Leta Ia Pol I Karo Ne Qira Basoero Na Rom 8:17 - Vato Vari Vakameka Voru Ia Batu Ne

¹⁷ Ita qata salero ia God, iago ita tatana toṉove go pataro i toṉove go God ni soti ne qita go ita basoero ia, go tina vamakaolo qita, mana ita napu tatana soti tavisi ze Kristo pataro ni soti bana go ia. Tanego ṉalu ita qata pala tavise go vokara ro ia Kristo, ita napu tatana tonovo tavise kulakula na rani ne.

Leta Ia Pol I Karo Ne Qira Basoero Na Rom 8:17 ပူးပေါင်းရင်းမြစ်များ

Matiu 16:24

Gonae Jesu i sine ne qira disipoloro ia, “Ṉalu ka basoe i soko lulu ava era, ia tina vaqoqore tanuna, ina pala koluse ia, mana lulu ava era go.

Matiu 25:21

Batu ia igo, ‘Velaka sivala, aro qo valeke zazu velaka, qo miasoka velake zazu suka dena, iago tuna va miasoka zigoe topuna pataro, lama mana kula tavisi ava era go!’

Luka 12:32

Jesu igo, “Muniki sareki sinaqe suka. Tamaqamu i lete soko qamue de ikoego vari miasoka ia.

Luka 24:26

Avigo iki tora kaega Mesia tina vokara ne pataro dena go tina ra keba za go Too ikoego vari miasoka ia God?”

Tarama Velaka Ia Jesu Kristo I Karo Go Jon 17:24

Mamae! Era qa soko basoero qo teke nava go tarina ko tavisi ve de qa koego, go tarina mia karaputa mazala era, karaputa mazala qo teke bana nava go, tanego qo mamaligara nava tarakenaqana qo ara vazaria go kolabana pua de.

Zazu Ria Apostoloro 14:22

Iru seko vakaraputa qira basoero iri vaogoto go mana iru seko vatalasara qira, go mara ria vanadua vaogoto ria, iru va rove qira e basoero ne, “Ita tatana soba topu na makuru, go tatana ra keba za go de i koe go vari miasoka ia God.”

Zazu Ria Apostoloro 20:32

Mana ninidena era qa taru qamue to vari miasoka ia God, tarama na de igogo velaka na God, go tina vazaza popoka qamu mana vakaraputa qamu, go tamuna pala vatabo i vanama bana go God, tina tekene qira go basoero ia.

Zazu Ria Apostoloro 26:18

Aro tono papaqa mataqira mana vatabali vatotoloṉo qira, go tarina kasi ne rodoko mana lama e tatavata, mana mara ria kasi ne karaputa ia Satana, go mara ria lama e de ikoego God, go ṉalu tarina vaogoto ava go era, God tina nanao ule ne vasakata pata ro ria mana tarina tonovo napua de koko ni vanama bana go God tarina koego basoero ia ni vine bana go tanuna.’

Leta Ia Pol I Karo Ne Qira Basoero Na Rom 5:17

Pata ogoto, vasakata pata ia kameka basoe dena Adamo, i vatarakenaqa ne qira to vano basoe le. Tanego i sauna to vasakata pata ia. Do i pata ogoto sivala napu, pata i zazu ne ze go God zazu ia kameka basoe dena Jesu Kristo i lete lavata sivala napu. Tanego osiqira basoero iri pala Mana de i koe go God, mana iri pala napua too totoloṉo i sosovolomo ne qira, go tarina ko karaputae de i koe Kristo.

Leta Ia Pol I Karo Ne Qira Basoero Na Rom 8:3

Tamana i kaega ne karaputa go tina vakuziki ne go vasakata pata, tanego too ita vano basoe i memelaka qatild lulua kaega tamana. Do God so i zazu ne go pata dena ni valame go Sale ia i lama basoe i gere qita ita, mana i pala tavise vasakata pata i vokara ne, mana i le ne go i vakuziki ne go vasakata pata ita.

Kameka Korinti 2:9

Patavolomo nae, Buka tabo ne igo, “Pata iki mia kaega basoe ba iki gata bana kaega gogo ne, iato pataro i vanama go God sauqira vano iri mamaligara nego.”

