Leta Ia Pol I Karo Ne Qira Basoero Na Rom 2:19 - Vato Vari Vakameka Voru Ia Batu Ne

¹⁹ Ramu qamu nanao qamu mazala kenaqa ne qira vano iri ko gere qira vano kodo ne, mana ramu qamu gere go pazi tina tatavata ne qira go vano iri koego rodoko ne.

Leta Ia Pol I Karo Ne Qira Basoero Na Rom 2:19 ပူးပေါင်းရင်းမြစ်များ

Matiu 15:14

Iago nanao kasupe ne qira vano Parisio! Iri kenaqa ne qira basoero ne, do iri gere qira vano kodo iri kenaqa napu ne kaki basoe kodo ne. Iago osiqiru tiruna soru zaso bolu ne.”

Matiu 4:16

Ria basoero iri koe loborona rodoko tarinara mia tatavata lavata. Ria iri koe loborona pua rodoko iri koe go vano iri le go, tatavata tinara damare de iri koego.”

Matiu 5:14

Ramu qamu gere tatavata de iri koe basoero na kolabana pua ne. Komala ikoe kubolo tina mazala bana so basoe mia na.

Matiu 6:23

Do ṉalu matamu ki velaka kaega, osina tokamamu tina ko rodoko. Iago ṉalu tatavata i koe de qo koe go i rodoko, tina lete rodoko napu to go.”

Maka 10:15

Era ma sine ne qamu pata ogoto, ṉalu basoe iki gere go kaega sale ro iri kula ne go vazaka na God, basoe nae iki tora kaega tina za koego Too ikoego vari miasoka ia God.”

Luka 1:79

Go tina teke qira tatavata ria iri koego rodoko mana dudulena le. Tina kenaqa ne makeqita, go tatana zukae loborona dalo.”

Tarama Velaka Ia Jesu Kristo I Karo Go Jon 9:34

Batubatu ria vano Jiu iri vane de ia, “Aro qo bulaṉoi, mana qo podo palua vasakata pata go, avigo tane qo soko go vatatana qemu remu na?” Gonae iri kakale vasiporo ze ia Pade Lotu ne.

Zazu Ria Apostoloro 26:18

Aro tono papaqa mataqira mana vatabali vatotoloṉo qira, go tarina kasi ne rodoko mana lama e tatavata, mana mara ria kasi ne karaputa ia Satana, go mara ria lama e de ikoego God, go ṉalu tarina vaogoto ava go era, God tina nanao ule ne vasakata pata ro ria mana tarina tonovo napua de koko ni vanama bana go God tarina koego basoero ia ni vine bana go tanuna.’

Leta Ia Pol I Karo Ne Qira Basoero Na Rom 2:18

Ramu qamu rove pata i soko go God tamuna zazu ne go, mana Tamana i varove qamu de igogo qamu vine go pata ni velaka go.

Leta Ia Pol I Karo Ne Qira Basoero Na Rom 2:20

Mana ramu qamu nanao qamu mazala vatatana qira vano iri koe go too bulaṉoi, mana vano iri ara kaebo go pala na tarove na too ria go. Iago, ramu qamu ogoto, tanego loborona ro Tamana qamu pala ze go tarove na osina pata mana ogoto go.

Kameka Korinti 3:18

Kaega ka basoe mara va bulaṉoe tanuna, ṉalu kaki basoe i nanao, i tarove ne patana ro pua dena, ia tina vana lupo ne tarove ia, mana vaqoqore tanuna go tina pala tarove igogo ne.

Kameka Korinti 4:10

Tanego i sauna Kristo, basoero iri nanao remu qi vano bulaṉoe, do loborona vari vakameka de i koe Kristo ramu qamu pala tarove. Remu qi pela, do ramu qamu karaputa! Basoero ne iri mia vazakazaka qamu, do remu basoero iri mia vaqoqoro qemu.

Pilipae 2:15

go tamuna ko totoloṉo mana voru gerena salero velaka ia God, iri koego vudu pua i lete sakata mana basoero iri koego iri vatovato sakata. Ramu tamuna damara gere domiri i tatavata ego zakazaka ne, de iri koego basoero ne,