Leta Ia Pol I Karo Ne Qira Basoero Na Rom 8:2 - Vato Vari Vakameka Voru Ia Batu Ne

² Tanego karaputa ia Spirit tabo i teke ne qita too i vakameka ne qita go ita Kristo, go i lukasa qita go sauna vatovato ia vasakata pata, mana go i vae vale qita go.

Leta Ia Pol I Karo Ne Qira Basoero Na Rom 8:2 ပူးပေါင်းရင်းမြစ်များ

Tarama Velaka Ia Jesu Kristo I Karo Go Jon 4:10

Jesu i vataule ne ia igo, “Aro qoki rove kaega pata i soko teke nigo aro, mana qoki rove ava kaega era, qa pene besi, go ṉalu go to rove go ne, aro to pene besi ava era, besi igogo ne iki rove go kaega lupo.”

Tarama Velaka Ia Jesu Kristo I Karo Go Jon 4:14

Do ka basoe i besia go besi tuna soso nego era, tiniki ara kaṉoso kaega, tanego besi tuna soso nego era tina gere besi vuala i too taru mana i teke too gado kutona i kaega basoe ne.

Tarama Velaka Ia Jesu Kristo I Karo Go Jon 6:63

Spirit tabo ia God i sosovolomo nego too, karaputa ia basoe i makurua. Iato go sekoro era i va mazala qamue ramu toṉove na Spirit tabo i soso nego too.

Tarama Velaka Ia Jesu Kristo I Karo Go Jon 8:32

Tamuna rove pata ogoto de ikoego God, mana pata ogoto dena, tina va talupasa qamu.”

Tarama Velaka Ia Jesu Kristo I Karo Go Jon 8:36

Ṉalu sale ia God i vatalupasa qamu, ramu tamuna talupasa ogoto to.

Leta Ia Pol I Karo Ne Qira Basoero Na Rom 16:3

Era qa vazao napu ze seko kula era de iru koe go Akuila mana Prisila iru zazu tavisi ava sauna Jesu Kristo.

Leta Ia Pol I Karo Ne Qira Basoero Na Rom 3:27

Iago ava patana mata vazaka napu ne go ita? Kaega so kapata! Ava sauna go qatiki vazaka napu ne go kaega ita na? Avigo ita qata mazala vatotoloṉo napu na tanuqita de ikoego God, sauna luluna Tamana ba? Kaega! God tanuna so i vatotoloṉo napu qita ita de i koe tanuna sauna vaogote na Jesu Kristo.

Leta Ia Pol I Karo Ne Qira Basoero Na Rom 5:21

Iago vasakata pata i kenaqa ne qira vano basoe mana i teke ne qira to le. Do Mana ia God i ko ne karaputa sivala loborona zazu ia Jesu Kristo i vatotoloṉo napu qita ita vano basoe, mana i kenaqa qitae go too gado kutona i kaega.

Leta Ia Pol I Karo Ne Qira Basoero Na Rom 6:14

Kasi vamao nena vasakata pata go mara batu ne qamu tanego ramu qamuki too e kaega tamana, do qamu too e Mana ia God.

Leta Ia Pol I Karo Ne Qira Basoero Na Rom 6:18

Ramu qamu talukasa banae to vasakata pata, mana qamu lama seka ne vatovato totoloṉo de ikoe go God.

Leta Ia Pol I Karo Ne Qira Basoero Na Rom 6:22

Do ninidena ramu qamu talukase to vasakata pata, mana qamu ko seka ia God. Iato nae go qamu vatabo ze go too ramu de ikoe go ia, mana ṉalu muzi tamuna pala ze too gadokutona i kaega.

Leta Ia Pol I Karo Ne Qira Basoero Na Rom 7:21

Iago, era qa rove vatovato sakata dena so i zazue de qa koe go era. Ṉalu qa soko go zazu nena pata velaka, do pata sakata so i reqeme go de qa koe go era.

Leta Ia Pol I Karo Ne Qira Basoero Na Rom 7:23

Do qa mia kameka tamana kakavata i zazue go loborona tokamaqu, mana tamana nae i varitarae de ikoego Tamana i toqe ne go nanaoqu. Iago i qolo ava era, tane tamana ia vasakata pata i zazue go loborona tokamaqu.

Leta Ia Pol I Karo Ne Qira Basoero Na Rom 7:4

Igo napu so nae de qamu koe ramu, tanego ramu qamu vakameka tavise le ia Kristo, iago ramu qamu le bana, mana qamu talukase tepa ia tamana. Mana ninidena ramu qamu ke ia to Kristo go tamuna zazu velaka ne God.

Leta Ia Pol I Karo Ne Qira Basoero Na Rom 8:1

I kaega ka basoe tina sine go ita qata kebu sauna ko kameka ita de i koe Jesu Kristo.

Kameka Korinti 15:45

Iato go Buka tabo ne i sine, “Basoe kenaqa Adamo, God i vazaria ia i teke ne too na vudu pua dena,” do Adamo i lama muzi go God i teke ne ia Spirit i soso ne too.

Karua Korinti 3:17

Takoboro dena ne, vitoṉo ‘Batu’ ne i spirit ia God, mana de ikoego Spirit i Batu go, i koe vari vatalukasa.

Karua Korinti 3:6

Ia so iva mazala qemu go remu, go qi osaka ne zazu ikoego go varitoqe voru ia. Iki sadaka banae kaega Tamana ro iri karo go, do i reqe me de koe Spirit tabo. Tamana ro iri karo go i valame le, do Spirit ne, i teke ne qita too.

Qalesia 2:19

Tanego Tamana ivae ava era, go era tuna too e deikoego God. Iato nae tanego iri vae vale palu zave go era Kristo koluse ne.

Qalesia 5:1

Kristo i lukasa qita ita, go qata ko talukasa go. Iago degere vanadu gere qira basoero iri ko talukasa, mana kasi vamao nena kaki basoe go mara vaseka napu qamu.

Qalesia 6:2

Muna tavisi ne makuru ia kene basoe, vatovato dena to tamuna valulu ze go ramu tamana ia Kristo.

Jemisi 1:25

Do basoe i vanoto zaqe nanao na tamana totoloṉo ni lukasa qira go basoero ne, mana iki gata vanane kaega, do ilulua. Basoe nae tina pala makaolo de ikoe go God osina pataro izazu ne go.

Revaleson 11:11

Taramuzina kapisa mana takabana musaqara dena, marapuga na too i teke ne qiru go God, i vatoo napu qiru, iru degere mana iru zaza, osiqira basoero iri mia qiru go, iri lete sareki sivala.

Revaleson 22:1

Gonae aqelo ne i vamia zave besi uguru na too i damara gere duviduvi na sirosiro i za reqe me de kolokoloku batubatu ia God mana Tunana Sipi ne go,