Leta Ia Pol I Karo Ne Qira Basoero Na Rom 8:28 - Vato Vari Vakameka Voru Ia Batu Ne

²⁸ Ita qata rove God izazu ne go osina pata sauna velaka ia de iri koe go ria iri mamaligara ne go. Ria to nae i koru bana qira go tarina vasadaka mego pata velaka ikoego nanao ia.

Leta Ia Pol I Karo Ne Qira Basoero Na Rom 8:28 ပူးပေါင်းရင်းမြစ်များ

Maka 12:30

Ono mamaligara ne God Batu aro osina puṉumu, osina madaumu, osina nanaomu mana osina karaputa aro go.’

Zazu Ria Apostoloro 13:48

Ṉalu vano iriki Jiu go kaega iri gata go sekoro dena, iri lete kula, mana iri seko velake God sauna Tarama Velaka dena. Mana ria iri tavine bana ego pala go too gado kutona i kaega, iri vaogote toiago.

Leta Ia Pol I Karo Ne Qira Basoero Na Rom 11:29

Tanego ṉalu God i vine go basoe, mana i teke ne vatabo ia gogo ne, God iki ara kavale kaega nanao na.

Leta Ia Pol I Karo Ne Qira Basoero Na Rom 8:30

Iago ria i vine bana me qira go God, ia i koru napu me qira go i vatotoloṉo napu me qirae de ikoego tanuna, mana i teke napu ne qira too menomeno ia.

Leta Ia Pol I Karo Ne Qira Basoero Na Rom 9:11

Do God i soko valulu zena nanao ia. Iago, i vine so kameka riru karua sale dena. God i sine ne Ribeka, “Sale kenaqa ne tina zazu ne go ke suka ne.” I sine bana pata dena tarakenaqana iru ara kaebo go zazu ne na pata velaka ba i sakata. Iago vivine ia God i degere ṉalu ni korua go basoe, do iki reqe kaega pata i zazu ne go.

Kameka Korinti 1:2

Qaru karo zatu seko kula raru de qamu koego ramu basoero na eklesia ia God qamu koego Korint. God i koru qamu go tamuna basoe tavine ia, mana i va tabo bana qamu loborona vari vakameka de ikoego Jesu Kristo, vari vakameka napu e de koe osiqira basoero na soso dia ro iri va Batua go Batu Jesu Kristo ni Batu ria mana ita napu go.

Kameka Korinti 1:24

mana de iri koego basoe i koru bana qira go God, vano Jiu mana vano iriki Jiu go kaega, tarama dena i Kristo, iato i karaputa ia God mana i tarove ia God.

Kameka Korinti 1:9

Ita mata vazaka God, iato God i koru qamu tamuna vari vakitakie de ikoego Tuna, Jesu Kristo Batu ita.

Kameka Korinti 2:9

Patavolomo nae, Buka tabo ne igo, “Pata iki mia kaega basoe ba iki gata bana kaega gogo ne, iato pataro i vanama go God sauqira vano iri mamaligara nego.”

Karua Korinti 5:1

Remu qi rove ṉalu pade kavakava qata koego dena i tapapata, tokama qita ikoego pua dena tina mode, God tina vanama ze kaki pade tepa rani go tatana za koego. Komala i zazu ne tanuna tina ko sivala go.

Qalesia 1:15

Do loborona Mana ia God, ia i vine banava era torana qara koego sopa na kanae. I koru ava tuna zazu ne ia, mana ṉalu i lama doka to ṉalu itaru bana ze go nanao na,

Qalesia 1:6

Era qalete poloso sasakata, ramu qamu katikili go vananena God, ikoru bana qamue go lulu na Tarama Velaka na Mana ia Kristo.

Qalesia 5:8

God ikoru bana qamu go iki zazu ne kaega ia tane pata dena de qamu koego.

Epesus 3:11

God i valulu ze nanao ia iko bana mego ikaega go ka valupolupona. Mana i vasadaka ze loborona zazu ia Jesu Kristo Batu ita ne.

