Leta Ia Pol I Karo Ne Qira Basoero Na Rom 4:6 - Vato Vari Vakameka Voru Ia Batu Ne

⁶ Iato dena to talukasana seko ia Davita i sine bana go, kula basoe i toqe ne go God, patavolomo zazu ia i totoloṉo ba iki totoloṉo kaega,

Leta Ia Pol I Karo Ne Qira Basoero Na Rom 4:6 ပူးပေါင်းရင်းမြစ်များ

Matiu 25:19

Iumata qe to ia, valeke batu ne i gado ule me, i tana ne qira vano zazu ia, ava qamu vane to kesa era qa teke ne qamu go.

Leta Ia Pol I Karo Ne Qira Basoero Na Rom 1:17

Tanego Tarama velaka i vasadake de igogo God i vatotoloṉo napu me qira go basoero ne de ikoego tanuna. Gerena i sine go Buka tabo ne. “Basoe i vatotoloṉo napua go vaogoto ia de ikoe go God, basoe nae tina pala too ogoto.”

Leta Ia Pol I Karo Ne Qira Basoero Na Rom 3:27

Iago ava patana mata vazaka napu ne go ita? Kaega so kapata! Ava sauna go qatiki vazaka napu ne go kaega ita na? Avigo ita qata mazala vatotoloṉo napu na tanuqita de ikoego God, sauna luluna Tamana ba? Kaega! God tanuna so i vatotoloṉo napu qita ita de i koe tanuna sauna vaogote na Jesu Kristo.

Leta Ia Pol I Karo Ne Qira Basoero Na Rom 4:11

Taramuzina to ia iri ara kosia go Abra-am, kosi dena i lalana to God i toqe ne Abra-am i totoloṉo vaogoto ia tarakenaqana iara kaeba go kosi. Iago Abra-am i tamaqira basoero iri vaogote go God, gerena God i toqe ne qira iri totoloṉo go. Patavolomo iara kaebo go kosi.

Leta Ia Pol I Karo Ne Qira Basoero Na Rom 4:24

Do iri karo napu ne qita to ita go. Tanego God i toqe ne qita qata totoloṉo ṉalu qata vaogote ia, i vatoo napu me Batu ita Jesu Kristo tepa le ne.

Leta Ia Pol I Karo Ne Qira Basoero Na Rom 4:5

Do basoe i kone go vaogoto iki va mazale kaega ia tane zazu ia, do i vaogote God ia ni vatotoloṉo qira go basoero iri kebu, tanego sauna to vaogoto ia. Iago God i toqe ne basoe dena go i vatotoloṉo ze go de ikoe go tanuna.

Leta Ia Pol I Karo Ne Qira Basoero Na Rom 4:7

“Iri kula basoero i nanao ule ne go kebu ro ria God, mana i vakuziki ne go vasakata pataro ria go.

Leta Ia Pol I Karo Ne Qira Basoero Na Rom 4:9

Avigo kulakula i sine go Davita dena i ke ria so vano Jiu iri kosi go ba? Kaega! I ke ria napu so vano iriki kosi go kaega go. Tanego ita qata pala ze Buka tabo ne, iri sine go, “Abra-am i vaogote God, mana loborona vaogoto ia, God i toqe ne ia i basoe totoloṉo.”

Kameka Korinti 1:30

Do God i vazao qitae loborona vari vakameka ia Jesu Kristo, God i vadegere Kristo tina tarove ita. De ikoego ia, ita qata ko totoloṉoe de i koe God, ita qata basoero tabo ia God mana qata kavele go.

Karua Korinti 5:21

Kristo i kaega ne vasakata pata, do i sauqita ita, God i kena tavisi ze ia vasakata pata ro ita, go ita tatana ko kameka e de i koego ia mana tatana pala go totoloṉo ia God.

Qalesia 3:14

Zuka nae to Kristo i voli qitae go, go basoero iriki Jiu go kaega tarina pala tavise go, pata i pui ne go God tina teke go Abra-am. Mana zuka nae to, ita qata vaogoto go qata mazala pala na Spirit tabo i pui bana ne go God.

Qalesia 4:15

Ramu qamu kula tane ṉalu nae. Do avana to idoka qamu go ramu ninidena. Era mago ṉalu nae tara malumu qamu go lobikena mata qamu, ramu tamu lobike mata qamu mana teke nava era.

Epesus 1:3

Mata vazaka God Tamana Batu ita Jesu Kristo! Tanego loborona ko kameka ita de ikoego Kristo ia iva makaolo qita iteke ne madau qita osina sosovolomo na vudu rani ne.

Pilipae 3:9

Mana ma ko kameka e de ikoe ia. Era i kaega nava ka totoloṉo tanuqu, gerena mimia na basoe i lulua go Tamana. Ninidena era qa pala too totoloṉo i teke nava God loborona ruqe na Kristo, vaogoto ireqe me God, i kutamana vaogoto.

Karua Timoti 1:9

God i vakavele bana qita, mana i koru qitae basoero ia iki sauna kaega zazu ro ita, do loborona so nanao ia, tanego i mamaligara ne qita. I teke ne qita Mana dena ṉalu ivalame go Jesu Kristo, tarakenaqana iara tupi go osina pata,

Jemisi 2:18

Do kadigo kaki basoe tina go, “Kakiaro basoe iri vaogote so God, mana kakiaro iri zazu ne pata velaka.” Ṉalu igogo nae aro ono vamia zava era de igogo ia ni vaogote God igogo, do iki zazu ne kaega kaki pata velaka. Era ṉara vamia zigo aro pata velaka ro qa zazu ne go ni sadake go vaogoto era de ikoe go God.

Karua Pita 1:1

Era Saimon Pita qa basoe zazu mana apostolo ia Jesu Kristo. Qa karo ne qamu ramu i teke ne qamu go God va ogoto, i gere go vaogoto reremu, tanego Jesu Kristo ia i God, i vakavele qita i lete velaka sivala.