Leta Ia Pol I Karo Ne Qira Basoero Na Rom 7:4 - Vato Vari Vakameka Voru Ia Batu Ne

⁴ Igo napu so nae de qamu koe ramu, tanego ramu qamu vakameka tavise le ia Kristo, iago ramu qamu le bana, mana qamu talukase tepa ia tamana. Mana ninidena ramu qamu ke ia to Kristo go tamuna zazu velaka ne God.

Leta Ia Pol I Karo Ne Qira Basoero Na Rom 7:4 ပူးပေါင်းရင်းမြစ်များ

Matiu 26:26

Torana iri ara ṉaṉa go, Jesu i pala bureri, i pene mana i seko velaka ne zaqe God i pasia mana i teke ne qira disipoloro ia mana igo dena, “Pala mana ge, ia dena i tokamaqu era.”

Maka 4:20

Do paturu i sorue go pua velaka ne, igere qira to vano iri gata seko ia God iri toqe velaka ne go. Iago, kakiaro ipisaṉaulu to urena mana kakiaro onomoṉaulu, mana kakiaro i kameka vasa to urena go.”

Tarama Velaka Ia Jesu Kristo I Karo Go Jon 15:8

Ṉalu ramu qamu ure velaka go, qamu vasadake qamu disipoloro era, mana ṉalu nae karaputa mazala ia Mamae tina va sadaka me.

Tarama Velaka Ia Jesu Kristo I Karo Go Jon 3:29

Ṉalu kaki valeke i ara busia kaki qole, qole nae i ke iato valeke nae, do vakitaka ia valeke ni busi go i lama ko garogaro mana gatagata go, ia tina lete kula sivala ṉalu tina gata go seko na valeke busi ne. Tina go napu so kula era go.

Tarama Velaka Ia Jesu Kristo I Karo Go Jon 6:51

Era to ga bureri na too qa reqe mego rani ne. Ṉalu ka basoe i ge go, ia tina ko osina ṉalu. Bureri qa soso ne go, iato tokamaqu, qa soso ne qira go basoero na vudu pua dena go basoero ne tarina za kavele.”

Leta Ia Pol I Karo Ne Qira Basoero Na Rom 6:11

Gerena napu so ramu, muna nanao rove napua tanuqamu. Ramu qamu le ne vasakata pata, mana qamu too napue de ikoego God loborona ko vakameka ramu de ikoego Jesu Kristo.

Leta Ia Pol I Karo Ne Qira Basoero Na Rom 6:14

Kasi vamao nena vasakata pata go mara batu ne qamu tanego ramu qamuki too e kaega tamana, do qamu too e Mana ia God.

Leta Ia Pol I Karo Ne Qira Basoero Na Rom 6:2

Kaega! Ita qata le banae to vasakata pata, iago ava tina gogo tatana za too napue go loborona vasakata pata?

Leta Ia Pol I Karo Ne Qira Basoero Na Rom 6:22

Do ninidena ramu qamu talukase to vasakata pata, mana qamu ko seka ia God. Iato nae go qamu vatabo ze go too ramu de ikoe go ia, mana ṉalu muzi tamuna pala ze too gadokutona i kaega.

Leta Ia Pol I Karo Ne Qira Basoero Na Rom 7:3

Iago, ṉalu qole nae iko tavisi napua kaki valeke do valeke kenaqa iane iara too gogo ne, tamana igo, ia i taunata.

Leta Ia Pol I Karo Ne Qira Basoero Na Rom 7:6

Do ninidena ita qata talukasa, tanego ita qata le bana ne pata i qolo bana go tamana. Iago ita qatiki zazu ne ze to kaega God ṉalu ninidena vatovato bana ro iri karo ze go tamana, do qata zazue vatovato voru ia Spirit tabo.

Leta Ia Pol I Karo Ne Qira Basoero Na Rom 8:2

Tanego karaputa ia Spirit tabo i teke ne qita too i vakameka ne qita go ita Kristo, go i lukasa qita go sauna vatovato ia vasakata pata, mana go i vae vale qita go.

