Leta Ia Pol I Karo Ne Qira Basoero Na Rom 3:4 - Vato Vari Vakameka Voru Ia Batu Ne

⁴ Kaega! God i ogoto taru so osina ṉalu. Do osina vano basoe so iri zazu ne go poqe. Gerena Buka tabo i sine go sauna God, “Aro ono vasadake totoloṉo aro ṉalu qo seko go. Ṉalu vano basoe iri pada zigoe kaki pata, aro ono karaputa sivala ne de iri koe go ria.”

Leta Ia Pol I Karo Ne Qira Basoero Na Rom 3:4 ပူးပေါင်းရင်းမြစ်များ

Matiu 11:19

Mana ṉalu era Tuna basoe qa lama go, qa ṉaṉa mana qa ge loka do basoero ne iri go, ‘Mia to valeke dona, i poro ṉaṉa, ge loka so, mana i vakitaka qira so vano palapala takisi mana vano vatovato sakata go.’ Do osina pata i reqe me nanao velaka ia God, i vasadake nanao velaka ro nae i pata ogoto.”

Luka 20:16

Tina lama mana vae vale lupo qira so ria iri zazue go barue ne, mana tina teke napu ne qira kaki vano napu tarina miasoka go barue vain nae.” Do ṉalu basoero ne iri gata iadena iri go, “Ke kaega!”

Tarama Velaka Ia Jesu Kristo I Karo Go Jon 3:33

Do ka basoe i vaogote go seko ia, basoe nae i vasadake, God i ogoto.

Leta Ia Pol I Karo Ne Qira Basoero Na Rom 11:1

Iago, qa tana, Avigo God iki soko qira kaega basoero ia Izirel ba? Kaega! Era tanuqu do qa basoe Izirel, qa reqeme kaki kameka popodo basoe ia Abra-am mana qa basoe na sinaqe ia Bejamani.

Leta Ia Pol I Karo Ne Qira Basoero Na Rom 11:11

Iago era qa tana, avigo soru sakata iri vae go nae iri lete sakata zato ba? Kaega! Do tanego iri zazu ne pata sakataro, iago God i vakavele qira vano iriki Jiu go kaega, go mara qora vano Jiu igo.

Leta Ia Pol I Karo Ne Qira Basoero Na Rom 3:31

Iago sauna vaogoto dena ita qata vakuziki ne tane Tamana go ba? Kaega! Ita qata vanadu velaka to Tamana.

Leta Ia Pol I Karo Ne Qira Basoero Na Rom 6:15

Iago avana to mata zazu ne, tanego ita qata koe polana Mana ia God, mana qatiki koe kaega polana tamana, kadi go i velaka so ita mata vasakata pata so ba? Kaega!

Leta Ia Pol I Karo Ne Qira Basoero Na Rom 6:2

Kaega! Ita qata le banae to vasakata pata, iago ava tina gogo tatana za too napue go loborona vasakata pata?

Leta Ia Pol I Karo Ne Qira Basoero Na Rom 7:13

Iago pata velaka ro dena tane iri vae vale ava go era ba? Kaega! Vatovato ia so vasakata pata i vae vale vego era pata velaka ro dena, gogo tatana mia rove go ita vatovato ia vasakata pata. Mana iato nae go sekona ro Tamana iri vasadaka me vatovato ia vasakata pata i lete sakata sivala.

Leta Ia Pol I Karo Ne Qira Basoero Na Rom 7:7

Igo nae iago Tamana i pata sakata ba? Kaega! Tamana to i varove zave go era pata ni vasakata pata go. Ṉalu tamana tara sine bana go kaega, kasi visarena patapata ia kene basoe, era tuki mazala kaega rovena tane kapata ni visara go.

Leta Ia Pol I Karo Ne Qira Basoero Na Rom 9:14

Iago mata go God iki zazu iic kaega pata totoloṉo de iri koe go basoero ne ba? Kaega!

Kameka Korinti 6:15

Qamu rove, tokama qamu i kaki takoboro na tokamana Kristo. Iago, avigo qa mazala pala na kaki takoboro na tokamana Kristo, mana va kameka ze ia tokama qira qolero iri vari vagabu go tanuqira? I makuru!

Karua Korinti 1:18

Pata ogoto sivala, God i seko ne pata ogoto, iago seko ro qi sine qamu go remu, qimuki sine kaega ‘O’ mana ‘Kaega’.

Qalesia 2:17

Remu qi ruqe God, go timuna basoe totoloṉo, tanego qi vakameka ne Kristo. Do ṉalu basoero ne iri nanao remu qi vae Tamana, gere qira vano iriki Jiu go kaega, avigo i talupase Kristo tanego i zazue de qi koego, go qi vae go Tamana nae?

Qalesia 2:21

Era qaki kasia kaega mamaligara ia God. Do ṉalu basoe iko totoloṉoe de ikoe God sauna luluna so Tamana, ṉalu igogo nae, le ia Kristo i patavolomo so.

Qalesia 6:14

Do de qa koego era ne, tuna vazakanapu ne koluse ia Batu ita Jesu Kristo. Tanego pata izazu ne go Kristo ṉalu ile go koluse ne, i sauna to vatovato na vudu pua dena i le bana ne to nanaoqu era mana era qa le palu bana to Kristo. Iago, ma kasi luluna vatovato ia vudu pua dena.

Kameka Timoti 3:16

I pata ogoto bana, vari vatatana na vaogoto ita i kakia pata lavata sivala. Vari vatatana ne igo de, Kristo i lama sadaka gere so basoe na vudu pua. Spirit tabo i vasadake too ia Kristo i lete totoloṉo. Aqelo ro ne iri miasoka ia. Seko ia i zadave kolabana pua ne, mana basoero ne iri vaogote ia. Mana God i pala vapopoka zaqe ia rani ne.

Taetusi 1:2

Seko ogoto ne, i zazao na too iki rove go kaega lupo. God iki rove go kaega poqe, i pui bana qita e too dena, tarakenaqana iara va zaria go kolabana pua ne.

Iburu 6:18

Karua seko dena i makuru kavala na, mana loborona karua seko dena God iki mazala kaega tina poqe go. Iago ita qata lama soba bana go de velaka de koe God, mata va karaputa nanao qita mana vanadua pata i pui ne qita go God.

Kameka Jon 5:10

Iago basoe i vaogote go Tuna God i nanao vamazale ia tane seko ro ia God ikoego loborona puṉuna. Do basoe iki vaogote go kaega God, iva poqe seko ia God ni sine go sauna sale ia ne. Iago basoe igogo nae ivagere ze so God basoe poqepoqe.

Kameka Jon 5:20

Mana qata rove Tuna God i lamae go vudu pua dena i teke ne qita nanao rove velaka, go ita tatana rove go God ogoto. Ita qata kokamekae go de ikoego God loborona Jesu Kristo. God dena to i God ogoto, mana itoo, too ia iki rove go kaega lupo.

Revaleson 3:7

Ia i seko, igo napu dena, “Ono karo ne zaqe aqelo na eklesia na Piladelpia. Iato dena seko era, qa valeke tabo mana qa ogoto osina ṉalu, mana qa pala kii gere kii ia Davita, mana ṉalu qa papaqa go, i kaega ka basoe i mazala go kokoqu na, mana ṉalu qa kokoqua go, i kaega ka basoe tina papaqa go.