Taetusi 2:11 - Vato Vari Vakameka Voru Ia Batu Ne

¹¹ Tanego God ivasadaka bana Mana ia, go tina vakavele qira basoero na kolabana pua ne.

Taetusi 2:11 ပူးပေါင်းရင်းမြစ်များ

Matiu 28:19

Iago muna zae osina dia vudu pua dena, mana sine qira basoero ne mara lulu ava era. Muna bapitema qirae vitoṉo na Tamana mana Tuna mana Spirit tabo go.

Maka 16:15

Jesu i sine ne qira, “Muna zae osina dia kolabana vudu pua mana tamana qirae basoero ne Tarama Velaka era dena.

Luka 24:47

Mana loborona vitoṉo na ia, seko na nanao maqata na vasakata pata ro, mana nanao ule na vasakata pata gogo ne, tina vari vatatana ze osina dia kolabana pua ne, tina tupi e Jerusalema.

Luka 3:6

Osina to basoero tarina mia valeke ni turine mego God tina vakavele qita!’ ”

Tarama Velaka Ia Jesu Kristo I Karo Go Jon 1:14

‘Seko’ dena i lama taitana mana i basoe, i purake Mana mana seko ogoto mana iko tavisi qita go. Remu qi mia karaputa mazala ia, ia to i kameka so Tuna go i pala go karaputa mazala nae de ikoego Tamana.

Tarama Velaka Ia Jesu Kristo I Karo Go Jon 1:9

Iato dena tatavata ogoto, tatavata i lama ego kolabana pua ne mana i damara qira osiqira basoero ne.

Zazu Ria Apostoloro 11:23

Ṉalu i zadoka i mia de igogo God i vamakolo qira go basoero ne, ia i kula sivala, mana i seko vatalasara ne qira. I vane qira dena muma ko vanadu mana ruqe ze Batu ne loborona puṉuqamu.

Zazu Ria Apostoloro 13:43

Ṉalu basoero iri kasi lupo ne to de iri teṉoe go, topu ria vano Jiu mana vano iriki Jiu go kaega iri ko banae go lotu ria vano Jiu iri gabu ne qiru to Pol mana Banabasi. Iago karua apostolo iru vapepeu qira, mana sine vakaraputa qira go mara ria ko vanadue ruruqe ria loborona mana ia God.

Zazu Ria Apostoloro 13:47

Tanego iato dena tamana i teke bana ne qemu go God, igo dena, ‘Era qa vine bana go aro tono kameka tatavata na de iri koego vano iriki Jiu go kaega, go osiqira basoero na vudu pua tarina kavele.’ ”

Zazu Ria Apostoloro 17:30

Ṉalu basoe iki rove go kaega ia, God iki nanao tarua kaega sakata ro ia. Do ninidena ia i soko osina basoero iri koego osina dia mara vana neto sakata ro ria.

Zazu Ria Apostoloro 20:24

Do era qa nanao rove, too era i patavolomo so, era qa soko so vavotona zazu ni turi nave Batu ita Jesu ni teke nava, go tuna zazu ne, zazu igogo ne, era tuna vatatavata go Tarama Velaka na dego velaka ia God.

Leta Ia Pol I Karo Ne Qira Basoero Na Rom 10:18

Do era qa tana napu, avigo, i ogoto tane ria iriki gata bana go kaega tarama dena? Kaega! Iri gata bana to, gerena i sine go Buka tabo ne, “Seko ria i za banae to osina basoero na vudu pua. Mana i za dokae to valupolupona vudu pua go.”

Leta Ia Pol I Karo Ne Qira Basoero Na Rom 5:15

Do iriki vari pada kaega tanego sosovolomo ia God i teke ne qita go iki gere kaega vasakata pata ia Adamo. Pata ogoto, vano basoero iri le bana, tanego sauna vasakata pata ireqe me de ikoe kameka basoe nae. Do Mana ia God ilete lavata sivala ne sosovolomo i teke volomo ne qira basoero topu, loborona Mana ia kameka basoe dena, Jesu Kristo.

Leta Ia Pol I Karo Ne Qira Basoero Na Rom 5:2

Loborona vaogoto Kristo i varove qitae ita Mana ia God i teke volomo ne qita go qata too e go manava nae ninidena. Ita qata kula ne ruruqe ia tatana pala tavise go karaputa ia God kene ṉalu.

Karua Korinti 6:1

Loborona zazu vari vakameka remu de ikoego God, remu qi pene vakaraputa qamu, ramu qamu pala go too velaka ia God mara kasi vana volomo.

Qalesia 2:21

Era qaki kasia kaega mamaligara ia God. Do ṉalu basoe iko totoloṉoe de ikoe God sauna luluna so Tamana, ṉalu igogo nae, le ia Kristo i patavolomo so.

Epesus 2:5

Iago, ṉalu madau qita ile ne go sauna legulegu ita, ia i pala va too tavisi qita ita de ikoego Kristo. Tanego Mana ia God qamu kavele ne go.

Epesus 2:8

Tanego i sauna vaogoto ramu tane God i vakavele qamu go.

Kolosia 1:23

Ramu muna degere vanadu mana lulua de go vaogoto dena, mana kasi va malumu na tanuqamu mara vizua go soko qamu pala go, ṉalu qamu gata go Tarama Velaka mana iato Tarama Velaka dena, era Pol qa basoe zazu na, iato qa tarama ze go osina dia kolabana pua ne.

Kolosia 1:6

Tarama Velaka i valame tarua makaolo mana i zadavae kolabana pua ne, gere na so de igogo lama doka kenaga i vae go de gamu koego. Ramu, qamu gata go de igogo Mana ia God, mana gamu rove go pata i ogoto go.

Karua Tesalonika 2:16

Go Batu ita Jesu Kristo mana God Tamaqita i mamaligara ne qita, Mana ia, i vakaraputa qita osina ṉalu mana i vanadua ruruqe ita go.

Kameka Timoti 1:14

Mana Batu ita ne i zuga me topu na Mana ia de qa koego era, mana i teke nava vaogoto mana mamaligara, iato ike ita loborona vari vakameka de ikoego Jesu Kristo.

Kameka Timoti 2:4

Tanego i soko osiqira basoero tarina kavele mana tarina lama rove, ia i ogoto.

Karua Timoti 1:10

do ninidena i lama sadaka to, lama na vari vakavele ita Jesu Kristo. Ia iva lupo karaputa na le, mana loborona zukazuka na Tarama Velaka ne i vasadakae too i ko sivala osina ṉalu.

Karua Timoti 4:17

Do Batu ne i tavisi nava mana i teke nava karaputa, go i malamu ava era sine vasadake na tutukunu na Tarama Velaka ne, de iri koego vano iriki Jiu go kaega tarina gata, mana i vakavele ve era saqena laioni go.

Iburu 12:15

Muna mia soka tanuqamu, go muniki tabali kakamu ne Mana ia God. Muniki gere moki i pani go, mana i mazala go vasakata qira kero ne basoero go.

Iburu 2:9

Do ita qata mia Jesu, iato Jesu dena God i taru ze ia pola qira aqelo ro desuka so ṉalu, go ia loborona manava ia God, ia tina le sauqira osiqira basoero. Ninidena qata mia ia God i vazakazaka vitoṉona mana i teke ia karaputa mazala ia, tanego i sauna to le i vokara ne go.