Leta Ia Pol I Karo Ne Qira Basoero Na Rom 9:30 - Vato Vari Vakameka Voru Ia Batu Ne

³⁰ Iago, pata qi sine go vano iriki Jiu go kaega iriki pada ne kaega vatotoloṉo na tanuqira de ikoego God. Do ria iri vatotoloṉo ze tanuqira de ikoego God loborona vaogoto ria.

Leta Ia Pol I Karo Ne Qira Basoero Na Rom 9:30 ပူးပေါင်းရင်းမြစ်များ

Leta Ia Pol I Karo Ne Qira Basoero Na Rom 10:10

Tanego ṉalu ita qata vaogoto ze puṉu qita, mana vaogoto ita nae to, God i vatotoloṉo qitae go de ikoe go tanuna. Mana sauna tarama na velaka ita nae to God i vakavele qitae go.

Leta Ia Pol I Karo Ne Qira Basoero Na Rom 10:20

Mana Isaia i sine vakaraputa napu me seko ia God igo, “Basoero iriki taqiava kaega era, iri soba va. Era qa vasadaka ve tanuqu de iri koego basoero iriki tana ne kaega sauqu era.”

Leta Ia Pol I Karo Ne Qira Basoero Na Rom 10:6

Do pata i sine go Buka tabo ne sauna basoe i lama totoloṉoe go de ikoego God. Igo dena, “Oniki sine ze nanaomu tanumu, akena tane tina popoka za go rani ne go tina lulu vaqoqoro mego Kristo?”

Leta Ia Pol I Karo Ne Qira Basoero Na Rom 3:5

Do ṉalu zazu keburo ita i tavisi ne qita i vasadaka velaka me God i totoloṉo ba? Avigo God i kebu tane i vakimata qita go ita? (Qa seko go dena gere so basoe volomo.)

Leta Ia Pol I Karo Ne Qira Basoero Na Rom 4:11

Taramuzina to ia iri ara kosia go Abra-am, kosi dena i lalana to God i toqe ne Abra-am i totoloṉo vaogoto ia tarakenaqana iara kaeba go kosi. Iago Abra-am i tamaqira basoero iri vaogote go God, gerena God i toqe ne qira iri totoloṉo go. Patavolomo iara kaebo go kosi.

Leta Ia Pol I Karo Ne Qira Basoero Na Rom 4:13

Ṉalu God i pui ne Abra-am mana ria sasaqi vari soma ia, go vudu pua tina ke ria go, God i pui ne pata dena sauna Abra-am i vaogote Tamana iki go kaega, do tanego Abra-am i vaogote God, mana God i toqe ne Abra-am i basoe totoloṉo.

Leta Ia Pol I Karo Ne Qira Basoero Na Rom 4:22

Iato nae tanego go, vaogoto ia Abra-am i toqe ne go God i basoe totoloṉo go.

Leta Ia Pol I Karo Ne Qira Basoero Na Rom 4:9

Avigo kulakula i sine go Davita dena i ke ria so vano Jiu iri kosi go ba? Kaega! I ke ria napu so vano iriki kosi go kaega go. Tanego ita qata pala ze Buka tabo ne, iri sine go, “Abra-am i vaogote God, mana loborona vaogoto ia, God i toqe ne ia i basoe totoloṉo.”

Leta Ia Pol I Karo Ne Qira Basoero Na Rom 5:1

Ninidena ita qata totoloṉoe de i koe God loborona vaogoto, tanego Batu ita Jesu Kristo i vabule qitae de ikoego God.

Leta Ia Pol I Karo Ne Qira Basoero Na Rom 9:14

Iago mata go God iki zazu iic kaega pata totoloṉo de iri koe go basoero ne ba? Kaega!

Leta Ia Pol I Karo Ne Qira Basoero Na Rom 9:31

Do vano Izirel iri lulua so Tamana go tina vatotoloṉo qirae go de ikoego God, iri go, do iriki soba so kaega Tamana nae.

Qalesia 2:16

Do remu qi rove basoe iko totoloṉe de ikoe God, ṉalu i vaogote go Jesu Kristo, do iki reqeme kaega sauna luluna Tamana. Iago, remu vano Jiu do qimu vaogoto napua so Jesu Kristo, go ia God tina vatotoloṉo qemue deikoego Jesu Kristo, do iki sauna kaega luluna so pataro ni sine go Tamana. Tanego, kaega kaki basoe ni totoloṉoe go de ikoego God, ṉalu i lulua go so pataro ni sine go Tamana.

Qalesia 3:24

Iago Tamana to i kenaqa ne qita ita, gogo iara lama go Kristo, mana vaogoto ita de ikoego iago, qatara lama totoloṉe go ita de ikoego God.

Qalesia 3:8

Buka tabo ne i sine taru bana me so, “God i vatotoloṉo qirae vano iriki Jiu go kaega loborona vaogoto ria.” Iago, Buka tabo ne ivagata bana me ze Abra-am Tarama Velaka, igo, “De qo koego aro, God tina va makaolo qira basoero na vudu pua.”

Qalesia 5:5

Do remu qimu ruqe zaqe God tina vatotoloṉo qemue de ikoego tanuna. Iato nae pata qimu piri ne go remu loborona Spirit tabo ia God, izazue go loborona vaogoto remu.

Epesus 2:12

Ṉalu nae ramu qamu ko kakavatae de ikoego Kristo, mana qamuki basoero ia kaega God, tanego qamu ki basoero tavine ia kaega. Loborona seko na vari toqe ia God, de iri koego basoero tavine ia, ramu qamuki tavine tavise kaega, mana iato nae i lavate go pui ia God, de iri koego basoero ia. Iago loborona ko ramu vudu pua dena ramu qamu ko volomo so, mana i kaega ne qamu ruruqe de ikoego God.

Pilipae 3:9

Mana ma ko kameka e de ikoe ia. Era i kaega nava ka totoloṉo tanuqu, gerena mimia na basoe i lulua go Tamana. Ninidena era qa pala too totoloṉo i teke nava God loborona ruqe na Kristo, vaogoto ireqe me God, i kutamana vaogoto.

Kameka Timoti 6:11

Do aro qo basoe ia God, pataro nae oniki zazu ne, do ono pada ne zazu na pataro i totoloṉe go tarakenaqana God. Ono ko vanadu gere basoe lotu ogoto mana vanadua vaogoto aro go. Ṉalu na makuru, ono karaputa, mana ono mamaligara mana va velaka ne qira basoero go.

Iburu 11:7

Loborona vaogoto ia, Noa i vaogote seko vabanabana ia God sauna pataro iara komego, mana pataro iara kaebo mia na go. Noa i zazu ne kameka koluka mana iva kavele ze ko tatamana iago. Tanego Noa i tatadaṉa e de ikoego God, iago i vasadake basoero na vudu pua ne iri vano sakata, iago God i va sadake Noa i valeke totoloṉo tanego Noa i vaogote God.

Kameka Pita 4:3

Kokosona ne, qamu va riqo ze too ramu lulu na pataro iri zazu nego basoero iriki vaogoto go kaega, vano iri vari vagabu, iri soko go zazu ne na pata sakataro, iri poro ge loka, iri zazu ne kelo lavata ro, go iri ṉaṉa mana lete ge loka mana iri zazu ze pata sakata ro tarakenaqa qira basoero ne, mana iri vazaka qira beku ro go.