Leta Ia Pol I Karo Ne Qira Basoero Na Rom 2:29 - Vato Vari Vakameka Voru Ia Batu Ne

²⁹ Do basoe Jiu ogoto ne tina lulu ogote to pata velaka ni reqeme go puṉuna mana madauna go iara kosi ne go. Pataro dena iki reqeme kaega pata ni karoe go Tamana, do i reqeme zazu ia Spirit ia God. Mana basoe dena i tonovo ze vivitoṉo velaka de ikoego God.

Leta Ia Pol I Karo Ne Qira Basoero Na Rom 2:29 ပူးပေါင်းရင်းမြစ်များ

Luka 11:39

Batu ne i sine ne valeke ne, “Ramu vano Parisio qamu vadalo so kakamuna kapu mana ebata ramu, do loboro qamu i purake so pata vari vavokara mana vatovato sakata ro go.

Luka 17:21

Kaega ka basoe tina sine, ‘Mia, iato dena,’ ba ‘Iato dona,’ tanego Too ikoego vari miasoka ia God ikoe loboro qamu ramu.”

Tarama Velaka Ia Jesu Kristo I Karo Go Jon 12:43

Iri soko so basoero ne tarina nanao vamazala qira, do iriki nanao rove kaega, nanao va mazala ia God i lete velaka go.

Tarama Velaka Ia Jesu Kristo I Karo Go Jon 4:23

Tina lama doka ṉalu, mana ṉalu dena i lama doka bana ne qita to, go basoero iri pene totoloṉo aqe go de ikoego Mamae, tarina pepene loborona karaputa ia Spirit tabo, mana i pata ogoto go. Basoero nae to, i soko go Mamae tarina vazaka ia.

Tarama Velaka Ia Jesu Kristo I Karo Go Jon 5:44

Ramu qamu soko basoero ne tarina vazakazaka qamu, ba de i koego God, ramu qamuki nanao kaega zazu ne na kaki pata, go God mara mia vazakazaka qamu, igo nae iago, ramu i makuru bana so tamuna vaogoto ava go era.

Leta Ia Pol I Karo Ne Qira Basoero Na Rom 14:17

Tanego de ikoe go too vari miasoka ia God sauna pata gege ba loka qamu ge, gogo ne iki za pata mazala bana so kaega. Do too ivalame go so Spirit tabo dena so lete mazala go, gerena to zazu ne na, too bulebule mana too kulakula go.

Leta Ia Pol I Karo Ne Qira Basoero Na Rom 2:27

Iago vano iriki Jiu go kaega tarina lete sine vasakata qamu, tane go ramu qamu vae tamana. Patavolomo iri karo bana ne qamu mana ramu qamu kosi bana to go. Tanego ria ne patavolomo i kaega ne qira vatovato na kosi na tokama, do ria ne iri lulua pata i sine go Tamana ne.

Leta Ia Pol I Karo Ne Qira Basoero Na Rom 3:1

Iago avana to kaki pata velaka ireqe mego vano Jiu? Mana avana to ka mazala i vazari mego vatovato na kosi na tokama?

Leta Ia Pol I Karo Ne Qira Basoero Na Rom 7:6

Do ninidena ita qata talukasa, tanego ita qata le bana ne pata i qolo bana go tamana. Iago ita qatiki zazu ne ze to kaega God ṉalu ninidena vatovato bana ro iri karo ze go tamana, do qata zazue vatovato voru ia Spirit tabo.

Kameka Korinti 4:5

Iago muniki toere too ia basoe, tanego ṉalu na varitanae iara kaebo lama doka. Ṉalu musaqara na varitanae, tina piri ne so lama na Batu ne, tina pala vasadaka ze tatavata pataro i ko pipika ego nanao qira basoero ne. Mana God tina va zakazaka qira basoero, vatora ze de go too ria.

Kameka Korinti 7:19

Tanego valeke i kosi ba, iki kosi kaega i patavolomo so, pata ni lete mazala go, vaogote na tamana ia God.

Karua Korinti 10:18

Ṉalu God i nanao vamazale basoe nae, ia tina toqe ne, do iki tora kaega basoe nae tina nanao vamazale tanuna.

Karua Korinti 3:6

Ia so iva mazala qemu go remu, go qi osaka ne zazu ikoego go varitoqe voru ia. Iki sadaka banae kaega Tamana ro iri karo go, do i reqe me de koe Spirit tabo. Tamana ro iri karo go i valame le, do Spirit ne, i teke ne qita too.

Pilipae 3:3

Iki ria kaega, do ita to qata pala go vari kosi ogoto, tanego qata vazaka God loborona Spirit ia, mana qata kula ne too ita loborona vari vakameka ita de koe Jesu Kristo. Ita qatiki ara vaogote kaega kaki zazu i sadaka mego tokama.

Kameka Tesalonika 2:4

Kaega! Remu osina ṉalu qimu seko ne so pata i soko go God timuna sine go, tanego ia i mia vatora qemue remu timuna seko ne go Tarama Velaka dena. Remu qimuki soko kaega vakula na basoe, do qi soko vakula na God ia i mia mego pata ikoego loborona puṉu qemu.

Kameka Pita 3:4

Ba pata menomeno mara ko mego loborona puṉu, mana madau qamu ne, iato ko va velaka, noto mana ko duduli go. Vatovato nae to i lete mazala sivale go tarakenaqana God.