Taetusi 1:2 - Vato Vari Vakameka Voru Ia Batu Ne

² Seko ogoto ne, i zazao na too iki rove go kaega lupo. God iki rove go kaega poqe, i pui bana qita e too dena, tarakenaqana iara va zaria go kolabana pua ne.

Taetusi 1:2 ပူးပေါင်းရင်းမြစ်များ

Matiu 25:34

Goto nae ia, tunara sine ne qira basoero iri koego tepa matauqu, ‘Ramu to qamu pala go makaolo ia Mamae, lama mana pala pataro ikoego Too ikoego vari miasoka ia God, ni vanama bana ne qamu go vazari i vae nego kolabana pua dena.

Matiu 25:46

Basoero dena tarina pala to kimata iki rove go kaega lupo, do ria basoero totoloṉo tarina zae de ikoego too iki rove go kaega lupo go.”

Maka 10:17

Ṉalu Jesu i vele zaza, kameka valeke vavagado i lama koloku tutuṉe tarakenaqana Jesu mana i tana ne igo, “Valeke vari vatatana velaka, avana to pata tuna zazu ne go era go tuna pala go too gado kutona i kaega.”

Maka 10:30

basoe nae tina pala velake to ṉalu muzi. Ia tina pala vasivala ze kameka vasa topuna ro pade ro ia, kaena ro valeke, vavanina ro, sinana, salero ia, mana pua ia ni koego patapataro ia, mana vasasakata iri vane ze, do ṉalu iara komego ia tina toṉove too gado kutona ikaega.

Tarama Velaka Ia Jesu Kristo I Karo Go Jon 10:28

mana qa teke ne qira too iki rove go kaega lupo, mana tariniki ara le kaega go, mana kaega ka basoe tina mazala go pala vakuziki qirae karisiqu era.

Tarama Velaka Ia Jesu Kristo I Karo Go Jon 17:2

Aro qo teke bana nava karaputa sauna miasoka qira osiqira basoero ne, go osiqira ria go teke nava go, era tuna teke qira too iki rove go kaega lupo.

Tarama Velaka Ia Jesu Kristo I Karo Go Jon 17:24

Mamae! Era qa soko basoero qo teke nava go tarina ko tavisi ve de qa koego, go tarina mia karaputa mazala era, karaputa mazala qo teke bana nava go, tanego qo mamaligara nava tarakenaqana qo ara vazaria go kolabana pua de.

Tarama Velaka Ia Jesu Kristo I Karo Go Jon 5:39

Ramu qamu toere mana nanao lupase karo tabo ne, tanego qamu nanao ianae tane tamuna soba ze go too iki rove go kaega lupo. Do osina karo tabo ro nae, i pepeu lupo so sauqu era.

Tarama Velaka Ia Jesu Kristo I Karo Go Jon 6:54

Do ṉalu ka basoe i ge tokamaqu era mana i besia parasaqu gogo ne, ia tina pala too iki rove go kaega lupo. Mana era tuna va too ia musaqara muzimuzi go.

Tarama Velaka Ia Jesu Kristo I Karo Go Jon 6:68

Saimon Pita i vataule igo, “Batu, akena to timuna zae go? Aro to qo toṉove go seko ikoego too iki rove go kaega lupo.

Zazu Ria Apostoloro 15:18

Iato dena seko ia God, i vasadaka bana me pataro dena ṉalu bana ne.”

Leta Ia Pol I Karo Ne Qira Basoero Na Rom 1:2

Tarama velaka dena God i pui bana me ze de iri koego propetaro ne, go iri karo ze go Buka tabo ne.

Leta Ia Pol I Karo Ne Qira Basoero Na Rom 16:25

Mata vazaka God! Iato imazala go vanaduna vaogoto, go tamuna lulua go Tarama Velaka qa tamana qamue go era. Sauna Jesu Kristo, iago, Tarama Velaka dena to ivasadaka va velaka me ze go God seko igoto i pipika bana mego ṉalu bana ne.

Leta Ia Pol I Karo Ne Qira Basoero Na Rom 2:7

Kakiaro basoe iri vanadue zazu ne na zazu velaka, mana iri taqi ze God menomeno, vamazala, mana too i too sivala go. De iri koe basoero nae God tina teke ne qira too gado kutona i kaega.

Leta Ia Pol I Karo Ne Qira Basoero Na Rom 5:2

Loborona vaogoto Kristo i varove qitae ita Mana ia God i teke volomo ne qita go qata too e go manava nae ninidena. Ita qata kula ne ruruqe ia tatana pala tavise go karaputa ia God kene ṉalu.

Leta Ia Pol I Karo Ne Qira Basoero Na Rom 5:21

Iago vasakata pata i kenaqa ne qira vano basoe mana i teke ne qira to le. Do Mana ia God i ko ne karaputa sivala loborona zazu ia Jesu Kristo i vatotoloṉo napu qita ita vano basoe, mana i kenaqa qitae go too gado kutona i kaega.

Leta Ia Pol I Karo Ne Qira Basoero Na Rom 5:4

mana ṉalu ita qata vanadu, God i vamazala qita, mana va mazala ianae i vazari me to ruruqe ita go.

Leta Ia Pol I Karo Ne Qira Basoero Na Rom 6:23

Tanego volina vasakata pata to le. Do sosovolomo i teke ne qita God iato too gado kutona i kaega, ṉalu ita qata ko vakamekae go de ikoe go Batu ita Jesu Kristo.

