Leta Ia Pol I Karo Ne Qira Basoero Na Rom 8:24 - Vato Vari Vakameka Voru Ia Batu Ne

²⁴ Tanego ruruqe dena to ita qata kavele banae go. Do ṉalu ita qata mia go pataro qata ruruqe go, ianae iki ruruqe ogoto kaega. Tanego kaega basoe tina ruruqe zaqe go pata ni mia bana go.

Leta Ia Pol I Karo Ne Qira Basoero Na Rom 8:24 ပူးပေါင်းရင်းမြစ်များ

Leta Ia Pol I Karo Ne Qira Basoero Na Rom 12:12

Ruruqe ramu to mara vakula qamu go osina ṉalu. Kasi nonopa ne na ṉalu i lama doka qamu go kaki pata makuru mana ko ramu muna pene so osina ṉalu.

Leta Ia Pol I Karo Ne Qira Basoero Na Rom 15:13

Go God ikutama ne go ruruqe mara vapuraka ze puṉu qamu kula kula mana bule i reqeme go vaogoto ramu de ikoe go ia, go ruruqe ramu mara popokae loborona karaputa ia Spirit tabo.

Leta Ia Pol I Karo Ne Qira Basoero Na Rom 15:4

Osina pataro iri karo bana ze go Buka tabo ne i sauna go mara varove qitae ita, go tatana pala ze go ruruqe loborona ko noto, piri ita mana i vakaraputa napu qitae pata ro ni pui ne qita go God loborona Buka tabo ne.

Leta Ia Pol I Karo Ne Qira Basoero Na Rom 4:18

Abra-am i vaogote God, mana i ruruqe ia tina zazu ne pata ni pui ne ze go. Patavolomo pataro dena i makuru go nanao rove na de gogo tina lama ogoto go; iato nae tanego God i va tamana ze go ia sinaqe na vudu pua. Gerena Buka tabo i sine go, “Sasaqi iri reqeme go sinaqe aro tina gere topuna domiri ro ne.”

Leta Ia Pol I Karo Ne Qira Basoero Na Rom 5:2

Loborona vaogoto Kristo i varove qitae ita Mana ia God i teke volomo ne qita go qata too e go manava nae ninidena. Ita qata kula ne ruruqe ia tatana pala tavise go karaputa ia God kene ṉalu.

Leta Ia Pol I Karo Ne Qira Basoero Na Rom 8:20

Do pata ro dena iri za patavolomo sivala so, mana iriki soko kaega tarina za gogo dena, do i lulua nanao ia God go tina za votoe go nanao ia, iara kome go.

Kameka Korinti 13:13

Iago kapisa pata dena i ko sivala go, vaogoto, ruruqe, mamaligara, do ke lavata sivala ne to mamaligara.

Karua Korinti 4:18

Tanego remu qiki vanadu ze kaega nanao qemu, pataro qata mia go, do qi vanadu ze nanao qemu, pataro qata ki mia go kaega. Pataro qata mia go, iki pata ko vaumata kaega, do pataro qatiki mia go kaega, iato pataro tina ko sivala go.

Karua Korinti 5:7

Tanego too ita i nadu eso vaogoto, mana iki nadue kaega pataro qata mia go.

Qalesia 5:5

Do remu qimu ruqe zaqe God tina vatotoloṉo qemue de ikoego tanuna. Iato nae pata qimu piri ne go remu loborona Spirit tabo ia God, izazue go loborona vaogoto remu.

Kolosia 1:23

Ramu muna degere vanadu mana lulua de go vaogoto dena, mana kasi va malumu na tanuqamu mara vizua go soko qamu pala go, ṉalu qamu gata go Tarama Velaka mana iato Tarama Velaka dena, era Pol qa basoe zazu na, iato qa tarama ze go osina dia kolabana pua ne.

Kolosia 1:27

Nanao ia God isoko tina va vatatavata me pata i pika ne qira go basoero ia. Vavagado mana mazala i pika go dena i soko teke ne qira basoero topu. Iato dena pata i pika go, Kristo i koe loboro qamu, talupasana igo de, ramu qamu mazala to pala tavise na menomeno mana karaputa ia God.

Kolosia 1:5

Ṉalu tarama ogoto mana Tarama Velaka go i garetu doka kenaqe de gamu koego ramu, ramu qamu gata bana pata qata mazala pala zena Tarama Velaka igogo ne, tanego vaogoto mana mamaligara i kutamana to pata qamu ala ne go, pata igogo ne iato i soti vanadu ze God tepa rani ne.

Kameka Tesalonika 5:8

Do ita qata basoe na musaqara, iago mata vazazao ze nanao ro ita pata ni velaka go. Mata pala taru vanadua vaogoto, mana mamaligara gerena bako ita. Mana ruruqe ita, de ikoego vari vakavele ia God i gerena topatopana varitara ita.

Karua Tesalonika 2:16

Go Batu ita Jesu Kristo mana God Tamaqita i mamaligara ne qita, Mana ia, i vakaraputa qita osina ṉalu mana i vanadua ruruqe ita go.

Taetusi 3:7

go ita tatana toṉove go too iki rove go kaega lupo. Too qata vaogote go tatana za pala go ne God i manava ne qita, mana i taru vatotoloṉo qitae tarakenaqana tanuna go. Seko dena i pata ogoto, qa soko sine vamoqere nigo, ono sine vasadake vari vatatana dena, go basoero iri vaogote go God, mara teke ne ṉalu ro ria zazu na pataro ni velaka go. Pataro i velaka go ne, iato i mazala go tavisi ne qira go basoero ne.

Iburu 11:1

Ṉalu qata vaogote go God, qata taru ze ruruqe ita de ikoe pataro i pui nego God, patavolomo qataki mia kaega, do qata rove i ko.

Kameka Pita 1:21

Mana de ikoego to Kristo ramu qamu vaogote God, ia iva too me Kristo tepa le ne i vakaraputa ia, mana i teke ne menomeno. Iago vaogoto mana ruruqe ramu mara ko vanadue de ikoego God.

Kameka Pita 1:3

I lete velaka sivala mata teke ne seko velaka de ikoe God Tamana Batu ita Jesu Kristo! Tanego Mana ia i teke ne qita too voru loborona va too ivae mego Jesu Kristo tepa le ne. Ia dena nanao iva puraka qitae ita ruruqe i too taru osina ṉalu.

Kameka Jon 3:3

Iago osiqira ria iri piri ne go lama napu na Kristo, ria mara miasoka velake tanuqira tepa ia vasakata pata gerena Kristo i dalo bana go.