Leta Ia Pol I Karo Ne Qira Basoero Na Rom 6:23 - Vato Vari Vakameka Voru Ia Batu Ne

²³ Tanego volina vasakata pata to le. Do sosovolomo i teke ne qita God iato too gado kutona i kaega, ṉalu ita qata ko vakamekae go de ikoe go Batu ita Jesu Kristo.

Leta Ia Pol I Karo Ne Qira Basoero Na Rom 6:23 ပူးပေါင်းရင်းမြစ်များ

Matiu 25:46

Basoero dena tarina pala to kimata iki rove go kaega lupo, do ria basoero totoloṉo tarina zae de ikoego too iki rove go kaega lupo go.”

Tarama Velaka Ia Jesu Kristo I Karo Go Jon 10:28

mana qa teke ne qira too iki rove go kaega lupo, mana tariniki ara le kaega go, mana kaega ka basoe tina mazala go pala vakuziki qirae karisiqu era.

Tarama Velaka Ia Jesu Kristo I Karo Go Jon 17:2

Aro qo teke bana nava karaputa sauna miasoka qira osiqira basoero ne, go osiqira ria go teke nava go, era tuna teke qira too iki rove go kaega lupo.

Tarama Velaka Ia Jesu Kristo I Karo Go Jon 3:36

Iago ka basoe i vaogote go Tuna God, ia tina pala too iki rove go kaega lupo, do basoe iki vaogote go kaega Tuna God, ia tiniki pala kaega too igogo ne mana God tina muma taru ne iago.

Tarama Velaka Ia Jesu Kristo I Karo Go Jon 4:14

Do ka basoe i besia go besi tuna soso nego era, tiniki ara kaṉoso kaega, tanego besi tuna soso nego era tina gere besi vuala i too taru mana i teke too gado kutona i kaega basoe ne.

Tarama Velaka Ia Jesu Kristo I Karo Go Jon 4:36

Basoe i vae go urena pata lebaleba ne tina pala voli, urena neto, basoero tarina pala too iki rove go kaega lupo. Iago basoe i leba go pata gege ne, mana basoe i vae go ure na go, tiruna mazala so kameka ko vari kulae go.

Tarama Velaka Ia Jesu Kristo I Karo Go Jon 5:24

Ma sine ne qamu pata ogoto, ṉalu ka basoe i gata seko ro era, mana i vaogote Mamae ni turi nava mego, basoe nae tina pala too iki rove go kaega lupo. Too ia tiniki koe kaega varitanae, tanego i gere, basoe i le bana mana i too ule napu mego.

Tarama Velaka Ia Jesu Kristo I Karo Go Jon 6:27

Iago muniki zazu vokara ne patagege i sakata katikili go, do muna zazu vokara ne patagege i mazala go tekene qamu go too iki rove go kaega za lupo. Era Tuna basoe na tekene qamu patagege igogo ne, tanego God Tamaqita i vasadaka bana, i soko ava era.”

Tarama Velaka Ia Jesu Kristo I Karo Go Jon 6:40

Tanego pata i soko go Mamae ne, osiqira ria iri mia mana vaogote go Tuna gogone, tarina pala too iki rove go kaega lupo, mana tuna vatoo qira musaqara muzimuzi go.”

Tarama Velaka Ia Jesu Kristo I Karo Go Jon 6:68

Saimon Pita i vataule igo, “Batu, akena to timuna zae go? Aro to qo toṉove go seko ikoego too iki rove go kaega lupo.

Leta Ia Pol I Karo Ne Qira Basoero Na Rom 1:32

Iri rove tamana ro ia God i sine go, basoe i zazu ne go vatovato dena i tora ia tina le ne go. Do ria iriki mamanava kaega, mana iri zazu taru ne so. Iago iri kula ne ria tane basoe kakavata i zazu tavisi ne go vatovato dena.

Leta Ia Pol I Karo Ne Qira Basoero Na Rom 2:7

Kakiaro basoe iri vanadue zazu ne na zazu velaka, mana iri taqi ze God menomeno, vamazala, mana too i too sivala go. De iri koe basoero nae God tina teke ne qira too gado kutona i kaega.

Leta Ia Pol I Karo Ne Qira Basoero Na Rom 5:12

Vasakata pata i lama banae so vudu pua ireqeme kebu ia kameka basoe, mana vasakata pata to i vae vale go ia. Iago le i sapua to vano basoe na vudu pua, tanego osiqita qata vasakata pata lupo so.

