Leta Ia Pol I Karo Ne Qira Basoero Na Rom 3:27 - Vato Vari Vakameka Voru Ia Batu Ne

²⁷ Iago ava patana mata vazaka napu ne go ita? Kaega so kapata! Ava sauna go qatiki vazaka napu ne go kaega ita na? Avigo ita qata mazala vatotoloṉo napu na tanuqita de ikoego God, sauna luluna Tamana ba? Kaega! God tanuna so i vatotoloṉo napu qita ita de i koe tanuna sauna vaogote na Jesu Kristo.

Leta Ia Pol I Karo Ne Qira Basoero Na Rom 3:27 ပူးပေါင်းရင်းမြစ်များ

Maka 16:16

Vano iri vaogote mana bapitema gogo ne God tina vakavele qira. Do vano iriki vaogote go kaega, God tina varitanae ne qira ṉalu muzimuzi.

Tarama Velaka Ia Jesu Kristo I Karo Go Jon 3:36

Iago ka basoe i vaogote go Tuna God, ia tina pala too iki rove go kaega lupo, do basoe iki vaogote go kaega Tuna God, ia tiniki pala kaega too igogo ne mana God tina muma taru ne iago.

Leta Ia Pol I Karo Ne Qira Basoero Na Rom 10:5

Pata i karo bana mego Mosese i sauna basoe go tina lama ko totoloṉoe go de i koe God ṉalu i lulua go Tamana. Iago, igo dena, “Basoe i lulua go pata i sine go Tamana tina too go.”

Leta Ia Pol I Karo Ne Qira Basoero Na Rom 11:6

Vivine ia i degere vari nanao, do iki reqeme kaega pata iri zazu ne go. Ṉalu Mana ia tara degere go pata iri zazu ne go basoero ne, tara gogo nae Mana ia tariki ogoto kaega.

Leta Ia Pol I Karo Ne Qira Basoero Na Rom 2:17

Iago, ava qamu go ramu? Ramu qamu degere ne tepa ia Tamana mana qamu vazaka napu ne tanuqamu, qamu basoero ia God.

Leta Ia Pol I Karo Ne Qira Basoero Na Rom 2:23

Qamu vazaka napu ne Tamana ia God, do avigo qamu vamia qirae go basoero ne, vatovato go iri mia vaqoqore go God. Ramu qamu vasakate Tamana ia.

Leta Ia Pol I Karo Ne Qira Basoero Na Rom 3:19

Ninidena ita qata rove osina pata i koe so loborona tamana, mana i zaeto de iri koe go vano iri too e go polana tamana go tina vamamanava go osina seko vavariqo ria basoero ne, mana vasadaka me varitanae ia God de iri koego basoero na vudu pua.

Leta Ia Pol I Karo Ne Qira Basoero Na Rom 3:26

Do ṉalu ninidena ia i toere to vasakata pata ria vano basoe, go mara vasadake totoloṉo ia igo. Zuka dena God i vasadake tanuna i totoloṉo mana i vatotoloṉo napu basoe iri vaogote go Jesu Kristo de ikoego tanuna.

Leta Ia Pol I Karo Ne Qira Basoero Na Rom 4:2

Ṉalu Abra-am i zazu ne go pataro i totoloṉe go ia de ikoe go God ia tina kone pata go tina vazaka napu ne go. Do ia iki vazaka napu ne kaega tarakenaqana God.

Leta Ia Pol I Karo Ne Qira Basoero Na Rom 7:21

Iago, era qa rove vatovato sakata dena so i zazue de qa koe go era. Ṉalu qa soko go zazu nena pata velaka, do pata sakata so i reqeme go de qa koe go era.

Leta Ia Pol I Karo Ne Qira Basoero Na Rom 7:23

Do qa mia kameka tamana kakavata i zazue go loborona tokamaqu, mana tamana nae i varitarae de ikoego Tamana i toqe ne go nanaoqu. Iago i qolo ava era, tane tamana ia vasakata pata i zazue go loborona tokamaqu.

Leta Ia Pol I Karo Ne Qira Basoero Na Rom 7:25

Iago ita mata zazu ne, tanego ita qata koe polana Mana ia God, mana qatiki koe kaega polana tamana. Kadi go i velaka so ita mata vasakata pata so ba? Kaega!

Leta Ia Pol I Karo Ne Qira Basoero Na Rom 8:2

Tanego karaputa ia Spirit tabo i teke ne qita too i vakameka ne qita go ita Kristo, go i lukasa qita go sauna vatovato ia vasakata pata, mana go i vae vale qita go.

Leta Ia Pol I Karo Ne Qira Basoero Na Rom 9:11

Do God i soko valulu zena nanao ia. Iago, i vine so kameka riru karua sale dena. God i sine ne Ribeka, “Sale kenaqa ne tina zazu ne go ke suka ne.” I sine bana pata dena tarakenaqana iru ara kaebo go zazu ne na pata velaka ba i sakata. Iago vivine ia God i degere ṉalu ni korua go basoe, do iki reqe kaega pata i zazu ne go.

Leta Ia Pol I Karo Ne Qira Basoero Na Rom 9:31

Do vano Izirel iri lulua so Tamana go tina vatotoloṉo qirae go de ikoego God, iri go, do iriki soba so kaega Tamana nae.

Leta Ia Pol I Karo Ne Qira Basoero Na Rom 9:32

Iago avigo tane iriki soba go kaega? Tanego pataro iri zazu ne go iriki zazu ne ze kaega vaogoto ria de ikoe go God, do iri zazu ne ze sauna zazu velaka ria. Iago iri za tabatuparae so ipaka lavata ni poro tupara ne qira go basoero topu ne.

Kameka Korinti 4:7

Akena tane i vine qamu ramu, qamu mazala sivala qira kero ne basoero ne na? Osina pata qamu toṉove go nae, God so i teke ne qamu. Iago avigo tane qamu vazakanapu nego, i gere pata qamu vazaria go tanuqamu.

Qalesia 2:16

Do remu qi rove basoe iko totoloṉe de ikoe God, ṉalu i vaogote go Jesu Kristo, do iki reqeme kaega sauna luluna Tamana. Iago, remu vano Jiu do qimu vaogoto napua so Jesu Kristo, go ia God tina vatotoloṉo qemue deikoego Jesu Kristo, do iki sauna kaega luluna so pataro ni sine go Tamana. Tanego, kaega kaki basoe ni totoloṉoe go de ikoego God, ṉalu i lulua go so pataro ni sine go Tamana.

Qalesia 3:22

Do Buka tabo ne igo, “Osina basoe iri koego vudu pua iri koe to karaputa ia vasakata pata.” Iago sosovolomo ia God i pui bana mego de ikoego vano iri vaogote go Jesu Kristo, iteke ne qira to ria iri vaogote go ia.