Leta Ia Pol I Karo Ne Qira Basoero Na Rom 9:22 - Vato Vari Vakameka Voru Ia Batu Ne

²² Gerena napu so God. Ia i soko vasadakena muma ia, mana isoko vamia qitae karaputa ia. Do ia i pala tarua muma ia de iriki koe go ria ikoego muma ia. Patavolomo i muma vasakata ne qira go.

Leta Ia Pol I Karo Ne Qira Basoero Na Rom 9:22 ပူးပေါင်းရင်းမြစ်များ

Leta Ia Pol I Karo Ne Qira Basoero Na Rom 1:18

Muma ia God i vasadaka me ze rani ne, go tina vakimata qira basoero iri zazu ne go vatovato sakata go iri vasakata pata go mana vatovato sakata ro dena i midiki ne ogotia God tina sadakae go de iri koe go basoero ne.

Leta Ia Pol I Karo Ne Qira Basoero Na Rom 9:17

Tanego Buka tabo ne, God i sine ne Pero, “Era qa mao nigo aro tono batu lavata, mana sauna vatovato raro to go tinara za sadaka mego karaputa rera, mana go tarinara rove ava go era basoero na kolabana pua ne.”

Leta Ia Pol I Karo Ne Qira Basoero Na Rom 9:20

Do ake aro tono mazala go seko tolina God? Sereke pua, do iki tana ulene kaega basoe i zazu ne go, “Avigo tane qo zazu vane ava go era dena?” iki go kaega.

Leta Ia Pol I Karo Ne Qira Basoero Na Rom 9:21

Do valeke i zazu ne go sereke ne so i mazala go va zazuna pua ni valulu zego de ni soko go. Kameka pobo na pua nae i zazu ne ze karua sereke, kakia i vazazua ṉalu musaqara lavata, mana varuana ne i vazazua to osina musaqara.

Kameka Tesalonika 2:16

Mana iri lete pada ne to vamamanava qemue remu, za tamana qirae vano iriki Jiu go kaega Tarama Velaka ia God, go tina vakavele qirae go vatovato dena iri lama vakube taru ze to osina vasakata pata ro ria. Iago muna ia God i lama dokae to de iri koego.

Kameka Tesalonika 5:9

God iki vine kaega ita tatana pala go kimata na muma ia, do ita mata pala ze vari vakavele de ikoego Batu ita Jesu Kristo.

Karua Timoti 2:20

Kakiaro disi ikoego pade lavata ne, iri zazu neze qolu mana siliva, kakiaro disi iri zazu neze moki mana pua. Kakiaro disi ro ne, iri zaṉana vazazua so.

Kameka Pita 2:8

Mana kaki dia napu Buka tabo ne igo, “Iato ipaka de to tina tabatupara ne qira basoero ne, mana vasoru qira.” Tanego iriki vaogote kaega seko ia God. Iago God irove bana, ria tariniki vaogote kaega ia.

Kameka Pita 3:20

Madauro dena, i madau qira vano iriki vaogote go kaega God. Ṉalu God i piri ne go musaqara ro Noa i zazu ne go koluka ne, tarazalu ria so iri kavele ne go kiale lavata ne,

Karua Pita 2:3

Vano vari vatatana poqepoqe ro nae, iri soko so pala na kesa ramu, iago iri vari vatatana ne so pata poqepoqe ro. Do kimata ria vano vari vatatana poqepoqe ro dena, i nama bana me so. Iago i makuru qira tarina paqa ne, ia tina vae vasakata qira go.

Karua Pita 2:9

Iago osina pataro dena, God i va mia qirae ria basoero velaka de go ia tina vakavele qirae go pata makuru tina lama pada ne qira go. Do vano sakata ne, tina vakimata qira, go tina doka ṉalu tina vakimate go osina basoero ne.

Karua Pita 3:15

Muna mia de igogo God, ia i losi so, mana i teke ne qamu ṉalu. Ia to go iki lama katikili ne kaega. Iago, ramu muna mia pata dena, i ṉalu raramu to go tina vakavele qamu go. Gerena God i teke ne nanao velaka Pol, go i karo bana ne qamu go.

Judi 1:4

Tanego kakiaro basoero iri keba siko me de qata koe go ita vano lotu mana ria dena iriki soko kaega osaka ne na God mana iri itane Mana ia God valulu ze vatovato sakata ro mana iriki toqe ne kaega Jesu Kristo qata va Batua go ita. Do Buka tabo ne i sine bana meso ia tane kimata tina pala qira basoero dena.