Leta Ia Pol I Karo Ne Qira Basoero Na Rom 6:13 - Vato Vari Vakameka Voru Ia Batu Ne

¹³ Mana kasi ara va malumu nena kaki takoborona tokama qamu go tamuna lulua go vatovato sakata. Do muna teke lupo ne God too ramu, mana gere qira basoero iri le bana, go God i vatoo napu qira go. Muna teke lupo ze too ramu de i koe ia, go ia mara vazazu qamue ramu too totoloṉo.

Leta Ia Pol I Karo Ne Qira Basoero Na Rom 6:13 ပူးပေါင်းရင်းမြစ်များ

Luka 15:24

Tanego sale era dena i le bana do i too napu, I rore do qa soba napua,’ Gonae iri vatupia ṉaṉa mana kula.

Luka 15:32

Iago i tora mata ṉaṉa mana kula, tanego kaemu i le bana, do ninidena itoo napu, i rore bana do i ule me qata soba napua go.’ ”

Tarama Velaka Ia Jesu Kristo I Karo Go Jon 5:24

Ma sine ne qamu pata ogoto, ṉalu ka basoe i gata seko ro era, mana i vaogote Mamae ni turi nava mego, basoe nae tina pala too iki rove go kaega lupo. Too ia tiniki koe kaega varitanae, tanego i gere, basoe i le bana mana i too ule napu mego.

Leta Ia Pol I Karo Ne Qira Basoero Na Rom 1:29

Iago nanao qira ne i purake to soso adoado na vatovato sakata ro. Iri le ne pala na patapata ria basoero ne. Iri vasakata qira basoero ne, iri poro misi, iri vae vale basoe, iri varitara iri muma ne qira basoero ne, mana iri poro pepeu valu qira basoero ne go.

Leta Ia Pol I Karo Ne Qira Basoero Na Rom 12:1

Iago turaquro tanego God imanava ne qita topu na ṉalu iago era qa pene vakaraputa qamu ramu muna teke ne zaqe God too ramu gerena kameka komakoma tabo go tina vakula go God. Iato nae de igogo ramu qamu ara mazala go tavatavara ogoto ne go God.

Leta Ia Pol I Karo Ne Qira Basoero Na Rom 6:11

Gerena napu so ramu, muna nanao rove napua tanuqamu. Ramu qamu le ne vasakata pata, mana qamu too napue de ikoego God loborona ko vakameka ramu de ikoego Jesu Kristo.

Leta Ia Pol I Karo Ne Qira Basoero Na Rom 6:16

Ramu qamu rove va velake, ṉalu qamu soso ne go tanuqamu, gerena seka ne kaki basoe qamu vaogote go, ramu qamu seka ne to batu qamu vamazale go. Do bana ramu qamu seka ne vasakatapata, ianae ne tina vadoka qamue ramu le. Do ṉalu qamu seka ne vaogotona God, ianae ramu tamuna ko totoloṉoe de ikoe go tanuna God.

Leta Ia Pol I Karo Ne Qira Basoero Na Rom 6:19

Era qa pada ne vatatana velaka ne qamu ramu seko ro i tora qamu go ramu gata rove na, tanego nanao qamu iki loda kaega. De i lupo bana mego ramu qamu teke napu ne tanuqamu seka nena vatovato sakata, too iki totoloṉo kaega, mana zazu kebu ro qamu lulu go. Do ninidena muna teke napu nena tanuqamu seka nena too totoloṉo, mana vatabo lupo ze too ramu de ikoego God.

Leta Ia Pol I Karo Ne Qira Basoero Na Rom 7:23

Do qa mia kameka tamana kakavata i zazue go loborona tokamaqu, mana tamana nae i varitarae de ikoego Tamana i toqe ne go nanaoqu. Iago i qolo ava era, tane tamana ia vasakata pata i zazue go loborona tokamaqu.

Leta Ia Pol I Karo Ne Qira Basoero Na Rom 7:5

Ṉalu ita qata koe go too na vudu pua dena, tamana iva tadagasiri me vasakata pata go i zazue go tokama qita, iago ita qata zazu ne pata sakata ro iri vae vale qita.

Kameka Korinti 6:15

Qamu rove, tokama qamu i kaki takoboro na tokamana Kristo. Iago, avigo qa mazala pala na kaki takoboro na tokamana Kristo, mana va kameka ze ia tokama qira qolero iri vari vagabu go tanuqira? I makuru!

