Leta Ia Pol I Karo Ne Qira Basoero Na Rom 5:1 - Vato Vari Vakameka Voru Ia Batu Ne

¹ Ninidena ita qata totoloṉoe de i koe God loborona vaogoto, tanego Batu ita Jesu Kristo i vabule qitae de ikoego God.

Leta Ia Pol I Karo Ne Qira Basoero Na Rom 5:1 ပူးပေါင်းရင်းမြစ်များ

Luka 19:38

“God ono vatabo Batu lavata ni lamae go loborona vitoṉo mu, Dalo ina koe rani ne, mana ita mata vazaka God.”

Luka 19:42

mana igo dena, “Ṉalu to rove bana go, pata to zazu ne, go to ko ule go, tara lete velaka sivala, do pataro dena i pipika nigo mana qoki mia kaega go.

Luka 2:14

“Vazaka God ikoego zakazaka ne, mana dalo ina koe pua ne, de iri koego ria basoero i kula ne qira go.”

Tarama Velaka Ia Jesu Kristo I Karo Go Jon 14:27

Bule qa taru ne qamu, bule era tane qa teke ne qamu go, era qaki soso ne kaega bule de go basoero na vudu pua dena iri soso nego. Iago kasi va pela na nanao qamu mana kasi sareki go.

Tarama Velaka Ia Jesu Kristo I Karo Go Jon 16:33

Qa sine ne qamu pataro dena, go tamuna ko vanadue de qa koego era ko tamuna vae go kolabana pua dena, ramu tamuna soba topuna makuru. Do muna karaputa! Tanego era qa va qoqoro bana karaputa na kolabana pua dena!”

Tarama Velaka Ia Jesu Kristo I Karo Go Jon 20:31

Do pataro iri karo go dena, tina tavisi qamu ramu vaogote na, Jesu to i Mesia go mana i Tuna go God. Iago ṉalu qamu vaogote go ia, tamuna pala too iki rove go kaega lupo loborona vitoṉo na ia.

Tarama Velaka Ia Jesu Kristo I Karo Go Jon 5:24

Ma sine ne qamu pata ogoto, ṉalu ka basoe i gata seko ro era, mana i vaogote Mamae ni turi nava mego, basoe nae tina pala too iki rove go kaega lupo. Too ia tiniki koe kaega varitanae, tanego i gere, basoe i le bana mana i too ule napu mego.

Zazu Ria Apostoloro 10:36

Ramu qamu rove tamana ia, i vazao ze de iri koego vano Izirel, i tarama nego Tarama Velaka na bule ia loborona Jesu Kristo, iato i Batu ne qira go osiqira basoero ne.

Leta Ia Pol I Karo Ne Qira Basoero Na Rom 1:17

Tanego Tarama velaka i vasadake de igogo God i vatotoloṉo napu me qira go basoero ne de ikoego tanuna. Gerena i sine go Buka tabo ne. “Basoe i vatotoloṉo napua go vaogoto ia de ikoe go God, basoe nae tina pala too ogoto.”

Leta Ia Pol I Karo Ne Qira Basoero Na Rom 1:7

Iago, qa karo ne qamu ramu basoero topu qamu koe go Rom, tanego God i mamaligara ne qamu, mana i koru qamue basoero ia tanuna. Go God Tamaqita mana Batu ita Jesu Kristo mara riru teke ne qita mana, mana bule ia.

Leta Ia Pol I Karo Ne Qira Basoero Na Rom 10:10

Tanego ṉalu ita qata vaogoto ze puṉu qita, mana vaogoto ita nae to, God i vatotoloṉo qitae go de ikoe go tanuna. Mana sauna tarama na velaka ita nae to God i vakavele qitae go.

Leta Ia Pol I Karo Ne Qira Basoero Na Rom 10:15

Mana ava tina gogo tina sadaka go tarama nae ṉalu iriki turine go kaega basoe go tina za sine go? Iato nae go i sine go Buka tabo ne, “I lete vari va kula sivala lama qira basoero iri pala mego Tarama Velaka.”

Leta Ia Pol I Karo Ne Qira Basoero Na Rom 14:17

Tanego de ikoe go too vari miasoka ia God sauna pata gege ba loka qamu ge, gogo ne iki za pata mazala bana so kaega. Do too ivalame go so Spirit tabo dena so lete mazala go, gerena to zazu ne na, too bulebule mana too kulakula go.

Leta Ia Pol I Karo Ne Qira Basoero Na Rom 15:13

Go God ikutama ne go ruruqe mara vapuraka ze puṉu qamu kula kula mana bule i reqeme go vaogoto ramu de ikoe go ia, go ruruqe ramu mara popokae loborona karaputa ia Spirit tabo.

Leta Ia Pol I Karo Ne Qira Basoero Na Rom 15:33

Iago, era qa pene God ireqeme too bulebule qata pala go mara kotavisi qamu osina ṉalu topuro ne. Amen.

Leta Ia Pol I Karo Ne Qira Basoero Na Rom 3:22

God i vatotoloṉo napu me qira basoero de ikoego tanuna. Ia i zazu ne pata dena de iri koe go basoero iri vaogote go Kristo, tanego vano Jiu mana vano iriki Jiu go kaega iri vari pada ne qira so.

