Leta Ia Pol I Karo Ne Qira Basoero Na Rom 3:8 - Vato Vari Vakameka Voru Ia Batu Ne

⁸ Avigo tane qatiki sine go kaega, “Mata zazu ne pata sakata go mara sadaka me pata velaka”? Seko dena i seko sakata sivala. Do kakia ro basoe iri seko vasakatava era mana iri go, era tane qa sine go pata dena. I tora God tina tulaṉa ne qira mana vakimata qirae sauna pata dena.

Leta Ia Pol I Karo Ne Qira Basoero Na Rom 3:8 ပူးပေါင်းရင်းမြစ်များ

Matiu 5:11

Kula ria basoero iri seko sakata qira, iri vasasakata qira mana iri poqe ne qira, tanego iri luluava era.

Leta Ia Pol I Karo Ne Qira Basoero Na Rom 5:20

Ṉalu God i valame go Tamana basoero ne iri lete zazu va popokato zazu sakata. Do ṉalu vasakata pata i zaza popoka, Mana ia God i lete zaza popoka sivala to go.

Leta Ia Pol I Karo Ne Qira Basoero Na Rom 6:1

Iago ava mata go? Mata too tarue so vasakata pata go Mana ia God tina zaza popoka go ba?

Leta Ia Pol I Karo Ne Qira Basoero Na Rom 6:15

Iago avana to mata zazu ne, tanego ita qata koe polana Mana ia God, mana qatiki koe kaega polana tamana, kadi go i velaka so ita mata vasakata pata so ba? Kaega!

Leta Ia Pol I Karo Ne Qira Basoero Na Rom 7:7

Igo nae iago Tamana i pata sakata ba? Kaega! Tamana to i varove zave go era pata ni vasakata pata go. Ṉalu tamana tara sine bana go kaega, kasi visarena patapata ia kene basoe, era tuki mazala kaega rovena tane kapata ni visara go.

Karua Korinti 11:15

Iago iki pata mazala kaega, ṉalu vano zazu ia Satana iri mazala so vamimia gere qirae tanuqira vano zazu ia God. Do ṉalu musaqara muzimuzi basoero nae tarina pala lepulepu i tora go zazu iri zazu bana ne go.

Karua Korinti 6:8

Kakiaro basoero iri seko vazaka qemu, do kakiaro basoero iri seko sakata qemu, kakiaro basoero iri sine ne qira kero ne basoero pata velaka ro qi zazu nego, do kakiaro basoero iri seko va sakata qemu. Iri vagere qemue vano poqepoqe, do remu, qi seko ne pata ogoto,

Judi 1:4

Tanego kakiaro basoero iri keba siko me de qata koe go ita vano lotu mana ria dena iriki soko kaega osaka ne na God mana iri itane Mana ia God valulu ze vatovato sakata ro mana iriki toqe ne kaega Jesu Kristo qata va Batua go ita. Do Buka tabo ne i sine bana meso ia tane kimata tina pala qira basoero dena.