Kameka Korinti 6:20

tanego God i voli bana qamu, mana kudo na voli qamu i lete lavata sivala. Iago vazazu ze tokama qamu sauna velaka na God.

Kameka Korinti 6:9

Pata ogoto ramu qamu rove, basoero iri zazu ne too iki totoloṉo go kaega, tariniki pala kaega Too ikoego vari miasoka ia God. Iago kasi va bulaṉoe na tanuqamu, basoero iri vari vagabu mana iri vazaka go beku ro, ba taunata, valeke ro iri vari vagabu tanuqira go,

Karua Korinti 10:4

Pata varitara qi vazazua go remu, iki patana kaega vudu pua dena, do i pata varitara mazala ia God, iato qiva zazua go remu qi vasakata zego pataro i degere vanadu go, mana pataro iri vari valegu poqe ne basoero go,

Karua Korinti 5:14

Remu i kenaqa ne qemu mamaligara ia Kristo, mana ninidena qi mia rove to, kameka so basoe i le nego basoero topu, iadena talupasana, qata pala tavise le ia.

Karua Korinti 5:15

I le ne osiqita, go ria iri too go tariniki too ne kaega tanuqira, do sauna so ia ni le mana itoo napu nego sauqira ria ne.

Karua Korinti 8:5

Pata iri zazu nego basoero dena, i sivala ne pata qi nanao go remu. Kenaqana iri teke ne Batu ne too ria, mana taramuzina loborona vatovato ia God iri teke ne ṉalu ria deqi koego remu.

Epesus 2:5

Iago, ṉalu madau qita ile ne go sauna legulegu ita, ia i pala va too tavisi qita ita de ikoego Kristo. Tanego Mana ia God qamu kavele ne go.

Epesus 5:14

Tanego pata iri mia rove go to basoero ne i reqeme go tatavata. Iato go i sine go, “Muna dogara ramu qamu kamuku go, mana Kristo tina teke ne qamu tatavata go.”

Pilipae 1:20

Soko era mana ruruqe ogoto ia puṉuqu, era tuniki vana ne kaega zazu era ninidena, mana qa soko napua karaputa gere na to ninidena qa koego bara ne. Osina too era mara sadaka me mazala ia Kristo, ṉalu era tuna too ba tuna le.

Kolosia 2:13

De bana ne gerena pata qamu qamu le, tanego sauna vasakata pata ro ramu, tanego ramu qamuki vano Jiu kaega mana i kaega ne qamu tamana go. Do God i pala valame qamue too loborono Kristo. God i nanao ule ne osina vasakata pata ro ita.

Kolosia 3:5

Muna vae vale too ba vatovato na pua dena ni zazu e loboro qamu, gere vari vagabu sakata de koe kene basoe, ba zazu ogoto ne pata sakata de koe kene basoe, nanao ba soko na zazu sakata, mana kasi qora ne patapata ia kene basoe, tanego i gere ṉalu qamu vazaka go beku.

Karua Tesalonika 2:12

Ureṉa vatovato nae, osiqira basoero iri ki lulua go kaega seko ogoto ia Jesu Kristo, mana iri kula ne luluna vatovato sakata gogo ne, God tina tulaṉa vale ne qira.

Karua Timoti 2:15

Ono pada ne lete zazu vavelaka, go God tina soko go zazu aro, ono vari vatatana velaka ne seko ia God loborona zazu totoloṉo, go toniki agava e kaega tarakenaqana God.

Jemisi 4:1

Avigo qamu rove ramu tane pata iva pera taru qamu go mana qamu soko go varitara osina ṉalu gogo ne? Ireqeme so soko raramu qamu lene go soko na osina pata. Ia so nae tane ivaritarae go de qamu koe go ramu.

Kameka Pita 2:24

Tanuna Kristo i pala ze tokamana osina vasakata pata ro ita, za le i vae go koluse ne, go ita tatana le ne too na vasakata pata mana tatana too napu ne de igogo ko totoloṉe na tarakenaqa na God.

Kameka Pita 4:2

Iago, pasi ninidena too qamu vae go pua dena muna lulua, too ia God. Mana kasi luluna too ni soko go basoe na vudu pua dena.

Kameka Jon 1:9

Do ṉalu qata vasadaka ze de ikoego God vasakata pata ita, ia tina vaogote pui ia, mana tina zazu ne pata totoloṉo. Ia tina nanao ule ne vasakata pataro ita mana vadalo osina keburo qata zazu nego.