Leta Ia Pol I Karo Ne Qira Basoero Na Rom 5:2 - Vato Vari Vakameka Voru Ia Batu Ne

² Loborona vaogoto Kristo i varove qitae ita Mana ia God i teke volomo ne qita go qata too e go manava nae ninidena. Ita qata kula ne ruruqe ia tatana pala tavise go karaputa ia God kene ṉalu.

Leta Ia Pol I Karo Ne Qira Basoero Na Rom 5:2 ပူးပေါင်းရင်းမြစ်များ

Matiu 25:21

Batu ia igo, ‘Velaka sivala, aro qo valeke zazu velaka, qo miasoka velake zazu suka dena, iago tuna va miasoka zigoe topuna pataro, lama mana kula tavisi ava era go!’

Tarama Velaka Ia Jesu Kristo I Karo Go Jon 10:7

Iago Jesu i sine napu ne qira, igo, “Masine ne qamu to pataogoto, era to qa siporaṉa ria sipi ro.

Tarama Velaka Ia Jesu Kristo I Karo Go Jon 10:9

Era to qa siporaṉa ne, ka basoe igoe me de qa koego era, God tina vakavele ia, basoe nae tina mazala keba me mana siporo napu, tina soba osina pataro i soko go, gere qira sipi ro ne.

Tarama Velaka Ia Jesu Kristo I Karo Go Jon 14:6

Jesu i vataule, igo, “Era to qa zuka, qa ogoto mana qa too, ka basoe i soko zae na de ikoego Mamae, tina zuka goe me de qa koego era.”

Tarama Velaka Ia Jesu Kristo I Karo Go Jon 5:24

Ma sine ne qamu pata ogoto, ṉalu ka basoe i gata seko ro era, mana i vaogote Mamae ni turi nava mego, basoe nae tina pala too iki rove go kaega lupo. Too ia tiniki koe kaega varitanae, tanego i gere, basoe i le bana mana i too ule napu mego.

Zazu Ria Apostoloro 14:27

Ṉalu iru lama dokae Antiok, iru qoqoṉo qira basoero lotu mana iru pepeu ne qira de igogo osina ro pata, God i zazu ze go de iri koego vano iriki Jiu go kaega, go iara papaqa go nanaoqira, go iri ara vaogoto go.

Leta Ia Pol I Karo Ne Qira Basoero Na Rom 11:20

Ianae i pata ogoto God i varasa vakaziki ne qira go ria, tanego iriki vaogoto kaega. Iago ramu to gamu somae go moki olivi nae, tanego qamu vaogoto. Do muniki vazaka napu ze nanaoqamu sauna ianae, do, muna miasoka qamu.

Leta Ia Pol I Karo Ne Qira Basoero Na Rom 12:12

Ruruqe ramu to mara vakula qamu go osina ṉalu. Kasi nonopa ne na ṉalu i lama doka qamu go kaki pata makuru mana ko ramu muna pene so osina ṉalu.

Leta Ia Pol I Karo Ne Qira Basoero Na Rom 14:4

Qo nanao akena tane aro go qo toere go basoe zazu ia kene basoe ne na? Tanuna so batu ia basoe zazu nae i mazala go toere na pata izazu ne go ia, tanego Batu ita ne so ikone go karaputa go tina tavisi ne go ia sauna pata nae.

Leta Ia Pol I Karo Ne Qira Basoero Na Rom 15:13

Go God ikutama ne go ruruqe mara vapuraka ze puṉu qamu kula kula mana bule i reqeme go vaogoto ramu de ikoe go ia, go ruruqe ramu mara popokae loborona karaputa ia Spirit tabo.

Leta Ia Pol I Karo Ne Qira Basoero Na Rom 2:7

Kakiaro basoe iri vanadue zazu ne na zazu velaka, mana iri taqi ze God menomeno, vamazala, mana too i too sivala go. De iri koe basoero nae God tina teke ne qira too gado kutona i kaega.

Leta Ia Pol I Karo Ne Qira Basoero Na Rom 3:23

Tanego osina basoero iri vasakata pata, mana iri ko valaqalaqae de ikoego God ia ni mazala go vakavele qirae go de ikoego.

Leta Ia Pol I Karo Ne Qira Basoero Na Rom 5:5

Ruruqe dena iki ara poqe qita kaega, tanego mamaligara ia God i zele me ze go puṉu qita loborona Spirit tabo ni sosovolomo ia God de qata koe go ita.

