Taetusi 1:1 - Vato Vari Vakameka Voru Ia Batu Ne

¹ Era Pol qa basoe zazu ia God mana qa apostolo ia Jesu Kristo. God i turi nava era go tuna tavisi ne qira basoero ia i vine bana qira go, go tarina vaogoto ia mana go tarina rove velake vari vatatana na vaogoto ita go.

Taetusi 1:1 ပူးပေါင်းရင်းမြစ်များ

Luka 18:7

Iago avigo qamu nanao God tiniki va totoloṉo kaega makuru ro ria vano i vine qira go, iri dae taru zaqe ia nogotona kuse mana musaqara? Avigo qamu nanao God tiniki tavisi katikili ne qira kaega?

Zazu Ria Apostoloro 13:48

Ṉalu vano iriki Jiu go kaega iri gata go sekoro dena, iri lete kula, mana iri seko velake God sauna Tarama Velaka dena. Mana ria iri tavine bana ego pala go too gado kutona i kaega, iri vaogote toiago.

Leta Ia Pol I Karo Ne Qira Basoero Na Rom 1:1

I Era Pol kameka basoe zazu ia Jesu Kristo, mana qa kameka apostolo God i vine ava mana i koru ava go tuna tarama ne Tarama velaka ia.

Karua Korinti 1:1

Era Pol qa apostolo, i turi nava Jesu Kristo, tanego God i vato bana ne. Era mana vakitaka ita Timoti qaru karo go leta dena, de qamu koego basoero ia God qamu koego komala lavata na Korint, mana ria napu iri vaogoto go, iri koego kena Akaia.

Epesus 2:8

Tanego i sauna vaogoto ramu tane God i vakavele qamu go.

Pilipae 1:1

Pol mana Timoti, karua basoe zazu ia Jesu Kristo, iru karo go leta dena, de iri koego basoero ia God iri koego Pilipae, ria iri kameka ego Jesu Kristo, ria napu batubatu na lotu mana vano iri zazu tavisi go.

Kolosia 2:2

Qa zazu ne iadena go tina ko ne qamu karaputa mana vari kameka loborona vari mamaligarae, sauna pataro dena ramu tina ko ne qamu nanao nadu, mana tamuna rove va velake, loborona to zuka dena ramu tamuna rove pata i pika go God, iato Kristo tanuna.

Kameka Timoti 2:4

Tanego i soko osiqira basoero tarina kavele mana tarina lama rove, ia i ogoto.

Kameka Timoti 3:16

I pata ogoto bana, vari vatatana na vaogoto ita i kakia pata lavata sivala. Vari vatatana ne igo de, Kristo i lama sadaka gere so basoe na vudu pua. Spirit tabo i vasadake too ia Kristo i lete totoloṉo. Aqelo ro ne iri miasoka ia. Seko ia i zadave kolabana pua ne, mana basoero ne iri vaogote ia. Mana God i pala vapopoka zaqe ia rani ne.

Kameka Timoti 6:3

Basoero iri vari vatatana ne vari vatatana kakavata, iki lulua go kaega seko ogoto ia Batu ita Jesu Kristo mana vari vatatana na lotu gogo ne,

Karua Timoti 2:10

iato go era qa zazu so, patavolomo iri vasasakata nava. Qa soko tavisi ne qira basoe ia God i vine bana qira go, go tarina vakameka ne Jesu Kristo. Go God tina vakavele qira mana teke ne qira too iki rove go kaega lupo.

Karua Timoti 2:23

Oniki tavisi pepeu na pata poqepoqe ro ba vari valegu poqepoqe ro, tanego pataro dena i vapera qira so basoero ne.

Karua Timoti 2:25

Tina rove napua de go tina vatotoloṉo qira go vano iri valegua go vari vatatana ia, ṉalu nae God i mazala napu so tavisi vatotoloṉe na nanao qira basoero nae, go tarina rove go seko ogoto ne.

Jemisi 1:1

Era Jemisi kameka basoe zazu ia God mana Batu ita Jesu Kristo qa seko kula atu de qamu koego ramu basoero topu ia God qamu repe go osina dia vudu pua.

Karua Pita 1:3

Loborona karaputa ia God, Kristo i teke ne qita osina pataro i tora go too ita, go tatana lulua go totoloṉo ia God. Loborona rove ita de i koe Jesu Kristo, ia i koru bana qita go tatana pala tavise go menomeno na karaputa mana totoloṉo iago.

Karua Pita 3:11

Tanego osina ro pata tina sakata mana kaega lupo, iago muna mia velake too ramu. Muna lulua nanao ia God mana ko basoe tabo go, tanego too nae to i soko go God.

Kameka Jon 2:23

Basoe i sila go Tuna God i sila napu to God Tamana go. Do basoe i vaogote go tuna God ivaogoto napua to God Tamana.

Revaleson 1:1

Zazaona buka dena, i vasadaka me pataro iri kokopika bana me go, do Jesu Kristo i vasadaka me. God i teke ne Jesu Kristo go tina vamia qirae basoero iri zazu nego ia, sauna pataro tiniki umata kaega tina lama doka go. Iago Kristo iturine me aqelo iago tina vamia ze Jon, valeke zazu ia.