Kameka Korinti 10:16

Muna nanao zaqe kapu na komonio qata seko velaka ne zaqe go God. Ṉalu qata besia go kapu dena, ita qata vari soso ne parasana Kristo, mana bureri qata ge go ita, qata vari soso ne tokamana Kristo.

Karua Korinti 11:2

Era qalete nanao qamu gerena God i lete nanao qamu go ramu. Ramu qamu gere kameka qole i lete dalo sivala, mana era tane qava tamatura ze ia kameka valeke nae, iato valeke nae tanuna to Kristo.

Qalesia 3:13

Kristo i bauru bana ne qitae ita tulaṉa iteke ne qita go Tamana. Tanego Buka tabo ne igo, “Ka basoe iri vaidoko ze go moki ne, i pala tularia ia God.”

Qalesia 5:18

Do ṉalu Spirit tabo i kenaqa ne qamu osina ṉalu, Tamana iki ara batu ne qamu to kaega.

Epesus 2:15

Iva kuziki ne Tamana ro mana tabotabo ro ria vano Jiu, loborona to zuka nae i va kameka qira go karua sinaqe basoe dena, mana i vakameka ze de koe tanuna, gerena i taru qirae loborona bule ia.

Pilipae 1:11

Too ramu mara purake vatovato totoloṉo i reqe me Jesu Kristo, go topu ria basoero tarina padapada mana vazaka God.

Pilipae 4:17

Mana ia dena, iki go kaega era qa soko go ma pala sosovolomo ramu, do qa soko miana papala vatopu ramu, mara topu de iara ko mego.

Kolosia 1:10

Go tamuna mazala ko gerena de i soko go Batu ne, mana tamuna mazala vakula na iago. Too ramu tina vasadaka me topu na too mana vatovato velaka, mana ramu tamuna rove velake de igogo God.

Kolosia 1:22

Do ninidena, loborona basoe ogoto ia Jesu, mana ni le go, God i vine qamu tamuna vakitaka ia, go ramu tamuna tabo, dalo, mana tina kaega ne qamu kebu, tarakenaqana ia.

Kolosia 1:6

Tarama Velaka i valame tarua makaolo mana i zadavae kolabana pua ne, gere na so de igogo lama doka kenaga i vae go de gamu koego. Ramu, qamu gata go de igogo Mana ia God, mana gamu rove go pata i ogoto go.

Kolosia 2:14

I qusa vakuziki lupo ne osina zukazukana tamana i va qoqoro qita go, i va lupo ze osina tamana ro dena, ṉalu Jesu ile go koluse ne.

Kolosia 2:20

Ramu qamu le tavise Kristo, mana qamu talupasae karaputa ia Spirit na vudu pua dena. “Avigo tane qamu ko gere go basoe na vudu pua de? Avigo tane qamu vaogote go tamana i sine go.

Iburu 10:10

Tanego Jesu Kristo i zazu valupo banato pata i soko go God, tina zazu nego ṉalu ia i vamao go tokamana go ile go koluse ne, ia i komakoma ne tanuna kameka so ṉalu, sauna to zazu dena God i va dalo qitae ita loborona vasakata pata ro ita go.

Kameka Pita 2:24

Tanuna Kristo i pala ze tokamana osina vasakata pata ro ita, za le i vae go koluse ne, go ita tatana le ne too na vasakata pata mana tatana too napu ne de igogo ko totoloṉe na tarakenaqa na God.

Revaleson 19:7

Ita mata kula mana gasi, mata vazakazaka vitoṉona ia! Tanego ṉalu ia Tunana Sipi ne tina busi go, i lama doka to, mana qole ia i vanama napu neto busi riru go.

Revaleson 21:9

Kaki kameka aqelo i za lamae de qa koego era, aqelo dena iato vavituna go aqelo i pala bana go ebata lavata i purake go vavituna pata vari va makuru ne. Gonae igo dena, “Lama go ma vamia goe era qole ia Tunana Sipi niara busia go.”