Leta Ia Pol I Karo Ne Qira Basoero Na Rom 8:1

I kaega ka basoe tina sine go ita qata kebu sauna ko kameka ita de i koe Jesu Kristo.

Leta Ia Pol I Karo Ne Qira Basoero Na Rom 8:24

Tanego ruruqe dena to ita qata kavele banae go. Do ṉalu ita qata mia go pataro qata ruruqe go, ianae iki ruruqe ogoto kaega. Tanego kaega basoe tina ruruqe zaqe go pata ni mia bana go.

Kameka Korinti 15:1

Mana ninidena qa soko va nanao taru qamue vakitaka ro era, sauna Tarama Velaka qa tarama ne zego, de qamu koego iato qamu pala go, mana vaogoto ramu i degere vanadu ego.

Karua Korinti 3:18

Iago ita osiqita, i kuziki lupo sapu na tarakenaqa qita, qata tabali go za de iri koego basoero na tatavata menomeno ia Batu ne, iato Spirit tabo i itana va gere qitae tanuna mana karaputa mazala ia i podo popoka osina ṉalu.

Karua Korinti 4:17

Makuru ro qi vokara nego remu dena, iki pata ko sivala kaega, mana i pata suka so, ṉalu tara varipada ze go ke tinara za lama go. Tanego tinara valame ne qemu kaki pata i lete lavata mana tina ko sivala, mana ia igogo ne, too iki rove go kaega lupo de ikoego God.

Epesus 2:18

Loborona Kristo, osiqita vano Jiu mana vano Jiu kaega, qata mazala lamae na de ikoego Tamaqita loborona karaputa ia Spirit tabo.

Epesus 3:12

Iago loborona vari va kameka ita de ikoego Kristo, mana loborona vaogoto ita i nadue go ia, ita mata kasi sareki ne na lamae na de ikoego God.

Epesus 6:13

Tanego qatiki varitarae so kaega de iri koego basoero ne. Do qata varitarae de iri koego manuru sakata na rani ne, mana de iri koego vano kenakenaqaro, mana vano iri pala mazale go karaputa tepa ia Satana, mana karaputa na rodoko na pua dena.

Karua Tesalonika 2:16

Go Batu ita Jesu Kristo mana God Tamaqita i mamaligara ne qita, Mana ia, i vakaraputa qita osina ṉalu mana i vanadua ruruqe ita go.

Iburu 3:6

Do loborona osaka i vae go Kristo i tuna go God, iato i kenaqa ne miasoka na basoero ia. Ita to qata basoero ia ṉalu qata va nadua go vaogoto ita mana vanadu ze nanao qita de ikoego God.

Iburu 6:18

Karua seko dena i makuru kavala na, mana loborona karua seko dena God iki mazala kaega tina poqe go. Iago ita qata lama soba bana go de velaka de koe God, mata va karaputa nanao qita mana vanadua pata i pui ne qita go God.

Kameka Pita 3:18

Tanego le ivae go Kristo ivatalupasa lupo osina vasakata pata ro ramu, mana i pala vaule qamue de ikoego God. Kristo i totoloṉe tarakenaqa na God, do ia i le ne sauqira vano sakata, basoero ne iri vae vale ia, do God i va too ule ze ia too iki rove go kaega lupo.

Revaleson 21:11

mana tatavatana karaputa ia God i damare go. Komala lavata dena i damara gere ipaka dulikana menomeno, mana i damara gere sirosiro na loka na masi ne i lete tatavata sivala go.

Revaleson 21:23

Komala lavata dena, iki ara le ne kaega tatavatana saṉa ba inaqa, tanego karaputa mazala ia God i tatavata ego, mana Tunana Sipi ne, i pazi napu na komala nae go.

Revaleson 21:3

Qa gata kameka ovaṉa i seko me de kolokoloku batubatu me, ogi dena, “Ninidena komala ia God i kotavisi qira to vano basoe. Ia tina ko tavisi qira mana ria tarina basoero ia, mana God tina God ria go.

Revaleson 3:21

Basoe i karaputa nego varitara dena, tina lama koloku tavisi ve era de koloku batubatu era, gere ava so era qa karaputa bana ne go varitara ne, mana ninidena qa za kolokue, de koloku batubatu ia Mamae.