Leta Ia Pol I Karo Ne Qira Basoero Na Rom 4:11 - Vato Vari Vakameka Voru Ia Batu Ne

¹¹ Taramuzina to ia iri ara kosia go Abra-am, kosi dena i lalana to God i toqe ne Abra-am i totoloṉo vaogoto ia tarakenaqana iara kaeba go kosi. Iago Abra-am i tamaqira basoero iri vaogote go God, gerena God i toqe ne qira iri totoloṉo go. Patavolomo iara kaebo go kosi.

Leta Ia Pol I Karo Ne Qira Basoero Na Rom 4:11 ပူးပေါင်းရင်းမြစ်များ

Matiu 16:16

Saimon Pita i vataule, “Aro qo Kristo, qo Tuna go God i too sivala go.”

Matiu 8:11

Ma sine ne qamu pata ogoto, topu basoero tarina reqe mego osina dia kolabana pua tarina kelo tavisi qira Abra-am, Aisak, mana Jekop go tarina ṉaṉa tavise go Too ikoego vari miasoka ia God.

Luka 19:9

Jesu i sine ne ia, “Ninidena vari vakavele i lama koe pade dena, tanego valeke dena do, i reqe meso sinaqe ia to Abra-am.

Tarama Velaka Ia Jesu Kristo I Karo Go Jon 3:33

Do ka basoe i vaogote go seko ia, basoe nae i vasadake, God i ogoto.

Tarama Velaka Ia Jesu Kristo I Karo Go Jon 3:36

Iago ka basoe i vaogote go Tuna God, ia tina pala too iki rove go kaega lupo, do basoe iki vaogote go kaega Tuna God, ia tiniki pala kaega too igogo ne mana God tina muma taru ne iago.

Tarama Velaka Ia Jesu Kristo I Karo Go Jon 6:35

Do Jesu i sine ne qira igo, “Era to qa bureri na too, ka basoe i lama va era tiniki ara saqo kaega, mana ka basoe i vaogoto ava era tiniki ara kaṉoso kaega go.

Tarama Velaka Ia Jesu Kristo I Karo Go Jon 6:40

Tanego pata i soko go Mamae ne, osiqira ria iri mia mana vaogote go Tuna gogone, tarina pala too iki rove go kaega lupo, mana tuna vatoo qira musaqara muzimuzi go.”

Tarama Velaka Ia Jesu Kristo I Karo Go Jon 6:47

Ma sine ne qamu pata ogoto, ka basoe i vaogoto ava go era, ia i toṉove too iki rove go kaega lupo.

Tarama Velaka Ia Jesu Kristo I Karo Go Jon 8:33

Vano Jiu ne, iri vataule ne Jesu iri go, “Remu qi reqe me popodo ia Abra-am, mana qiki seka ia kaega ka basoe go, avana tane qo vatalupasa zego, ‘Ko talupasa qo sine go na?’ ”

Leta Ia Pol I Karo Ne Qira Basoero Na Rom 10:11

Tanego Buka tabo ne igo, “Ka basoe i vaogoto go, ia tiniki ara za agava kaega.”

Leta Ia Pol I Karo Ne Qira Basoero Na Rom 10:4

Tanego Kristo i lama va mamanava bana to Tamana, go basoero iri vaogoto go, God tina vatotoloṉo qira go.

Leta Ia Pol I Karo Ne Qira Basoero Na Rom 10:6

Do pata i sine go Buka tabo ne sauna basoe i lama totoloṉoe go de ikoego God. Igo dena, “Oniki sine ze nanaomu tanumu, akena tane tina popoka za go rani ne go tina lulu vaqoqoro mego Kristo?”

Leta Ia Pol I Karo Ne Qira Basoero Na Rom 3:22

God i vatotoloṉo napu me qira basoero de ikoego tanuna. Ia i zazu ne pata dena de iri koe go basoero iri vaogote go Kristo, tanego vano Jiu mana vano iriki Jiu go kaega iri vari pada ne qira so.

Leta Ia Pol I Karo Ne Qira Basoero Na Rom 3:26

Do ṉalu ninidena ia i toere to vasakata pata ria vano basoe, go mara vasadake totoloṉo ia igo. Zuka dena God i vasadake tanuna i totoloṉo mana i vatotoloṉo napu basoe iri vaogote go Jesu Kristo de ikoego tanuna.

Leta Ia Pol I Karo Ne Qira Basoero Na Rom 3:30

Tanego kameka so God dena i vatotoloṉo napu ze tanuna de iri koe go vano Jiu mana vano iriki Jiu go kaega loborona so vaogoto ria.

