Taetusi 2:12 - Vato Vari Vakameka Voru Ia Batu Ne

¹² Mana ia God dena ne, ivatatana qita, ego mata vana ne pataro iki totoloṉo ego kaega dekoe God, mana mata kasi lulu na nanao sakata na vudu pua dena. Do mata vatotoloṉe too ita mana lulua soko ia, go God tina kula ne qita.

Taetusi 2:12 ပူးပေါင်းရင်းမြစ်များ

Matiu 12:32

Mana ka basoe i seko sakata va era Tuna basoe, God i mazala nanao ule ne ia. Do ka basoe i seko sakate zazu ia Spirit tabo, God iki mazala to kaega nanao ule ne ia, pasi ninidena ba ṉalu iara ko mego.”

Matiu 16:24

Gonae Jesu i sine ne qira disipoloro ia, “Ṉalu ka basoe i soko lulu ava era, ia tina vaqoqore tanuna, ina pala koluse ia, mana lulu ava era go.

Matiu 28:20

Vatatana qira, go tarina vaogote mana lulua osina ro pata qa sine bana ne qamu go. Mana era tuna ko tavisi qamu osina ṉalu, go tina za doka so ṉalu kolabana pua dena tina za lupo.”

Luka 1:6

Too riru ne, i totoloṉo e loborona nanao na God, iru lete lulua seko ia God mana tamana ro ia.

Luka 1:75

Go tatana tabo mana totoloṉoe tarakenaqa na ia, osina to musaqara loborona too ita.

Tarama Velaka Ia Jesu Kristo I Karo Go Jon 14:30

I makuru ava tuna seko tabe vaumata qamu go, tanego Satana ni kenaqa nego vudu pua dena i za lama. I kaega ne karaputa de qa koego era,

Tarama Velaka Ia Jesu Kristo I Karo Go Jon 6:25

Basoero ne iri za soba, ze Jesu kene tepa na masi pipika ne, mana iri vane de ia, “Valeke vari vatatana, ade torana bana tane qo lama dokae dena?”

Zazu Ria Apostoloro 24:16

Mana iato go era qa pada taru neso go mava totoloṉo nanaoqu mana vatavato era, dekoe tarakenaqana God mana basoero ne.

Zazu Ria Apostoloro 24:25

Do ṉalu Pol i sine napua de igogo, too totoloṉo, too ia tanuna basoe, mana ṉalu muzi God tina zazu nego vivine, Pilix i sareki, mana i sine ne Pol, “Aro mo ule tekere ninidena. Era tunara koru napu go, ṉalu go i ko napu nava ṉalu.”

Leta Ia Pol I Karo Ne Qira Basoero Na Rom 12:2

Kasi vamao ne na too ramu mara lulua go vatotovato na vudu pua dena. Do muna vamao ne God, go mara kavele nanao qamu. Iato nae go ramu tamuna mazala go mia rove na pata ni soko go God, mana go tamunara rove go pata velaka ni va kula go God.

Leta Ia Pol I Karo Ne Qira Basoero Na Rom 6:12

Kasi vamao ne na vasakata pata go mara kenaqa ne go tokama qamu ni rove go le, gogo tamuna lulua go pata ni soko go nanao qamu.

Leta Ia Pol I Karo Ne Qira Basoero Na Rom 6:19

Era qa pada ne vatatana velaka ne qamu ramu seko ro i tora qamu go ramu gata rove na, tanego nanao qamu iki loda kaega. De i lupo bana mego ramu qamu teke napu ne tanuqamu seka nena vatovato sakata, too iki totoloṉo kaega, mana zazu kebu ro qamu lulu go. Do ninidena muna teke napu nena tanuqamu seka nena too totoloṉo, mana vatabo lupo ze too ramu de ikoego God.

Leta Ia Pol I Karo Ne Qira Basoero Na Rom 8:13

Tanego ṉalu qamu lulua go vatovato na tokama qamu ni soko go too na vudu pua dena, ramu tamuna le, do ṉalu karaputa ia Spirit tabo go qamu vae vale ze go vatovato sakata ro ramu, ramu tamuna pala too.

Karua Korinti 1:12

Kameka pata remu, qi lete vazakanapu ne mana qi vaogote remu qi vasadake vatovato velaka ro remu, loborona vari vakameka de qata koego, loborona va vaogoto mana osaka na soko ia God. Remu qimuki zazu vamiki e kaega loborona tarove remu tanuqemu, do loborona so karaputa na Mana ia God.

Karua Korinti 7:1

Iago vakitaka ro era, God i pui bana ne qita topuna pataro dena, iago ita mata vadalo tanuqita, sauna pataro i mazala go va poṉo na tokama qita ba madau qita, mana mata vatabo too ita. Mata padapadae de ikoego God loborona too ita.

Qalesia 1:4

Kristo iteke ne tanuna tina le ne sauna vasakata pata ro ita, go ita mata talukase too sakata na pua dena. Loborona vatovato dena to i lulua go soko ia God Tamaqita.

Qalesia 5:24

Vano iri ke iago Jesu Kristo, iri vae vale bana to ria too na vudu pua dena ni soko go zazu ne na osina pata sakata ro ne.