Leta Ia Pol I Karo Ne Qira Basoero Na Rom 3:30

Tanego kameka so God dena i vatotoloṉo napu ze tanuna de iri koe go vano Jiu mana vano iriki Jiu go kaega loborona so vaogoto ria.

Leta Ia Pol I Karo Ne Qira Basoero Na Rom 4:5

Do basoe i kone go vaogoto iki va mazale kaega ia tane zazu ia, do i vaogote God ia ni vatotoloṉo qira go basoero iri kebu, tanego sauna to vaogoto ia. Iago God i toqe ne basoe dena go i vatotoloṉo ze go de ikoe go tanuna.

Leta Ia Pol I Karo Ne Qira Basoero Na Rom 5:11

Do miki pataro so nae kaega God i teke ne qita, do mata kula, loborona Batu ita Jesu Kristo, tanego ia i vakameka ne qita ita de ikoego God.

Leta Ia Pol I Karo Ne Qira Basoero Na Rom 5:18

Iago vasakata pata ia kameka basoe dena, God i varitanae ne qirae qo basoe dena i lukase go vasakata pata ria vano basoe de i koe go God.

Leta Ia Pol I Karo Ne Qira Basoero Na Rom 6:23

Tanego volina vasakata pata to le. Do sosovolomo i teke ne qita God iato too gado kutona i kaega, ṉalu ita qata ko vakamekae go de ikoe go Batu ita Jesu Kristo.

Leta Ia Pol I Karo Ne Qira Basoero Na Rom 9:30

Iago, pata qi sine go vano iriki Jiu go kaega iriki pada ne kaega vatotoloṉo na tanuqira de ikoego God. Do ria iri vatotoloṉo ze tanuqira de ikoego God loborona vaogoto ria.

Qalesia 2:16

Do remu qi rove basoe iko totoloṉe de ikoe God, ṉalu i vaogote go Jesu Kristo, do iki reqeme kaega sauna luluna Tamana. Iago, remu vano Jiu do qimu vaogoto napua so Jesu Kristo, go ia God tina vatotoloṉo qemue deikoego Jesu Kristo, do iki sauna kaega luluna so pataro ni sine go Tamana. Tanego, kaega kaki basoe ni totoloṉoe go de ikoego God, ṉalu i lulua go so pataro ni sine go Tamana.

Qalesia 3:25

Do ninidena vaogoto ramu de ikoego Jesu Kristo, osiqamu qamu salero iago God.

Qalesia 5:22

Do Spirit tabo i soso ne mamaligara, kulakula, bule nanao, muma katikili kaega, i soso napu ne too vari nanao, too velavelaka mana too basoe nadu go.

Epesus 2:7

God izazu ne pata dena go mara vasadaka ne qira sapoko iara ko mego, osina ṉalu i lete lavata sivala varinanao ia loborona mamaligara ia, go ni vasadaka zego de ikoego Jesu Kristo.

Pilipae 3:9

Mana ma ko kameka e de ikoe ia. Era i kaega nava ka totoloṉo tanuqu, gerena mimia na basoe i lulua go Tamana. Ninidena era qa pala too totoloṉo i teke nava God loborona ruqe na Kristo, vaogoto ireqe me God, i kutamana vaogoto.

Kolosia 1:20

De ikoe Tuna, God i nanao tina pala vaule ze kolabana pua loborona le ia Jesu koluse ne. God i va bule napu ze de ikoe tanuna, de iri koego basoero topu, mana iva kameka napu ne tanuna osina pata, basoe mana osina pataro na rani mana pua go.

Kolosia 3:15

Bule i teke qamu go Kristo, i bara ne qamu e vivine ro ramu, tanego sauna to bule dena God i koru teṉo qamue loborona kameka tokama. Iago osina ṉalu muna seko velaka ne God.

Kameka Tesalonika 5:23

Go God iteke ne qita go bule mara va tabo osina too ramu, mara miasoka tutukunu na too na tokama mana madau, go ramu mamu ko talukase tepa ia pata sakata, go na lama doka go ṉalu ia Batu ita Jesu Kristo.

Karua Tesalonika 3:16

Qa pene Batu ita, tanuna i kutama ne go bule mara teke ne qamu bule osina ṉalu, loborona topu na zukazuka ro go. Batu ne mara kotavisi qamu osiqamu.

Iburu 13:20

Iato dena pepene era, go God ikoego loborona bule, tina teke ne qamu osina pata velaka qamu pusi ne go, mana tina vamalumu ne qamu zazu nena pataro qamu soko go zazu ne na. Jesu i Batu ita i le go, parasana i zazaka go, go tina vanadua go pui ia God iki rove go kaega lupo. Taramuzina God i va too ule ze ia tepa le, God i va kenaqa ze ia mia soka na sipi ro ia. Qa pene God, go ita mata kameka e de koe go Jesu Kristo, go tatana totoloṉo e de i soko go tanuna, mana mata vazaka tarua vitoṉona Kristo i lete zakazaka go osina ṉalu topuro ne. Amen.