Epesus 4:1

Era qa kameka basoe iri taruve bara ne tanego qa basoe zazu ia Batu ne. Iago qa sine vakaraputa ne qamu, muna zukae too ilulua go vatovato i sine bana go God, ṉalu i koru qamu mego.

Pilipae 3:14

Iago era qa lete pada ne teteṉe totoloṉo za lala ne, go ma pala sasarapaqu, iato i koru ia God, iva goe ze Jesu Kristo, too ogotona vudu rani ne.

Kameka Tesalonika 5:9

God iki vine kaega ita tatana pala go kimata na muma ia, do ita mata pala ze vari vakavele de ikoego Batu ita Jesu Kristo.

Karua Timoti 1:9

God i vakavele bana qita, mana i koru qitae basoero ia iki sauna kaega zazu ro ita, do loborona so nanao ia, tanego i mamaligara ne qita. I teke ne qita Mana dena ṉalu ivalame go Jesu Kristo, tarakenaqana iara tupi go osina pata,

Karua Timoti 2:19

Do kutama ogotona eklesia ni tarua go God, tiniki mazala kaega vizu na, mana i karoe seko dena, “Batu ne i rove velake basoero ia,” kaki seko igo napu de, “Basoero iri go, iri basoero ia Batu ne, iri na vana ne vatovato sakata ria.”

Iburu 9:15

Sauna to pataro dena, Kristo so tina vanama go varitoqe voru ne, go ria i koru bana qira go God tarina pala vatabo i too sivala, i pui bana nego God. Pataro dena tina mazala zazu, tanego Jesu i le banae koluse ne mana i vakavele bana qirae basoero tepa ia kebu ro iri zazu bana nego ara zazu i vae go varitoqe kenaqa ne.

Jemisi 1:12

I makaolo tane basoe idegere vanadu ne go vaogoto ia, mana i vasivala ne go osina pata pada ro iri lamae go de ikoe go, tanego ṉalu i vasivala ne go osina pata pada ro nae, God tina teke ne ia volina too ogoto ni pui bana ne qira go basoero iri mamaligara ne go.

Jemisi 2:5

Gata turaquro, God i vine qira vano situ na vudu pua dena go mara vavagado vaogoto ria, mana ria mara toṉove komala ikoe go vari miasoka ia ni pui bana ne qira go basoero iri mamaligara ne go.

Kameka Pita 2:9

Ramu ne, God ivine bana qamue sinaqe ia. Ramu to qamu patere ria batu lavata ro, mana qamu basoero tabo ia tanuna go. Ramu to qamu basoero ogoto ia tanuna God, i vine bana qamu tamuna sine vasadake zazu velaka ro ia, tanego God i koru vasiporo bana qamue rodoko mana i taru qamue loborona tatavata velaka ia.

Kameka Pita 3:9

Kasi vari sokasoka ne na pata i sakata go, ba vari soka nena seko sakata go, do muna pene ne basoe igogo nae, tanego makaolo to pata i pui bana ne go God tina tekene qamu, ṉalu i koru bana qamu go.

Kameka Pita 5:10

Do taramuzina vokara pusi dena, God i ko nego Mana, i koru qamu go tamuna pala tavise menomeno ia i ko gado kutona i kaega. Loborona to va kameka ramu de ikoego Kristo, tanuna tinara va totoloṉo velaka qamu, mana tina teke ne qamu, karaputa, mana vadegere vanadu qamu go.

Kameka Jon 4:10

God Tamuna iva sadaka ne qita go ita, de igogo mamaligara. Tanego iki ita kaega qata mamaligara kenaqa ne go God, do God Mamaligara kenaqa ne qita go ita, go i valame go sale iago ilama vokara mana le ne sauna lukasana vasakata pataro ita.

Kameka Jon 4:19

Ita mata vari mamaligarae, tanego God i mamaligara kenaqa ne qita go.

Revaleson 3:19

Qa seko lavata qira mana qa vakimata napu qira basoero qa mamaligara ne qira go. Iago muna pada neto vana lupo ne na osina too mana vatovato sakata ro ramu go.