Leta Ia Pol I Karo Ne Qira Basoero Na Rom 2:4 - Vato Vari Vakameka Voru Ia Batu Ne

⁴ Kadigo aro qo va patavolome so God, sauna vari nanao ia mana iki muna katikili kaega, do ia iko piri so ṉalu qata zazu ne go ita pata sakata. Iago muna mia rove God i vasadake varinanao ia de qamu koego. Tanego ia i pada ne muna nanao ule, mana kavala ze too velaka sauna too sakata ro ramu.

Leta Ia Pol I Karo Ne Qira Basoero Na Rom 2:4 ပူးပေါင်းရင်းမြစ်များ

Leta Ia Pol I Karo Ne Qira Basoero Na Rom 10:12

Ia dena i sapu lupo qira so osiqira, iki vari kakavatae kaega de iri koe go vano Jiu mana vano iriki Jiu go kaega. God i Batu lupo ne qira so osiqira, mana i teke ne qira pata velaka osiqira iri pene go.

Leta Ia Pol I Karo Ne Qira Basoero Na Rom 11:22

Ianae qata mia zaqe de igogo God i vari nanao mana i vari vakimata napu so go. God i vakimata qira ria iriki lulua go kaega vatovato ia. Do ṉalu ramu qamuki lulua go kaega, ia tina vatavarasa vakuziki napu ne qamu so go.

Leta Ia Pol I Karo Ne Qira Basoero Na Rom 11:33

God i velaka sivala so de iri koego osina basoero ne, mana tarove ia i lete lavata sivala, mana i kone nanao rove lavata sivala go. Kaega ka basoe i mazala go sine lukase na vivine ia mana kaega ka basoe i mazala go nanao rove go vatovato iago.

Leta Ia Pol I Karo Ne Qira Basoero Na Rom 3:25

God i valame Kristo go i komakoma ne go sauna le ia, go tina vakuziki ne go vasakata pata, go God tina nanao ule ne go vasakata pata ro ria basoero ne. Loborona vaogoto ria de ikoe go Kristo, God i zazu ne pata dena go mara vasadake totoloṉo ia Tanuna igo. De i lupo bana mego ia iki muma katikili kaega, mana i mia vana ne so vasakata pata ria vano basoero.

Leta Ia Pol I Karo Ne Qira Basoero Na Rom 6:1

Iago ava mata go? Mata too tarue so vasakata pata go Mana ia God tina zaza popoka go ba?

Leta Ia Pol I Karo Ne Qira Basoero Na Rom 6:15

Iago avana to mata zazu ne, tanego ita qata koe polana Mana ia God, mana qatiki koe kaega polana tamana, kadi go i velaka so ita mata vasakata pata so ba? Kaega!

Karua Korinti 8:2

Topu na makuru iri soba, i lete pada ne vaogoto ria, do loborona makuru ro nae, ria iri lete kulakula. Iri vano situ, do iri vasadake kula ria, iri teke qira basoero kakavata sosovolomo ro ria.

Epesus 1:18

Qa pene God go mara papaqa nanao qamu go ramu muna mia tatavata ia, go ramu tamuna rove go ruruqe ikoru qamue tamuna pala go taramuzi na. Go tamuna mia rove go pata velaka sivala ro i pui ne qamu go ramu basoero ia ne.

Epesus 1:7

Tanego le ia Kristo i bauru ne qita, go qata talukasa go. Sauna ianae God i nanao ule ne vasakata pata ita. Avana to mamaligara lavata ia God de qata koego ita,

Epesus 2:4

Do manava ia God i lete karaputa mana mamaligara ia i lete lavata sivalae de qata koego ita.

Epesus 2:7

God izazu ne pata dena go mara vasadaka ne qira sapoko iara ko mego, osina ṉalu i lete lavata sivala varinanao ia loborona mamaligara ia, go ni vasadaka zego de ikoego Jesu Kristo.

Epesus 3:16

Qa pene God iko ne go karaputa, go Spirit ia mara valame ne qita karaputa go mara vamoqere too ita.

Epesus 3:8

Era to qa lete qoqoro sivala ne qira go basoero ia God. Do God i teke nava mazala, go tuna pala za Tarama Velaka de iri koego vano iriki Jiu go kaega, sauna vavagado na velaka ro ia Kristo, i kaega go ka lupolupona.

Pilipae 4:19

Mana sauna topu na pata vavagado ia iva goe ze Jesu Kristo. God era tinara sosone qamu topu na pata qamu soko go.

Kolosia 1:27

Nanao ia God isoko tina va vatatavata me pata i pika ne qira go basoero ia. Vavagado mana mazala i pika go dena i soko teke ne qira basoero topu. Iato dena pata i pika go, Kristo i koe loboro qamu, talupasana igo de, ramu qamu mazala to pala tavise na menomeno mana karaputa ia God.

Kolosia 2:2

Qa zazu ne iadena go tina ko ne qamu karaputa mana vari kameka loborona vari mamaligarae, sauna pataro dena ramu tina ko ne qamu nanao nadu, mana tamuna rove va velake, loborona to zuka dena ramu tamuna rove pata i pika go God, iato Kristo tanuna.

Kameka Timoti 1:16

do God i nanao ule nava era, go Jesu Kristo tina vasadaka me lavata na pata i soko go, go tuna zazu ne era, qa valeke vasakata pata go, gerena vapadapada de iri koego vano tarinara vaogoto napua go ia, mana tarina toṉove too iki rove go kaega lupo.

Kameka Timoti 6:17

Sine ne qira basoero iri vavagado ne patana ro too ninidena, mara kasi vazakanapu ne, mana taru ze ruruqe ria go, tanego i mazala so za kaega ba lupo go. Do mara vanadu ze nanao ria de ikoego God, iato tina teke ne qita pata velaka ro, go tatana ko kulakula go.

Kameka Pita 3:20

Madauro dena, i madau qira vano iriki vaogote go kaega God. Ṉalu God i piri ne go musaqara ro Noa i zazu ne go koluka ne, tarazalu ria so iri kavele ne go kiale lavata ne,

Karua Pita 1:11

Mana God tina va mao ne qamu keba zana vudu voru iki rove go kaega za lupo. Vudu nae ne, iato i za ko Batu ego Jesu Kristo Batu ita ne.

Karua Pita 3:15

Muna mia de igogo God, ia i losi so, mana i teke ne qamu ṉalu. Ia to go iki lama katikili ne kaega. Iago, ramu muna mia pata dena, i ṉalu raramu to go tina vakavele qamu go. Gerena God i teke ne nanao velaka Pol, go i karo bana ne qamu go.

Karua Pita 3:3

Pata kenaqa, ramu muna nanao tarua ṉalu musaqara muzimuzi tina za sadaka me, kavia ro basoe iri too ego soko na vasakatena tokama qira, tarina va kari ne qamu.

Karua Pita 3:9

Kakiaro basoe iri nanao, God i valosia so pui ia, go tina lama ogoto go, do iki go kaega nae, God iki soko kaega vasakatena kakia basoe, do i soko basoero ne mara vana ne too sakata ro ria, mana lamae de i koego tanuna igo.

Revaleson 2:21

Era qa teke ne ia ṉalu, go mara vana ne vasakata pataro ia qa go, do iki soko neso kaega vana nena.

Revaleson 3:20

Muna gata! Era qa degere tarakenaqana siporaṉa ne mana qa tetedeke, ṉalu ka basoe i gata go seko ro era, mana i paqapaqa siporaṉa ia gogo ne, era tuna kebae loborona pade ia mana ṉaṉa tavise iago.