Leta Ia Pol I Karo Ne Qira Basoero Na Rom 6:21 - Vato Vari Vakameka Voru Ia Batu Ne

²¹ Ninidena qamu pala to agavana pataro qamu zazu bana ne go. Vatovato nae tina za lupoe so le.

Leta Ia Pol I Karo Ne Qira Basoero Na Rom 6:21 ပူးပေါင်းရင်းမြစ်များ

Leta Ia Pol I Karo Ne Qira Basoero Na Rom 1:32

Iri rove tamana ro ia God i sine go, basoe i zazu ne go vatovato dena i tora ia tina le ne go. Do ria iriki mamanava kaega, mana iri zazu taru ne so. Iago iri kula ne ria tane basoe kakavata i zazu tavisi ne go vatovato dena.

Leta Ia Pol I Karo Ne Qira Basoero Na Rom 5:12

Vasakata pata i lama banae so vudu pua ireqeme kebu ia kameka basoe, mana vasakata pata to i vae vale go ia. Iago le i sapua to vano basoe na vudu pua, tanego osiqita qata vasakata pata lupo so.

Leta Ia Pol I Karo Ne Qira Basoero Na Rom 6:16

Ramu qamu rove va velake, ṉalu qamu soso ne go tanuqamu, gerena seka ne kaki basoe qamu vaogote go, ramu qamu seka ne to batu qamu vamazale go. Do bana ramu qamu seka ne vasakatapata, ianae ne tina vadoka qamue ramu le. Do ṉalu qamu seka ne vaogotona God, ianae ramu tamuna ko totoloṉoe de ikoe go tanuna God.

Leta Ia Pol I Karo Ne Qira Basoero Na Rom 6:23

Tanego volina vasakata pata to le. Do sosovolomo i teke ne qita God iato too gado kutona i kaega, ṉalu ita qata ko vakamekae go de ikoe go Batu ita Jesu Kristo.

Leta Ia Pol I Karo Ne Qira Basoero Na Rom 7:5

Ṉalu ita qata koe go too na vudu pua dena, tamana iva tadagasiri me vasakata pata go i zazue go tokama qita, iago ita qata zazu ne pata sakata ro iri vae vale qita.

Leta Ia Pol I Karo Ne Qira Basoero Na Rom 8:13

Tanego ṉalu qamu lulua go vatovato na tokama qamu ni soko go too na vudu pua dena, ramu tamuna le, do ṉalu karaputa ia Spirit tabo go qamu vae vale ze go vatovato sakata ro ramu, ramu tamuna pala too.

Leta Ia Pol I Karo Ne Qira Basoero Na Rom 8:6

Do ṉalu basoe i lulua go too sakata ia tokama, ia tina za le ne so. Ba basoe i lulua go vatovato ia Spirit tabo, ia tinara za pala ze too, mana ko bulebule.

Karua Korinti 4:2

Qimu vana lupo ne pata pipika remu, too ba vatovato i mazala go vamaqate na basoe, qiki zazu tatakiu kaega ba itana vasakatena seko ia God. Loborona tatavata ogoto remu i koe de ikoego God, mana qi padane vasadakena vatovato velaka mana too totoloṉo, de iri koego basoero i velaka go vatovato mana too ria go.

Karua Korinti 7:11

Muna mia pata i zazu ne God i va maqata qamu go, ramu qamu lete soko vasadakena i kaega ne qamu kebu. Ramu qamu muma, qamu poloso, qamu le ne miana vatovato totoloṉo tara sadaka me, qamu vanama ne valepulepu qira vano iri vasakata pata go, ianae qamu vasadake qamu lete totoloṉo e pataro nae.

Pilipae 3:19

Ria nae ne, tarina va lupo ze nako ne, tanego iri va god napua pata i soko go tokama qira. Iri kula sivala ne pata i tora go tarina agava ne, mana iri nanao so pata na ro pua dena.

Iburu 10:29

Ṉalu igogo nae, ava na tina doka go ṉalu kaki basoe i mia vaqoqore go tuna God? Mana i va patavolome go parasa na varitoqe ia God i vadalo go vasakata pata ia na? Mana i seko vasakate Spirit i soso ne go makaolo? Nanao zaqe, ava tina lete goto ka vokara na kimata tina pala go basoe nae.

Iburu 6:8

Do ṉalu pua nae i vapodo me lozo mana vosuvosu go, pua nae kapata iki torato kaega, God tina tulaṉa ne pua nae, mana nako tina subi vasakate go.

Jemisi 1:15

Gonae soko sakataro itoṉove go i vazari me vasakata pata, mana ṉalu i lama lavata go ia i vazaria to le.

Jemisi 5:20

Ramu muna nanao tarua seko dena. Basoe ni vataleqe ule mego basoe ivasakata pata go, basoe tonae ivakavele go madauna basoe nae tepa ia le. Mana basoe tonae i papaqa go zuka ia God go tina nanao ule ne qira go vano iri vasakatapata go.

Kameka Pita 4:17

Ṉalu ia God tina varitanae go, i lama to mana basoero tarina koego varitanae kenaqa ia God, ita to basoero ia tanuna. Ṉalu God tina varitanae kenaqa ne qamu go, ava tina goto basoero iriki vaogote go kaega Tarama Velaka ia ne.

Kameka Jon 2:28

Iago salero era, muna ko vanadu tarue so loborona Kristo osina ṉalu, go tatana purake go karaputa ṉalu tina lama sadaka qita go. Mana ita mara kaega ne qita agava de ikoego ia musaqara tina lama go.

Revaleson 16:6

Iago, ria iri vae vale qira go propeta ro ne mana basoero aro gogo ne, aro qo va besi qirae to parasa, ianae i volina to pataro iri zazu nego!”

Revaleson 20:14

Gonae le mana vudu na uṉaṉa ne iri vanaqe qiru aqe bolu na nako ne. Bolu na nako dena to i varuana go le ne.