Leta Ia Pol I Karo Ne Qira Basoero Na Rom 6:22 - Vato Vari Vakameka Voru Ia Batu Ne

²² Do ninidena ramu qamu talukase to vasakata pata, mana qamu ko seka ia God. Iato nae go qamu vatabo ze go too ramu de ikoe go ia, mana ṉalu muzi tamuna pala ze too gadokutona i kaega.

Leta Ia Pol I Karo Ne Qira Basoero Na Rom 6:22 ပူးပေါင်းရင်းမြစ်များ

Matiu 13:40

De go tarina pala go seuseu sakata mana subi zaqe nako ne go, ianae tina gere napua so pata tina sadaka go musaqara muzimuzi.

Matiu 13:43

Do basoero iri totoloṉe tarakenaqa na God, tarina damara gere saṉa ne loborona too voru de koego vari miasoka ia God. Ka basoe i zari go qeqelena mara gata seko ro era dena!”

Matiu 19:29

Mana osiqira ria iri kasi ne pade ria, togaqira ba vavaniqira, tamaqira, sinaqira, ba salero ria ba barue ro ria sauqu era, tarina pala vatopu napua kameka vasa sivala ne de iri kasi bana nego, mana tarina toṉove too iki rove go kaega lupo go.

Matiu 25:46

Basoero dena tarina pala to kimata iki rove go kaega lupo, do ria basoero totoloṉo tarina zae de ikoego too iki rove go kaega lupo go.”

Tarama Velaka Ia Jesu Kristo I Karo Go Jon 15:16

Ramu qamuki vine ava kaega era, do era tane qa vine qamu go, mana qa teke ne qamu zazu go tamuna va ure go, ureure nae tiniki rove kaega lupo. Mana Mamae tina teke ne qamu pata qamu pene zego ia loborona vitoṉoqu era.

Tarama Velaka Ia Jesu Kristo I Karo Go Jon 15:2

Paqara ro iriki ure go kaega, i koboro vakuziki ne, mana paqara ro iri ure go, iva dalo ne qira, go tina dalo mana ureure go.

Tarama Velaka Ia Jesu Kristo I Karo Go Jon 4:36

Basoe i vae go urena pata lebaleba ne tina pala voli, urena neto, basoero tarina pala too iki rove go kaega lupo. Iago basoe i leba go pata gege ne, mana basoe i vae go ure na go, tiruna mazala so kameka ko vari kulae go.

Tarama Velaka Ia Jesu Kristo I Karo Go Jon 8:32

Tamuna rove pata ogoto de ikoego God, mana pata ogoto dena, tina va talupasa qamu.”

Leta Ia Pol I Karo Ne Qira Basoero Na Rom 6:14

Kasi vamao nena vasakata pata go mara batu ne qamu tanego ramu qamuki too e kaega tamana, do qamu too e Mana ia God.

Leta Ia Pol I Karo Ne Qira Basoero Na Rom 6:18

Ramu qamu talukasa banae to vasakata pata, mana qamu lama seka ne vatovato totoloṉo de ikoe go God.

Leta Ia Pol I Karo Ne Qira Basoero Na Rom 6:21

Ninidena qamu pala to agavana pataro qamu zazu bana ne go. Vatovato nae tina za lupoe so le.

Leta Ia Pol I Karo Ne Qira Basoero Na Rom 7:25

Iago ita mata zazu ne, tanego ita qata koe polana Mana ia God, mana qatiki koe kaega polana tamana. Kadi go i velaka so ita mata vasakata pata so ba? Kaega!

Leta Ia Pol I Karo Ne Qira Basoero Na Rom 7:4

Igo napu so nae de qamu koe ramu, tanego ramu qamu vakameka tavise le ia Kristo, iago ramu qamu le bana, mana qamu talukase tepa ia tamana. Mana ninidena ramu qamu ke ia to Kristo go tamuna zazu velaka ne God.