Epesus 1:4

Tarakenaqana go iara vazaria go vudu pua, God i vine bana qita de ikoego Jesu Kristo go mata ko totoloṉo mana tabo, go mara kaega ne qita kebu tarakenaqana tanuna sauna mamaligara ia.

Epesus 2:2

Ṉalu nae ramu qamu lulua vatovato sakata na vudu pua, mana qamu lulua Satana, i batu lavata ria manuru na ro varioka ne. Mana iato i kenaqa ne qira go basoero iri legulegua go God.

Kolosia 1:22

Do ninidena, loborona basoe ogoto ia Jesu, mana ni le go, God i vine qamu tamuna vakitaka ia, go ramu tamuna tabo, dalo, mana tina kaega ne qamu kebu, tarakenaqana ia.

Kameka Tesalonika 4:7

God iki koru bana qitae kaega ita, too na varivagabu ba taunata. Do ia i koru qita ita tatana va tabo too ita.

Kameka Tesalonika 4:9

Era tuniki ara karo ne qamu kaega de igogo tamuna mamaligara ne qira go kero ne vano lotu. Tanego God i varove bana qamue de igogo qamu vari mamaligarae go.

Kameka Timoti 4:12

Aro qo ara basoe voru so, iago pada ne, go mara kasi nanao vaqoqori go. Ono vasadake vatovato velaka de iri koego vakitaka lotu ro loborona seko ro aro, too aro, mamaligara aro, vaogoto aro mana too dalo aro go.

Kameka Timoti 6:17

Sine ne qira basoero iri vavagado ne patana ro too ninidena, mara kasi vazakanapu ne, mana taru ze ruruqe ria go, tanego i mazala so za kaega ba lupo go. Do mara vanadu ze nanao ria de ikoego God, iato tina teke ne qita pata velaka ro, go tatana ko kulakula go.

Kameka Timoti 6:9

Do basoero iri soko go vavagado iri sorue pada mana i suqi qira Satana loborona pata vari vabulaṉoi mana pata sakata ro. Pataro nae tina toqo vaqoqoro qira, mana too ria tina lete sakata, mana God tina va kimata qira go.

Karua Timoti 3:12

Basoero iri soko go luluna vatovato ia God, loborona too ria de ikoego varivakameka ia Jesu Kristo, basoero nae tarina vasasakata ne qira,

Karua Timoti 4:10

Qa rove Demas, ia i kasi nava era, tanego i lete mamaligara ne patana ro vudu pua dena, mana i za banae to Tesalonika go. Kresen i za banae to Qalesia mana Taetusi i za bana to Dalmatia go.

Taetusi 3:3

Tanego ṉalu bana ne qata bulaṉoe, go qata legulegu, qata soko go pataro ivakula so tokama qita, patana ro pua dena. Qata variqo ze too ita zazu sakata ro, mana qatiki soko qira kaega kero ne basoero ne, gereso ria iriki soko qita go kaega.

Iburu 8:11

Kaega ka basoe tina mazala go vatatana na basoe na vudu ia, ba sine ne basoe na komala ia, ‘Ono rove Batu ne.’ Tanego reqe me, basoero iriki mazala go kaega mana za dokae basoero iri lete mazala sivala go, osiqira tarina rove ava era.

Jemisi 1:27

Ba de tina gogo vatovato ria vano lotu go tarina lete velaka sivale go tarakenaqana God Tamaqita ne, vano lotu mara ria miasoka qira salero samele, mana vano nanaro iri ko vari vananama. Mana mara ria miasoka napua too ria tanuqira go mara kasi vasakata qira vatovatona vudu pua dena.

Karua Pita 2:9

Iago osina pataro dena, God i va mia qirae ria basoero velaka de go ia tina vakavele qirae go pata makuru tina lama pada ne qira go. Do vano sakata ne, tina vakimata qira, go tina doka ṉalu tina vakimate go osina basoero ne.

Karua Pita 3:11

Tanego osina ro pata tina sakata mana kaega lupo, iago muna mia velake too ramu. Muna lulua nanao ia God mana ko basoe tabo go, tanego too nae to i soko go God.

Kameka Jon 2:27

Do ramu Kristo i teke bana qamu Spirit tabo. Mana Spirit tabo nae i ko tarue loboro qamu, iago qamuki ara taqia kaega kaki vari vatatana napu. Tanego Spirit tabo nae to iva tatana qamue go osina pata. Iago osina pata i vatatana qamue go i pata ogoto, iki poqe kaega, iago nuna ko vanadue loborona vari vakameka ia Kristo, gerena i vatatana qamue go Spirit tabo.

Kameka Jon 2:6

Ṉalu basoe igo, iko kamekae loborona God, basoe nae to too ia tina igere ogote vatovato ia Jesu Kristo.

Kameka Jon 5:19

Ita qata rove qata basoero ia God, do basoero na vudu pua dena irikoe to polana karaputa ia Satana.

Judi 1:18

Iri vane qamu dena, “Tarakenaqa na go tinara lama doka go musaqara muzimuzi, basoero ne tarina vakari ne qamu mana ria tarina lulua so nanao sakata ro ni soko go nanao qira, ba tepa ia God ikaega e to de iri koego.”

Revaleson 14:12

Sauna pataro dena ramu basoero ia God qamu lulua go tamana ro ia ne, mana qamu vaogote Jesu Kristo gogo ne, muna ko vanadue de ikoego ia osina ṉalu.