Karua Korinti 1:5

Gerena so remu qi pala tavise go topu na vokara ro ia Kristo, mana de ikoego Kristo, remu qi pala napua so tavisi lavata ia God.

Karua Korinti 1:7

Qi rove ramu qamu pala tavise vokara ro qi pala go remu, mana qamu pala tavisi napu so vari vatatavisi qi pala go remu, iago nanao qemu remu deqamu koego ramu iara nadu so.

Qalesia 3:29

Ṉalu ramu qamu keia to Kristo, ramu to qamu popodo ro ia Abra-am mana tamuna toṉove pata i pui nego God.

Qalesia 4:7

Iago ramu qamuki basoe seka to kaega, do qamu salero ia God. Iago God tina teke ne qamu osina pata itoṉove go ni pui bana ne qamu go.

Epesus 3:6

Pata ogoto iko pipika bana mego dena ne, loborona tarama velaka ne igo, vano iriki Jiu go kaega iri pala tavise ria tane makaolo ia God iri pala bana go vano Jiu. Osiqira iri kamekae so kameka tokama, mana iri pala tavise pui ia God, ni vazuka me ze go de ikoego Jesu Kristo.

Pilipae 1:29

Tanego God i teke bana ne qamu, ramu tamuna zazu ne zazu ia Kristo, iki sauna so kaega go qamu vaogote ia, do i palu zato makuru ro qamu soba go, tanego i sauna ia.

Pilipae 3:10

Pata qa soko go era, rove na mana nanao rove na de go karaputa na too napu ia Jesu tepa le ne. Ma kena tavise vokara ia, mana ma gere ia i le go.

Kolosia 1:24

Ṉalu ninidena era qa kula ne vokara qa pala go sauqamu ramu, tanego talupasa na vokara na tokamaqu, era qa tavisi valupo na pata iara ko sivale go vokara ivae go Kristo, i tokamana, go eklesia ne.

Taetusi 3:7

go ita tatana toṉove go too iki rove go kaega lupo. Too qata vaogote go tatana za pala go ne God i manava ne qita, mana i taru vatotoloṉo qitae tarakenaqana tanuna go. Seko dena i pata ogoto, qa soko sine vamoqere nigo, ono sine vasadake vari vatatana dena, go basoero iri vaogote go God, mara teke ne ṉalu ro ria zazu na pataro ni velaka go. Pataro i velaka go ne, iato i mazala go tavisi ne qira go basoero ne.

Iburu 1:14

Aqelo ro ne, iri spirit so, iri ko mana osaka ne God mana God tina turine qira me, go tina tavisi ne qira basoero iri soko go pala na vari vakavele.

Iburu 1:2

Do ṉalu ro dena i garogaro go vele lupo go, God i seko tabe qita e ita loborona Sale ia. God i vazaria go kolabana pua ne mana pataro ikoego. God i vine bana ṉalu kolabana pua dena tina lupo, osina pataro ikoego tina ke ia Sale ia.

Iburu 6:17

God i soko vatatavata ne qira basoero tarina pala go pata i pui ne go, ia tiniki ara kavale kaega nanao na, iato go i odo odo ne go pata i pui ne go.

Jemisi 2:5

Gata turaquro, God i vine qira vano situ na vudu pua dena go mara vavagado vaogoto ria, mana ria mara toṉove komala ikoe go vari miasoka ia ni pui bana ne qira go basoero iri mamaligara ne go.

Kameka Pita 1:4

Ianae go ita qata vatarakenaqa ne za qe palana vavagado na makaolo ia God i soti ne qira go basoero ia. Vavagado nae i soti ne qamue rani ne, de iki mazala kaega za sakata ena mana za kaega ena go.

Kameka Pita 4:13

Do ramu muna kula qamu pala tavise go vokara ia Kristo, go ia ramu tamuna lete kula tavise ia, ṉalu tina sadaka mego karaputa lavata ia God.

Revaleson 21:7

Basoe i karaputa nego varitara ia ne, tina pala go pataro dena. Era qa God ia mana ia i sale ia.

Revaleson 3:21

Basoe i karaputa nego varitara dena, tina lama koloku tavisi ve era de koloku batubatu era, gere ava so era qa karaputa bana ne go varitara ne, mana ninidena qa za kolokue, de koloku batubatu ia Mamae.