Leta Ia Pol I Karo Ne Qira Basoero Na Rom 2:27 - Vato Vari Vakameka Voru Ia Batu Ne

²⁷ Iago vano iriki Jiu go kaega tarina lete sine vasakata qamu, tane go ramu qamu vae tamana. Patavolomo iri karo bana ne qamu mana ramu qamu kosi bana to go. Tanego ria ne patavolomo i kaega ne qira vatovato na kosi na tokama, do ria ne iri lulua pata i sine go Tamana ne.

Leta Ia Pol I Karo Ne Qira Basoero Na Rom 2:27 ပူးပေါင်းရင်းမြစ်များ

Matiu 3:15

Do Jesu i sine ne Jon, “Ninidena mara goto dena. I tora tatana valuluze de i soko go God.” Pasi to nae, Jon iara mao go.

Zazu Ria Apostoloro 13:22

Taramuzina God i pala vakuziki ne Sol, ia iteke napu ne qira Davita tina batu lavata napu ria go. Mana ia to dena pata i sine bana ne go ia God, ‘Ninidena era qa soko Davita sale ia Jese ia to adona basoe qa soko go, tina zazu ne go pataro qasoko ze go era de ikoego.

Leta Ia Pol I Karo Ne Qira Basoero Na Rom 13:10

Tanego basoe i mamaligara ne qira go kero ne basoero, ia iki mazala kaega tina zazu ne ze go pata sakata de ikoe go kene basoe. Iago ṉalu qata mamaligara ne qira go basoero ne qata lulua to ita, osina sekoro iri koe go Tamana.

Leta Ia Pol I Karo Ne Qira Basoero Na Rom 2:15

Too velaka ria dena i vasadaka velake pata ni karo banae go Tamana ia Mosese, mana nanao totoloṉo ria dena i vasadaka napu ne qira so pata ni ogoto go. Tanego kakia ro ṉalu nanao qira tina vasakata qira, mana kakiaro ṉalu i bara va velaka ne qira go.

Leta Ia Pol I Karo Ne Qira Basoero Na Rom 2:20

Mana ramu qamu nanao qamu mazala vatatana qira vano iri koe go too bulaṉoi, mana vano iri ara kaebo go pala na tarove na too ria go. Iago, ramu qamu ogoto, tanego loborona ro Tamana qamu pala ze go tarove na osina pata mana ogoto go.

Leta Ia Pol I Karo Ne Qira Basoero Na Rom 2:25

Iago, ṉalu ramu qamu lulua go Tamana na kosi na tokama qamu ianae i zari to mazala na, do ṉalu qamuki lulua go kaega Tamana, i tora mamu kasi kosi bana so.

Leta Ia Pol I Karo Ne Qira Basoero Na Rom 2:26

Vano iriki Jiu go kaega, i kaega ne qira vatovato na kosi, do ṉalu iri lulua Tamana igogo ne, God tina vari pada ne qirae so nanao ia de iri koe go vano iri kosi go.

Leta Ia Pol I Karo Ne Qira Basoero Na Rom 2:29

Do basoe Jiu ogoto ne tina lulu ogote to pata velaka ni reqeme go puṉuna mana madauna go iara kosi ne go. Pataro dena iki reqeme kaega pata ni karoe go Tamana, do i reqeme zazu ia Spirit ia God. Mana basoe dena i tonovo ze vivitoṉo velaka de ikoego God.

Leta Ia Pol I Karo Ne Qira Basoero Na Rom 3:30

Tanego kameka so God dena i vatotoloṉo napu ze tanuna de iri koe go vano Jiu mana vano iriki Jiu go kaega loborona so vaogoto ria.

Leta Ia Pol I Karo Ne Qira Basoero Na Rom 8:4

Tamana i kaega ne pataro dena go vatovato totoloṉo i reqeme go Tamana mara voto lupoe loboro qita ita qata lulua go spirit tabo, mana ita mata kasi luluna too na vudu pua dena.

Kameka Korinti 7:19

Tanego valeke i kosi ba, iki kosi kaega i patavolomo so, pata ni lete mazala go, vaogote na tamana ia God.

Karua Korinti 3:6

Ia so iva mazala qemu go remu, go qi osaka ne zazu ikoego go varitoqe voru ia. Iki sadaka banae kaega Tamana ro iri karo go, do i reqe me de koe Spirit tabo. Tamana ro iri karo go i valame le, do Spirit ne, i teke ne qita too.

Qalesia 5:14

Tanego osina Tamana ro iri lama voto lupoe so kameka Tamana dena, “Ono mamaligara ne qira kero ne basoero ne, gerena qo mamaligara nigo tanumu.”

Epesus 2:11

Ramu vano qamu podo mego sinaqe ria vano iriki Jiu go kaega, iri koru qamue vano kosi kaega. Mana tanuqira vano Jiu iri koru qirae vano kosi. Seko dena italukase pata iri zazu ne ze tokama qira tanuqira. Ramu vano qamuki Jiu go kaega muna nanao tarua deigo koko ramu ṉalu bana me.

Karua Timoti 3:15

Pasi ara sale qo vaego, aro qo rove velake Buka tabo ne. Mana vari vatatana ikoego i mazala tavisi nigoe pala na nanao velaka, mana de go rove velake na Jesu Kristo, go God tina vakaveli go.

Iburu 11:3

I sauna vaogoto ita qata vaogote go seko ia God i vazaria go kolabana pua ne. God i vazazua pataro qatiki mazala go kaega mia na, go tina zazu ne zego pataro qata mia go.