Leta Ia Pol I Karo Ne Qira Basoero Na Rom 9:24 - Vato Vari Vakameka Voru Ia Batu Ne

²⁴ Tanego ita to basoero i koru bana qita go God. Iki vano Jiu miki so kaega do ita napu to vano qatiki Jiu go kaega go.

Leta Ia Pol I Karo Ne Qira Basoero Na Rom 9:24 ပူးပေါင်းရင်းမြစ်များ

Zazu Ria Apostoloro 15:14

Saimon iara sine lupo zaqe so de igogo God i vasadaka kenaqe go manava ia de iri koego vano iriki Jiu go kaega, ṉalu i vine go kakia ro vari lobori qira tarina basoero ia, igogo.

Leta Ia Pol I Karo Ne Qira Basoero Na Rom 10:12

Ia dena i sapu lupo qira so osiqira, iki vari kakavatae kaega de iri koe go vano Jiu mana vano iriki Jiu go kaega. God i Batu lupo ne qira so osiqira, mana i teke ne qira pata velaka osiqira iri pene go.

Kameka Korinti 1:9

Ita mata vazaka God, iato God i koru qamu tamuna vari vakitakie de ikoego Tuna, Jesu Kristo Batu ita.

Qalesia 3:28

Iago ikaega so kaki pata i varivakakatae ne de iri koego vano Jiu ba vano iriki Jiu go kaega, vano seka ba vano ko talukasa, valekero ba qolero go, osiqira pataro dena iri kameka pata so de ikoego Kristo.

Kolosia 3:11

Sauna to ianae, i kaega so kapata iri vari vakakavatae ne vano Jiu ba vano iriki Jiu go kaega, vano iri kosi ba vano iriki kosi go kaega, vano iri pala vari vatatana ba iri ko piru, vano iri seka ba vano iri ko talukasa go. Tanego Kristo i sapu lupo qira mana Kristo i koe loboro qira, iago osiqira iri kameka basoe lupo so.

Iburu 3:1

Vakitaka ro era loborona lotu, God i koru bana qamu! Nanao vamazale Jesu, God i turine ne ia tina Batu ria patere de qata koego, i mazala go sine vasadake na vaogoto ita.

Kameka Pita 5:10

Do taramuzina vokara pusi dena, God i ko nego Mana, i koru qamu go tamuna pala tavise menomeno ia i ko gado kutona i kaega. Loborona to va kameka ramu de ikoego Kristo, tanuna tinara va totoloṉo velaka qamu, mana tina teke ne qamu, karaputa, mana vadegere vanadu qamu go.

Revaleson 19:9

Gonae aqelo ne i sine nava, igo, “Ono karo pataro dena, vano iri rave qira mego kelo na busi ia Tunana Sipi ne, iri pala to kula ria.” Aqelo ne i sine napua, “Seko dena i seko ogoto ia God.”