Taetusi 2:10 - Vato Vari Vakameka Voru Ia Batu Ne

¹⁰ mana mara kasi siko na patapata ria, mara ria zazu neso pataro tina vakula go batu ria, go batu ria tina ruqe qirae loborona zazu ro ria. Loborona to zazu velaka ro nae, ria tarina vazakazaka go vari vatatana na sauna God, iato iva kavele qita go.

Taetusi 2:10 ပူးပေါင်းရင်းမြစ်များ

Matiu 24:45

Gonae Jesu i sine napua, “Akena tane i basoe zazu vavaogoto mana tarove go? Iato valeke i va kenaqe go batu ia go tina miasoka qira kero ne vano zazu ne, go ṉalu na ṉaṉa, ia tina teke ne qira vano zazu pata gege ne.

Matiu 5:16

Gerena napu so, tatavata ireqe de qo koe aro mara tatavata ne qira basoero, go ṉalu tarina mia vatovato velaka raro, tarina vazaka Tamaqamu ikoego rani ne.”

Luka 1:47

Madauqu i kula tanego God i bauru nava.

Luka 1:80

Sale ne, ilavata ziki tokamana loborona too tabo ia mana i nanao tarove go.

Luka 16:10

Ka basoe iri ruruqe ze ia miasoka na pata suka, tarina ruruqe napu zeso ia miasoka na pata lavata ro, mana ka basoe iriki ruruqe ze kaega ia miasoka na pata suka ro, tariniki ruruqe napu ze so kaega ia, miasoka na pata lavata ro.

Tarama Velaka Ia Jesu Kristo I Karo Go Jon 12:6

Jiudas i sine seko ro dena, do iki nanao qira so kaega vano situ, ia i valeke sikosiko. Jiudas to i miasoka go kesa ro ria disipoloro ne, mana i vazazua kakiaro ṉalu sauna so tavisi ne na tanuna go.

Kameka Korinti 4:2

Basoe zazu ne, ia tina zazu velaka ne zazu iri va miasoka ze go mana tina osaka ne batu ia go.

Epesus 4:1

Era qa kameka basoe iri taruve bara ne tanego qa basoe zazu ia Batu ne. Iago qa sine vakaraputa ne qamu, muna zukae too ilulua go vatovato i sine bana go God, ṉalu i koru qamu mego.

Pilipae 1:27

Pata tina lavata sivale de qamu koego ramu, de igogo koko ramu muna vasadake de igogo tatalina too i tora go Tarama Velaka ia Kristo. Go ṉalu tuna garetu mia qamu ba qaki garetu kaega, era tuna gata zatu so, ramu qamu degere vanadu mana kameka vato, mana qamu vari vatatana neso kameka pata, sauna so vaogote na Tarama Velaka ne.

Pilipae 4:8

Valupolupo na turaquroe, vapuraka ze nanao qamu pataro ni velaka go, mana i tora go tatana kula ne, pataro i ogoto, pataro tina vatabo go basoe, too totoloṉo, too dalo, lete meno, mana too va mazale na basoe go.

Kameka Timoti 1:1

Era Pol qa kakia apostolo ia Jesu Kristo, i vine bana va God na vari vakavele mana Jesu Kristo, iato ikoego pata qata ala nego toṉove na,

Kameka Timoti 5:17

I tora muna teke ne qira voli mana vitoṉo velaka, de iri koego vano kenakenaqa ramu iri miasoka go lotu ramu. Ria iri lete zazu vokara ne sine vasadake na Tarama Velaka ne mana vari vatatana ne seko ia God, itora tarina pala voli qira.

Kameka Timoti 6:1

Vano kristiano iri vazazu qira go, mara nanao vamazale batu ro ria, go basoero ne tariniki seko vasakate vitoṉo na God mana varivatatana na lotu go.

Kameka Timoti 6:3

Basoero iri vari vatatana ne vari vatatana kakavata, iki lulua go kaega seko ogoto ia Batu ita Jesu Kristo mana vari vatatana na lotu gogo ne,

Taetusi 1:3

Mana i doka velaka to ṉalu na, ia ivasadake velaka na seko ia loborona Tarama Velaka ne. God iato i vakavele qita go, i sine nava era tuna sine vasadake Tarama Velaka ia de koe osina basoero.

Taetusi 3:4

Do ṉalu vari nanao mana mamaligara ia God vari vakavele i lama sadaka go,

Kameka Pita 2:12

Vatovato na too ramu, de iri koego vano rodoko, muna va velake, go ṉalu ria iri soko va sakata qamu, do mara ria mia too na vatovato velaka ro ramu, go tarina mia rove go velaka ramu go tarina vazaka go God musaqara ia tina za sadaka mego.

Kameka Pita 3:16

Do muna zazu ne ze so loborona seko velaka mana padapada. Mana va totoloṉe nanao qamu go mara velaka osina ṉalu, go ia ṉalu iri seko sakata qamue too velaka ro qamu lulu ze go Kristo, ria tarina agava ne pataro iri sine ne qamu go.

Karua Jon 1:9

Ka basoe iki vanadue go kaega varivatatana ia Kristo, mana vazazao kakavata varivatatana nae igogo ne, iki toṉove kaega God. Do ka basoe i lulu totoloṉe go varivatatana ia Kristo, ia itonovo qiru to Tamana mana Tuna.