolu ba siliva.

Kameka Pita 1:22

Ninidena vaogoto ramu iva dalo napu qamu, mana qamu lete mamaligara ne qira kero ne vano lotu, iago muna vari mamaligarae napu tanuqamu loboro na puṉuqamu.

Kameka Pita 2:12

Vatovato na too ramu, de iri koego vano rodoko, muna va velake, go ṉalu ria iri soko va sakata qamu, do mara ria mia too na vatovato velaka ro ramu, go tarina mia rove go velaka ramu go tarina vazaka go God musaqara ia tina za sadaka mego.

Kameka Pita 2:9

Ramu ne, God ivine bana qamue sinaqe ia. Ramu to qamu patere ria batu lavata ro, mana qamu basoero tabo ia tanuna go. Ramu to qamu basoero ogoto ia tanuna God, i vine bana qamu tamuna sine vasadake zazu velaka ro ia, tanego God i koru vasiporo bana qamue rodoko mana i taru qamue loborona tatavata velaka ia.

Kameka Pita 3:18

Tanego le ivae go Kristo ivatalupasa lupo osina vasakata pata ro ramu, mana i pala vaule qamue de ikoego God. Kristo i totoloṉe tarakenaqa na God, do ia i le ne sauqira vano sakata, basoero ne iri vae vale ia, do God i va too ule ze ia too iki rove go kaega lupo.

Kameka Jon 1:7

Do ṉalu ita qata koe tatavata gerena God ikoe tatavata, nae ita qata varikitaki napu to tanuqita, mana parasana Jesu Tuna God iva dalo lupo osina vasakata pataro ita.

Kameka Jon 1:9

Do ṉalu qata vasadaka ze de ikoego God vasakata pata ita, ia tina vaogote pui ia, mana tina zazu ne pata totoloṉo. Ia tina nanao ule ne vasakata pataro ita mana vadalo osina keburo qata zazu nego.

Kameka Jon 3:2

Ramu turaquro, ita qata salero ia to God nini dena, do iara kaebo sadaka vavelaka me de tina gogo tatali qita kene ṉalu. Do ita qata rove Kristo tina za lama napu, ita tatana reṉa ne ia mana ita tatana gere to iago.

Revaleson 1:5

Bule mana Mana dena i reqe napu meso Jesu Kristo i basoe totoloṉo i tarama ne go seko ia God, mana iato i too kenaqa me tepa le ne. Mana ia napu to i kone go karaputa i sivala ne qira go vano batu lavata na ro vudu pua dena. Jesu Kristo i lete mamaligara ne qita mana ile ne sauna vatalukasana vasakata pata ro ita.

Revaleson 5:9

Iri vae kera voru, iri go, “Aro bana so i tora go tono pala go pepa vivolo nae, mana papaqana de iri varoroto vanadua go. Tanego iri vae vale bana go, le aro ne i gere tavatavara i bauru ne basoero ia God iri reqe me osina ro sinaqe ro, soso seko ro, soso vudu ro, mana soso tatalina basoero go.