Leta Ia Pol I Karo Ne Qira Basoero Na Rom 5:17

Pata ogoto, vasakata pata ia kameka basoe dena Adamo, i vatarakenaqa ne qira to vano basoe le. Tanego i sauna to vasakata pata ia. Do i pata ogoto sivala napu, pata i zazu ne ze go God zazu ia kameka basoe dena Jesu Kristo i lete lavata sivala napu. Tanego osiqira basoero iri pala Mana de i koe go God, mana iri pala napua too totoloṉo i sosovolomo ne qira, go tarina ko karaputae de i koe Kristo.

Leta Ia Pol I Karo Ne Qira Basoero Na Rom 5:21

Iago vasakata pata i kenaqa ne qira vano basoe mana i teke ne qira to le. Do Mana ia God i ko ne karaputa sivala loborona zazu ia Jesu Kristo i vatotoloṉo napu qita ita vano basoe, mana i kenaqa qitae go too gado kutona i kaega.

Leta Ia Pol I Karo Ne Qira Basoero Na Rom 6:16

Ramu qamu rove va velake, ṉalu qamu soso ne go tanuqamu, gerena seka ne kaki basoe qamu vaogote go, ramu qamu seka ne to batu qamu vamazale go. Do bana ramu qamu seka ne vasakatapata, ianae ne tina vadoka qamue ramu le. Do ṉalu qamu seka ne vaogotona God, ianae ramu tamuna ko totoloṉoe de ikoe go tanuna God.

Leta Ia Pol I Karo Ne Qira Basoero Na Rom 6:21

Ninidena qamu pala to agavana pataro qamu zazu bana ne go. Vatovato nae tina za lupoe so le.

Leta Ia Pol I Karo Ne Qira Basoero Na Rom 8:13

Tanego ṉalu qamu lulua go vatovato na tokama qamu ni soko go too na vudu pua dena, ramu tamuna le, do ṉalu karaputa ia Spirit tabo go qamu vae vale ze go vatovato sakata ro ramu, ramu tamuna pala too.

Leta Ia Pol I Karo Ne Qira Basoero Na Rom 8:38

Tanego era qa lete vaogote to, i kaega to kaki pata tina vakuziki ne qitae go ita mamaligara ia God. Patavolomo aqeloro ba kaki karaputa napu iri ko ṉalu ninidena, mana tarakenaqa i kome go.

Leta Ia Pol I Karo Ne Qira Basoero Na Rom 8:39

Patavolomo kaki karaputa i kome go go zakazaka ba polana pua dena. Mana igo napu to pataro i vazaria go God, i makuru qira tarina vakuziki ne qitae go ita mamaligara ia God i vasadaka bana me ze go de qata koe go ita, Batu ita Jesu Kristo.

Leta Ia Pol I Karo Ne Qira Basoero Na Rom 8:6

Do ṉalu basoe i lulua go too sakata ia tokama, ia tina za le ne so. Ba basoe i lulua go vatovato ia Spirit tabo, ia tinara za pala ze too, mana ko bulebule.

Qalesia 3:10

Basoero iri degere vanadue go Tamana, iri pala tulaṉa loborona too ria. Tanego Buka tabo ne igo, “Ka basoe iki lulua go kaega osina pata i karo banae go buka na Tamana, i pala tulaṉa de ikoego God.”

Taetusi 1:2

Seko ogoto ne, i zazao na too iki rove go kaega lupo. God iki rove go kaega poqe, i pui bana qita e too dena, tarakenaqana iara va zaria go kolabana pua ne.

Jemisi 1:15

Gonae soko sakataro itoṉove go i vazari me vasakata pata, mana ṉalu i lama lavata go ia i vazaria to le.

Kameka Jon 2:25

Mana pata i pui ne go Kristo tina teke ne qita, iato too ogoto iki rove go kaega lupo.

Revaleson 21:8

Do basoero i kaega ne qira padapada, vano iri vabesa nego vakitaka ro ria, vano iriki agava ne kaega vasadake na vatovato sakata ria, vano iri vae vale basoe, mana vano iri zazu nego zazu tatakiu mana vari vagabu, ria iri vazaka qira go beku poqepoqe ro gogo ne, varuana le ria ne, iato bolu na nako i poto sadaka mego loborona pua ne.”