Leta Ia Pol I Karo Ne Qira Basoero Na Rom 8:2

Tanego karaputa ia Spirit tabo i teke ne qita too i vakameka ne qita go ita Kristo, go i lukasa qita go sauna vatovato ia vasakata pata, mana go i vae vale qita go.

Kameka Korinti 7:22

Tanego ṉalu Batu ne i korua kaki seka, basoe nae i basoe talupasa ia Batu ne. Gere napua so basoe ko talupasa i korua go Kristo, ianae i basoe seka ia Kristo.

Karua Korinti 3:17

Takoboro dena ne, vitoṉo ‘Batu’ ne i spirit ia God, mana de ikoego Spirit i Batu go, i koe vari vatalukasa.

Qalesia 1:10

Zazaona pata dena era ma vakula basoe qa go ba? Kaega! Pata qa soko go era, go ma vakula God qa go. Ba qamu nanao, go basoero ne mara vazakava qa go? Kaega! Ṉalu tina gogo nae, era qaki basoe zazu ogoto bana ia kaega Kristo go.

Qalesia 5:13

Do de qamu koego ramu turaquro, God ikoru bana qamu tamuna ko talukasa. Do ko talukasa ramu dena, kasi vamao nena pata sakata ni soko go tokama qamu go tamuna lulua go. Do mamaligara ramu muna varisoso ne ze de qamu koego.

Qalesia 5:22

Do Spirit tabo i soso ne mamaligara, kulakula, bule nanao, muma katikili kaega, i soso napu ne too vari nanao, too velavelaka mana too basoe nadu go.

Epesus 5:9

Tanego tatavata i vasadaka me soso sinaqe na velaka, totoloṉo, mana ogoto.

Pilipae 1:11

Too ramu mara purake vatovato totoloṉo i reqe me Jesu Kristo, go topu ria basoero tarina padapada mana vazaka God.

Pilipae 4:17

Mana ia dena, iki go kaega era qa soko go ma pala sosovolomo ramu, do qa soko miana papala vatopu ramu, mara topu de iara ko mego.

Kolosia 1:10

Go tamuna mazala ko gerena de i soko go Batu ne, mana tamuna mazala vakula na iago. Too ramu tina vasadaka me topu na too mana vatovato velaka, mana ramu tamuna rove velake de igogo God.

Kolosia 4:12

Kameka seko ramu Epaparasi i basoe zazu ia Jesu Kristo i vagaretu napua seko velaka ia de qamu koego ramu, osina ṉalu ia i pene vakaraputa ne sauqamu ramu, i pene God go tamuna degere vanadu loborona nanao vakazigarata, nanao rove, mana vaogote na Kristo.

Taetusi 1:1

Era Pol qa basoe zazu ia God mana qa apostolo ia Jesu Kristo. God i turi nava era go tuna tavisi ne qira basoero ia i vine bana qira go, go tarina vaogoto ia mana go tarina rove velake vari vatatana na vaogoto ita go.

Iburu 12:14

Padane koena loborona bule osiqamu, mana pada ne koena too i tabo go. Tanego kaega kaki basoe i mazala go mia na God ṉalu iki lulua go kaega too velaka.

Jemisi 1:1

Era Jemisi kameka basoe zazu ia God mana Batu ita Jesu Kristo qa seko kula atu de qamu koego ramu basoero topu ia God qamu repe go osina dia vudu pua.

Kameka Pita 1:9

Tanego God i vakavele go madau qamu, iato nae tane pata i lete lavate go vaogoto raramu de ikoego ia.

Kameka Pita 2:16

Ramu muna ko gere qira vano iri ko talukasa, do ko talukasa ramu muniki nanao go tamuna zazu nego pata sakata, kaega! Muna ko gerena basoe zazu ro ia God.

Revaleson 7:13

Kaki kameka ria vano kazigarata ne i tana nava era, “Ake ria bana tane iri va keba nego roku kakasa ro nae, mana adi tepa tane iri za reqe mego na?”