Leta Ia Pol I Karo Ne Qira Basoero Na Rom 3:5 - Vato Vari Vakameka Voru Ia Batu Ne

⁵ Do ṉalu zazu keburo ita i tavisi ne qita i vasadaka velaka me God i totoloṉo ba? Avigo God i kebu tane i vakimata qita go ita? (Qa seko go dena gere so basoe volomo.)

Leta Ia Pol I Karo Ne Qira Basoero Na Rom 3:5 ပူးပေါင်းရင်းမြစ်များ

Leta Ia Pol I Karo Ne Qira Basoero Na Rom 12:19

Turaquro, kasi vari soka soka ule ne na pata sakata de iri koe go basoero ne, do vamao ne God go mara zazu ne varitanae de iri koe go, tanego Batu ne i sine ze Buka tabo ne, “Era to i ko nava karaputa go tuna varatanae ne qira go basoero ne, mana tuna soka vaule ne qira go pata sakataro iri zazu ne go.”

Leta Ia Pol I Karo Ne Qira Basoero Na Rom 2:5

Do ramu qamu lete va makure papaqana puṉu qamu, tanego qamu vano gata pata kaega, iago qamu lete va lavate to kimata tamunara pala go ṉalu musaqara na muma ia God, mana varitanae ia tina sadake go de iri koego basoero ne.

Leta Ia Pol I Karo Ne Qira Basoero Na Rom 3:19

Ninidena ita qata rove osina pata i koe so loborona tamana, mana i zaeto de iri koe go vano iri too e go polana tamana go tina vamamanava go osina seko vavariqo ria basoero ne, mana vasadaka me varitanae ia God de iri koego basoero na vudu pua.

Leta Ia Pol I Karo Ne Qira Basoero Na Rom 3:7

Do bana era qa basoe ogoto kaega, avigo iki mazala kaega kebu rera go tina tavisi mego vasadaka na menomeno ia God, go basoero mara ria mia God so i zazu ne go, pata totoloṉo ba? Ṉalu igogo nae avigo tane God tina tulaṉa navae go era vasakata pata?

Leta Ia Pol I Karo Ne Qira Basoero Na Rom 4:1

Avana mata vane too ia Abra-am, i kazigaratana go sinaqe ita? Ava patana i dokae de ikoego ia?

Leta Ia Pol I Karo Ne Qira Basoero Na Rom 5:8

Do God i vasadaka ne qita lavata na mamaligara ia de qata koe go ita; ṉalu ita qatara vasakata pata go Kristo i le ne sauqita ita.

Leta Ia Pol I Karo Ne Qira Basoero Na Rom 6:1

Iago ava mata go? Mata too tarue so vasakata pata go Mana ia God tina zaza popoka go ba?

Leta Ia Pol I Karo Ne Qira Basoero Na Rom 6:19

Era qa pada ne vatatana velaka ne qamu ramu seko ro i tora qamu go ramu gata rove na, tanego nanao qamu iki loda kaega. De i lupo bana mego ramu qamu teke napu ne tanuqamu seka nena vatovato sakata, too iki totoloṉo kaega, mana zazu kebu ro qamu lulu go. Do ninidena muna teke napu nena tanuqamu seka nena too totoloṉo, mana vatabo lupo ze too ramu de ikoego God.

Leta Ia Pol I Karo Ne Qira Basoero Na Rom 7:7

Igo nae iago Tamana i pata sakata ba? Kaega! Tamana to i varove zave go era pata ni vasakata pata go. Ṉalu tamana tara sine bana go kaega, kasi visarena patapata ia kene basoe, era tuki mazala kaega rovena tane kapata ni visara go.

Leta Ia Pol I Karo Ne Qira Basoero Na Rom 8:31

Ṉalu qata nanao lulusu zaqe go pataro dena, avana mata vane to? Mana ṉalu God ikoego tepa ita, akena to go i mazala go vakuziki ne qitae go ita? Kaega to kaki basoe i mazala go.

Leta Ia Pol I Karo Ne Qira Basoero Na Rom 9:30

Iago, pata qi sine go vano iriki Jiu go kaega iriki pada ne kaega vatotoloṉo na tanuqira de ikoego God. Do ria iri vatotoloṉo ze tanuqira de ikoego God loborona vaogoto ria.

Kameka Korinti 15:32

Loborona komala Epesus, i gere pata qa varitarae de koe pata qaraqara piru. Ṉalu vano le tariki too me kaega tepa le, era tuki ogoto kaega, ṉalu igoto nae, itora mata lulua seko igogo “Mata ṉaṉa mana besi go tanego bakubaku tatana le.”

Kameka Korinti 9:8

Era qaki lulua kaega nanao na basoero sauna pataro dena, tanego Tamana ia Mosese i sine napua so kameka pata de.

Karua Korinti 6:4

Iago, osina pataro qi zazu nego, qi vamia qamue ramu, remu qi vano zazu ia so God, qi soba ze vari vamomotoṉo ia, ṉalu na makuru ro, pada ro mana ṉalu qi riro go.

Karua Korinti 7:11

Muna mia pata i zazu ne God i va maqata qamu go, ramu qamu lete soko vasadakena i kaega ne qamu kebu. Ramu qamu muma, qamu poloso, qamu le ne miana vatovato totoloṉo tara sadaka me, qamu vanama ne valepulepu qira vano iri vasakata pata go, ianae qamu vasadake qamu lete totoloṉo e pataro nae.

Qalesia 2:18

Do ṉalu era qa pala napua go Tamana qa pero bana go, ianae era qa vasadake to qa kaki basoe qa vaeto Tamana.

Qalesia 3:15

Ramu turaquro, ma sine ne qamu kameka va padapada, de igogo vatovato ita vano basoe. Ṉalu kaki karua basoe iru pui ne kaki pata mana vanadua vatovato riru gogo ne, kaega napu kakia riru tinara pero go, ba tarupoka napu ze na kaki pata.

Revaleson 15:3

Ria ne iri vae kera ia Mosese basoe zazu ia God, mana Tunana Sipi nego. Kera dena igo de, “God Batu qo lete moqere sivala, avana to ka menomeno na pataro qo zazu nego aro. Aro to qo batu lavata na kolabana pua ne. Osina too ro aro, i totoloṉo lupo so!

Revaleson 18:20

Kula, ramu vano na rani ne mana basoero ia God, apostoloro mana propetaro ne tanego God i pero vanaqe komala lavata Babiloni! God i vasakate komala dena, tanego i sauna to pataro izazu bana qamue go ramu.