Kolosia 1:27

Nanao ia God isoko tina va vatatavata me pata i pika ne qira go basoero ia. Vavagado mana mazala i pika go dena i soko teke ne qira basoero topu. Iato dena pata i pika go, Kristo i koe loboro qamu, talupasana igo de, ramu qamu mazala to pala tavise na menomeno mana karaputa ia God.

Kameka Tesalonika 2:15

iri vae vale Jesu batu ne, mana propeta ro, mana iri va vokara napu qita go ita. Iri lete va muma God mana iri lete kana ne basoero ne go.

Kameka Tesalonika 5:8

Do ita qata basoe na musaqara, iago mata vazazao ze nanao ro ita pata ni velaka go. Mata pala taru vanadua vaogoto, mana mamaligara gerena bako ita. Mana ruruqe ita, de ikoego vari vakavele ia God i gerena topatopana varitara ita.

Kameka Timoti 6:12

Tetene va velake loborona vari vose na vaogoto aro, go tono tonovo ze too aro, too iki rove go kaega lupo. Tanego i sauna too dena, God i koru goe aro, ṉalu qo vanadua go vaogoto aro tarakenaqa qira basoero ne.

Kameka Timoti 6:19

Zuka nae ne iri mazala babana vatopua pata vavagado mana vanama velaka ne ṉalu muzi. Mana iri mazala to palana too ogoto nae iki rove go kaega lupo.

Karua Timoti 1:1

Era Pol qa kakia apostolo ia Jesu Kristo, tanego God i soko ava tuna apostolo ia, go tuna sine vasadake pui ia, go ita tatana pala too loborona vari vakameka de ikoego Jesu Kristo.

Karua Timoti 1:9

God i vakavele bana qita, mana i koru qitae basoero ia iki sauna kaega zazu ro ita, do loborona so nanao ia, tanego i mamaligara ne qita. I teke ne qita Mana dena ṉalu ivalame go Jesu Kristo, tarakenaqana iara tupi go osina pata,

Karua Timoti 2:10

iato go era qa zazu so, patavolomo iri vasasakata nava. Qa soko tavisi ne qira basoe ia God i vine bana qira go, go tarina vakameka ne Jesu Kristo. Go God tina vakavele qira mana teke ne qira too iki rove go kaega lupo.

Karua Timoti 2:13

Ṉalu ita qatiki sotia kaega pui ro ita ia tina sotia so pui ro ia, tanego iki mazala kaega tina vae go pui ro ia.”

Karua Timoti 2:15

Ono pada ne lete zazu vavelaka, go God tina soko go zazu aro, ono vari vatatana velaka ne seko ia God loborona zazu totoloṉo, go toniki agava e kaega tarakenaqana God.

Taetusi 2:13

Tanego ita qata piri ne musaqara qata vaogote go tina lama doka, mana ṉalu nae karaputa mazala ia Jesu Kristo i God mana vari vakavele ita tina sadaka me.

Taetusi 2:7

Aro Taetusi ono vasadaka ne qira too mana vatovato velaka, go basoero ne tarina lulua go. Mana vari vatatana aro mara totoloṉo, go basoero ne tarina mia vamazale go.

Taetusi 3:7

go ita tatana toṉove go too iki rove go kaega lupo. Too qata vaogote go tatana za pala go ne God i manava ne qita, mana i taru vatotoloṉo qitae tarakenaqana tanuna go. Seko dena i pata ogoto, qa soko sine vamoqere nigo, ono sine vasadake vari vatatana dena, go basoero iri vaogote go God, mara teke ne ṉalu ro ria zazu na pataro ni velaka go. Pataro i velaka go ne, iato i mazala go tavisi ne qira go basoero ne.

Kameka Jon 2:25

Mana pata i pui ne go Kristo tina teke ne qita, iato too ogoto iki rove go kaega lupo.

Kameka Jon 5:20

Mana qata rove Tuna God i lamae go vudu pua dena i teke ne qita nanao rove velaka, go ita tatana rove go God ogoto. Ita qata kokamekae go de ikoego God loborona Jesu Kristo. God dena to i God ogoto, mana itoo, too ia iki rove go kaega lupo.

Judi 1:21

Mana taru vanadu qamu e loborona mamaligara ia God, mana ko piri e de ikoe go Jesu Kristo tina teke ne qamu manava, mana too iki rove go kaega lupo go.

Revaleson 13:8

Osina basoero na vudu pua ne, tarina vazaka pata piru dena. Do ria i karo banae go vitoṉo qira buka na too, tarakenaqana God i vazaria go kolabana pua ne so, tariniki vazaka go kaega pata qaraqara piru ne. Buka na too dena, i ke ia Tunana Sipi iri vae vale bana go.

Revaleson 17:8

Pata qaraqara piru nae i too bana, do ninidena iki too kaega tiniki umata kaega tina za siporo me boluna ulana ne, mana ṉalu karaputa ia tina za lupo, ia tina za kaega napu so. Basoero iri koego vudu pua ne, do vitoṉo qira iki koe kaega buka na too tarakenaqana God i vazaria go vudu pua ne tarina lete poloso sasakata ṉalu tarina reṉa paqala ne go pata piru nae. Tanego i too bana do ninidena iki too kaega, do taramuzina ia tinara lama sadaka napu.