Taetusi 1:12 - Vato Vari Vakameka Voru Ia Batu Ne

¹² Seko i sine bana go, kaki valeke vari vatatana lavata na Kret i pata ogoto, ia igo, “Basoero na Kret iri vano poqepoqe, iri vano muaka mana iri poro ṉaṉa go. Iri gere qira pata qara qara piru ro.”

Taetusi 1:12 ပူးပေါင်းရင်းမြစ်များ

Zazu Ria Apostoloro 17:28

Gerena kaki basoe ikaro bana mego, igo dena, “Loborona ia tane qata tooe go qata vizuvizu mana qata zazu go. Mana gerena napu so kaki basoe tarove ramu ikaro bana go igo dena, “Ita Osiqita qata sale ro ia.”

Zazu Ria Apostoloro 2:11

Kakiaro ita qata vano Jiu ogoto, mana kakiaro ita qatiki vano Jiu kaega, do qata kavae so lotu ria vano Jiu, kakiaro ita qata vano Kereti mana Arabia—do osiqita qata gata rove, iri seko ne sekoro ita tanuqita sauna pata vari vapoloso ro izazu bana ne go God!”

Zazu Ria Apostoloro 27:12

Sabarana nae iki velaka kaega koe na ṉalu sokoro, iago topu ria basoero iri koego koluka ne iri soko toka za mana pada ne za dokae na Ponikisi mana za koe de gogo ne torana ṉalu sokoro. Ponikisi i kaki loqu na kereti i tabali za tepa zununa saṉa.

Zazu Ria Apostoloro 27:13

Kameka seva i kikiru me tepa saot mana basoe na koluka ne iri nanao tiniki moqere kaega iri go. Gonae iri toqo vakeba likotona koluka ne mana iri losi zaza qalaqalate tepa papara na nugu kereti.

Zazu Ria Apostoloro 27:7

Zaza qimu vae go i sapu ne qimu topu musaqara, tanego qimu soba sokoro, iago i makuru qemu zaza i umata ne qemu to ia qimu ara za dokae go komala Nidasi. Ilete sota qemu sokoro imakuru qemu go zana tepa gogo ne, iago qimu kava qoqoro za ṉugu kereti mana qimu sabarae kena tepa papara na ṉugu Salamoni, de iki mogere go kaega sokoro ne.

Leta Ia Pol I Karo Ne Qira Basoero Na Rom 16:18

tanego basoero iri gogo nae ne iriki zazu tavise kaega Batu ita Kristo. Do ria nae iri lulua so nanao sakata ro ria tanuqira. Iago iri zazu ne so seko vari vagasi ro mana poqe vale qira so basoero velaka iriki rove go kaega vatovato tatakiu ro iri zazu ne go ria nae.

Pilipae 3:19

Ria nae ne, tarina va lupo ze nako ne, tanego iri va god napua pata i soko go tokama qira. Iri kula sivala ne pata i tora go tarina agava ne, mana iri nanao so pata na ro pua dena.

Kameka Timoti 4:2

Vari vatatana igogo ne, i reqe me too legulegu ria vano iri poqepoqe go, tanego nanao velaka ro ria i le lupo bana.

Taetusi 1:5

Era qa kasi nigoe aro ṉugu Kret, go tono va totoloṉe kaviaro zazu iara ko go. Ono vine qira kakiaro basoero go tarina batu lotu e nogotona ro lotu ikoego nae, gere so de qa sine bana nigo.

Karua Pita 2:12

Do basoero dena iri soko varitara gere qira pata piru ro, iago itora so vae vale qira. Tanego vano poqepoqe ro dena, iri seko sila so pataro iriki rove go kaega, iago i tora so vae vale qira gere na iri vae vale go pata piru rone.

Karua Pita 2:15

Vano vari va tatana poqepoqe dena iri kasi bana ne, too totoloṉo, mana iri bulaṉoi, iri lulua propeta Balam tuna Beo, i lete soko so vavagado nena zazu sakata ro i zazu nego.