Leta Ia Pol I Karo Ne Qira Basoero Na Rom 4:10

Ava ṉalu i doka go Abra-am pataro dena, tarakenaqana iara kaebo go kosi ba, taramuzina kosi i vae go? God i zazu ne pataro dena tarakenaqa na iara kaebo go kosi.

Leta Ia Pol I Karo Ne Qira Basoero Na Rom 9:30

Iago, pata qi sine go vano iriki Jiu go kaega iriki pada ne kaega vatotoloṉo na tanuqira de ikoego God. Do ria iri vatotoloṉo ze tanuqira de ikoego God loborona vaogoto ria.

Leta Ia Pol I Karo Ne Qira Basoero Na Rom 9:33

Buka tabo ne i sine bana me igo, “Era qa taruze kameka ipaka Zaion mana ipaka to nae tina vasoru qira go basoero ne. Do basoe i vaogote go ia, basoe nae tiniki agava ne kaega ia.”

Leta Ia Pol I Karo Ne Qira Basoero Na Rom 9:6

Era qaki sine kaega pui ia God i kebu. Kaega! Do pui ia God i voto lupo, tanego osina basoero na Izirel iriki basoe lupo ia kaega God,

Karua Korinti 1:22

i taru ze lala ia i tonovo qita, mana ia i teke ne qita, Spirit tabo loborona puṉuqita, ianae i va nanao taru qitae ita, topu na pataro iara ko napu, i babana ne qita go.

Qalesia 3:22

Do Buka tabo ne igo, “Osina basoe iri koego vudu pua iri koe to karaputa ia vasakata pata.” Iago sosovolomo ia God i pui bana mego de ikoego vano iri vaogote go Jesu Kristo, iteke ne qira to ria iri vaogote go ia.

Qalesia 3:29

Ṉalu ramu qamu keia to Kristo, ramu to qamu popodo ro ia Abra-am mana tamuna toṉove pata i pui nego God.

Qalesia 3:7

Iago ramu muna mia rove to. Vano iri vaogoto go ria to salero ia Abra-am.

Qalesia 5:5

Do remu qimu ruqe zaqe God tina vatotoloṉo qemue de ikoego tanuna. Iato nae pata qimu piri ne go remu loborona Spirit tabo ia God, izazue go loborona vaogoto remu.

Qalesia 6:16

Sauqira ria iri lulua go vatovato dena, qa pene God go mara teke ne qira bule mana manava ia, go mara kotavisi qira mana osiqira basoero ia God go.

Epesus 1:13

Mana ramu napu to go qamu basoero ia God, ṉalu qamu qata go tarama ogoto ia ne. Iago Tarama Velaka tonae i pala ne qamu go vari vakavele. Ṉalu nae to ramu qamu vaogote Kristo, mana God i teke ne qamu Spirit tabo i pui ne go i sauna lalana go ia i tonovo qamu go.

Epesus 4:30

Mana kasi vamaqate na Spirit tabo ia God. Tanego Spirit tabo i vasadake, iato i lala ia God, go itonovo qamu go, mana iato go tina lukasa qamu go musaqara muzimuzi.

Pilipae 3:9

Mana ma ko kameka e de ikoe ia. Era i kaega nava ka totoloṉo tanuqu, gerena mimia na basoe i lulua go Tamana. Ninidena era qa pala too totoloṉo i teke nava God loborona ruqe na Kristo, vaogoto ireqe me God, i kutamana vaogoto.

Iburu 11:7

Loborona vaogoto ia, Noa i vaogote seko vabanabana ia God sauna pataro iara komego, mana pataro iara kaebo mia na go. Noa i zazu ne kameka koluka mana iva kavele ze ko tatamana iago. Tanego Noa i tatadaṉa e de ikoego God, iago i vasadake basoero na vudu pua ne iri vano sakata, iago God i va sadake Noa i valeke totoloṉo tanego Noa i vaogote God.

Karua Pita 1:1

Era Saimon Pita qa basoe zazu mana apostolo ia Jesu Kristo. Qa karo ne qamu ramu i teke ne qamu go God va ogoto, i gere go vaogoto reremu, tanego Jesu Kristo ia i God, i vakavele qita i lete velaka sivala.

Revaleson 9:4

Iri sine ne qira muniki vasakate seuseu, moki ro mana pata lebaleba ro, do iri vamao ne qira tarina vasakata qira so basoero iki koego kaega lala ia God rae qira.