Leta Ia Pol I Karo Ne Qira Basoero Na Rom 2:15 - Vato Vari Vakameka Voru Ia Batu Ne

¹⁵ Too velaka ria dena i vasadaka velake pata ni karo banae go Tamana ia Mosese, mana nanao totoloṉo ria dena i vasadaka napu ne qira so pata ni ogoto go. Tanego kakia ro ṉalu nanao qira tina vasakata qira, mana kakiaro ṉalu i bara va velaka ne qira go.

Leta Ia Pol I Karo Ne Qira Basoero Na Rom 2:15 ပူးပေါင်းရင်းမြစ်များ

Tarama Velaka Ia Jesu Kristo I Karo Go Jon 8:9

Ṉalu iri gata seko igogo ne, koko kakia zaza so iri go, tupi to ria ke kazigarataro go osiqira to zaza lupo to iri go.

Zazu Ria Apostoloro 23:1

Pol ireṉa totoloṉo za de iri koe go vano pepeu ne, mana igo dena, “Ramu turaquro na Izirel! Puṉuqu qa nanao vaogote too era i totoloṉoe tarakenaqana God i dokae go musaqara ninidena.”

Zazu Ria Apostoloro 24:16

Mana iato go era qa pada taru neso go mava totoloṉo nanaoqu mana vatavato era, dekoe tarakenaqana God mana basoero ne.

Leta Ia Pol I Karo Ne Qira Basoero Na Rom 2:14

Vano iriki Jiu go kaega iriki pala kaega Tamana ireqe me de ikoe go Mosese, do ṉalu nanao velaka ikoego puṉu qira, go iri zazu va gere ze go pata velaka ni totoloṉo go. Iago, patavolomo iriki pala go kaega Tamana ia Mosese.

Leta Ia Pol I Karo Ne Qira Basoero Na Rom 2:27

Iago vano iriki Jiu go kaega tarina lete sine vasakata qamu, tane go ramu qamu vae tamana. Patavolomo iri karo bana ne qamu mana ramu qamu kosi bana to go. Tanego ria ne patavolomo i kaega ne qira vatovato na kosi na tokama, do ria ne iri lulua pata i sine go Tamana ne.

Leta Ia Pol I Karo Ne Qira Basoero Na Rom 9:1

Pata qa sine go i pata ogoto. Tanego era qa basoe ia Kristo, iago qaki poqe kaega Spirit tabo i kenaqa ne nanaoqu mana nanaoqu i varove velaka ve qaki poqe kaega.

Karua Korinti 1:12

Kameka pata remu, qi lete vazakanapu ne mana qi vaogote remu qi vasadake vatovato velaka ro remu, loborona vari vakameka de qata koego, loborona va vaogoto mana osaka na soko ia God. Remu qimuki zazu vamiki e kaega loborona tarove remu tanuqemu, do loborona so karaputa na Mana ia God.

Karua Korinti 5:11

Ita qata rove talupasana go qata sareki nego Batu ne, iago remu qi padane toqo qira kerone basoero. God i rove lupo banaso too ita, mana era, qa nanao rove velake, ramu qamu rove velake too era.

Kameka Timoti 4:2

Vari vatatana igogo ne, i reqe me too legulegu ria vano iri poqepoqe go, tanego nanao velaka ro ria i le lupo bana.

Taetusi 1:15

Basoe i velaka go nanao na, i rove osina pata i velaka mana i tora vazazu na go. Do basoe iki velaka go kaega nanao na, mana iki vaogote kaega God, i rove osina pata iki velaka kaega. Iago basoe nae ne, nanao na mana vatovato ia gogo ne i sakata lupo bana to.