Leta Ia Pol I Karo Ne Qira Basoero Na Rom 5:8 - Vato Vari Vakameka Voru Ia Batu Ne

⁸ Do God i vasadaka ne qita lavata na mamaligara ia de qata koe go ita; ṉalu ita qatara vasakata pata go Kristo i le ne sauqita ita.

Leta Ia Pol I Karo Ne Qira Basoero Na Rom 5:8 ပူးပေါင်းရင်းမြစ်များ

Tarama Velaka Ia Jesu Kristo I Karo Go Jon 15:13

Ka basoe i le ne sauqira vakitaka ro ia, i vasadake basoe nae to i ko nego mamaligara ilete lavata sivala, i sivala ne qira kero ne basoero ne.

Tarama Velaka Ia Jesu Kristo I Karo Go Jon 3:16

God i lete mamaligara ne qira basoero na vudu pua dena, iato go i turi valame ava go era kameka Tuna, go ka basoe i vaogoto ava go era tiniki le go kaega, do tina toṉove too iki rove kaega lupo.

Leta Ia Pol I Karo Ne Qira Basoero Na Rom 3:5

Do ṉalu zazu keburo ita i tavisi ne qita i vasadaka velaka me God i totoloṉo ba? Avigo God i kebu tane i vakimata qita go ita? (Qa seko go dena gere so basoe volomo.)

Leta Ia Pol I Karo Ne Qira Basoero Na Rom 4:25

Ria iri vae vale ia, ia i le ne sauna vasakata pata ita mana i too napu me tepa le ne, go ia tina vatotoloṉo qita ita de i koe go God.

Leta Ia Pol I Karo Ne Qira Basoero Na Rom 5:20

Ṉalu God i valame go Tamana basoero ne iri lete zazu va popokato zazu sakata. Do ṉalu vasakata pata i zaza popoka, Mana ia God i lete zaza popoka sivala to go.

Leta Ia Pol I Karo Ne Qira Basoero Na Rom 5:6

I lama doka to ṉalu i vine bana me God, Kristo i le ne sau qira vano iri vasakata pata go. Tanego sauna vasakata pata ria ni makuru qira go vakavele qira go tanuqira.

Leta Ia Pol I Karo Ne Qira Basoero Na Rom 5:7

I makuru kakia basoe i soko go le ne na sauna tavisi nena kameka basoe totoloṉo. Do kadi go kakia basoe i soko tane le nena sauna tavisi nena kameka basoe i totoloṉo go.

Leta Ia Pol I Karo Ne Qira Basoero Na Rom 8:32

God do, iki ara pala vaule kaega Sale ia, do i soso ne qita to ita go tina le ne sauna go ni bauru ne qita go ita. Gerena ia i sosovolomo ne qita to osina pata.

Leta Ia Pol I Karo Ne Qira Basoero Na Rom 8:39

Patavolomo kaki karaputa i kome go go zakazaka ba polana pua dena. Mana igo napu to pataro i vazaria go God, i makuru qira tarina vakuziki ne qitae go ita mamaligara ia God i vasadaka bana me ze go de qata koe go ita, Batu ita Jesu Kristo.

Qalesia 2:20

Iago iki too era kaega tanuqu go qa too go dena, do Kristo i too e go loboroqu, mana iteke nava too iago.

Epesus 2:7

God izazu ne pata dena go mara vasadaka ne qira sapoko iara ko mego, osina ṉalu i lete lavata sivala varinanao ia loborona mamaligara ia, go ni vasadaka zego de ikoego Jesu Kristo.

Epesus 5:2

Mamaligara to mara kenaqa ne go too ramu, gerena Kristo i mamaligara ne qita, mana iteke ne qita too, gerena kameka sosovolomo i nonoli meno, mana God ikula ne komakoma nae.

Kameka Timoti 1:16

do God i nanao ule nava era, go Jesu Kristo tina vasadaka me lavata na pata i soko go, go tuna zazu ne era, qa valeke vasakata pata go, gerena vapadapada de iri koego vano tarinara vaogoto napua go ia, mana tarina toṉove too iki rove go kaega lupo.

Iburu 8:3

Osiqira batu Patere ro i vine qira tarina zazu komakoma mana teke sosovolomo ria de ikoego God. Iago batu Patere ita tina zazu napu ne so sosovolomo ia de ikoego God.

Kameka Pita 3:18

Tanego le ivae go Kristo ivatalupasa lupo osina vasakata pata ro ramu, mana i pala vaule qamue de ikoego God. Kristo i totoloṉe tarakenaqa na God, do ia i le ne sauqira vano sakata, basoero ne iri vae vale ia, do God i va too ule ze ia too iki rove go kaega lupo.

Kameka Jon 3:16

Go tatana rove go ita zazaona mamaligara, Kristo iteke ne qita too ia tanuna. Iago, ita itora mata teke napu ne qira turaqitaro too ita tanuqita.