Leta Ia Pol I Karo Ne Qira Basoero Na Rom 2:14 - Vato Vari Vakameka Voru Ia Batu Ne

¹⁴ Vano iriki Jiu go kaega iriki pala kaega Tamana ireqe me de ikoe go Mosese, do ṉalu nanao velaka ikoego puṉu qira, go iri zazu va gere ze go pata velaka ni totoloṉo go. Iago, patavolomo iriki pala go kaega Tamana ia Mosese.

Leta Ia Pol I Karo Ne Qira Basoero Na Rom 2:14 ပူးပေါင်းရင်းမြစ်များ

Zazu Ria Apostoloro 10:35

Ka basoe i vaogote go God mana i zazu ne pata i totoloṉo, God i toqe ne ia, patavolomo adeki sinaqe i reqe mego.

Zazu Ria Apostoloro 14:16

Ṉalu bana ne, i vamao ne qira so basoero ne tarina goe go zuka iri mao go tanuqira.

Zazu Ria Apostoloro 17:30

Ṉalu basoe iki rove go kaega ia, God iki nanao tarua kaega sakata ro ia. Do ninidena ia i soko osina basoero iri koego osina dia mara vana neto sakata ro ria.

Leta Ia Pol I Karo Ne Qira Basoero Na Rom 1:32

Iri rove tamana ro ia God i sine go, basoe i zazu ne go vatovato dena i tora ia tina le ne go. Do ria iriki mamanava kaega, mana iri zazu taru ne so. Iago iri kula ne ria tane basoe kakavata i zazu tavisi ne go vatovato dena.

Leta Ia Pol I Karo Ne Qira Basoero Na Rom 2:12

Vano iriki Jiu go kaega iriki pala kaega Tamana ia Mosese, iago iri vasakata pata mana iri zaza vakakavata ne to ria tane pata ni reqeme go Tamana. Ba vano Jiu go ṉalu iri vasakata pata go, Tamana i varitanae bana ne qira, tanego iri pala bana Tamana ia Mosese.

Leta Ia Pol I Karo Ne Qira Basoero Na Rom 2:15

Too velaka ria dena i vasadaka velake pata ni karo banae go Tamana ia Mosese, mana nanao totoloṉo ria dena i vasadaka napu ne qira so pata ni ogoto go. Tanego kakia ro ṉalu nanao qira tina vasakata qira, mana kakiaro ṉalu i bara va velaka ne qira go.

Leta Ia Pol I Karo Ne Qira Basoero Na Rom 2:27

Iago vano iriki Jiu go kaega tarina lete sine vasakata qamu, tane go ramu qamu vae tamana. Patavolomo iri karo bana ne qamu mana ramu qamu kosi bana to go. Tanego ria ne patavolomo i kaega ne qira vatovato na kosi na tokama, do ria ne iri lulua pata i sine go Tamana ne.

Kameka Korinti 11:14

Ba vatovatona i mimia ita vano basoe ne, ṉalu valeke i varaqia go uguruna imimia sakata.

Kameka Korinti 9:21

Ivari pada so ṉalu qa zazue go de iri koego vano iriki Jiu go kaega, era qa gere qira vano iriki Jiu go kaega, qaki lulua kaega Tamana. Qa zazu ne iago, go na tavisi ne qira vano iriki Jiu go kaega tarina vaogote Kristo. Patavolomo nae, era qaki vasakate kaega Tamana ia God, tanego era qa lulua Tamana ia Kristo.

Epesus 2:12

Ṉalu nae ramu qamu ko kakavatae de ikoego Kristo, mana qamuki basoero ia kaega God, tanego qamu ki basoero tavine ia kaega. Loborona seko na vari toqe ia God, de iri koego basoero tavine ia, ramu qamuki tavine tavise kaega, mana iato nae i lavate go pui ia God, de iri koego basoero ia. Iago loborona ko ramu vudu pua dena ramu qamu ko volomo so, mana i kaega ne qamu ruruqe de ikoego God.

Epesus 2:3

Pata ogoto osiqita qata gere qira so basoero nae, qata lulua so pata qata soko go, mana qata zazu ne so pata ni soko go tokama qita mana nanaoqita go. Loborona too ita qata gere napu qira so basoero nae. Itora to ita tatana pala go vokara na muma ia God.

Pilipae 4:8

Valupolupo na turaquroe, vapuraka ze nanao qamu pataro ni velaka go, mana i tora go tatana kula ne, pataro i ogoto, pataro tina vatabo go basoe, too totoloṉo, too dalo, lete meno, mana too va mazale na basoe go.