Leta Ia Pol I Karo Ne Qira Basoero Na Rom 2:10 - Vato Vari Vakameka Voru Ia Batu Ne

¹⁰ Do basoero iri zazu ne go pata velaka, God tina teke ne qira menomeno, mana vamazala na vitoṉo qira, mana tina teke ne qira bule go. Ianae tina sadaka kenaqa qira vano Jiu mana taramuzina de iri koe go vano iriki Jiu go kaega.

Leta Ia Pol I Karo Ne Qira Basoero Na Rom 2:10 ပူးပေါင်းရင်းမြစ်များ

Matiu 10:13

Ṉalu basoero iri koego pade nae iri seko velaka qamu, kula ramu mara koe pade nae. Do ṉalu iriki seko velaka qamu kaega, muna pala vaule seko velaka ro qamu nanao qirae go.

Luka 1:79

Go tina teke qira tatavata ria iri koego rodoko mana dudulena le. Tina kenaqa ne makeqita, go tatana zukae loborona dalo.”

Luka 12:37

Vano zazu ne iri lete kula ṉalu batu ria i lama mia qira go, iri dogara mana vanama taru ne ule na ia. Ma sine ne qamu pata ogoto, ia tina ozuke roku ia mana va koloku qira ria mana tina zazu ne qira.

Luka 19:42

mana igo dena, “Ṉalu to rove bana go, pata to zazu ne, go to ko ule go, tara lete velaka sivala, do pataro dena i pipika nigo mana qoki mia kaega go.

Luka 22:14

I lama doka to ṉalu, Jesu i koluku tavisi qira apostoloro ia tevolo ne.

Luka 9:48

Mana i sine ne qira, “Ka basoe iva velaka ne sale suka dena loborona vitoṉo qu era, ia iva velaka nava era, mana ka basoe iva velaka nava era, iva velaka napu neso ia ni turi nava go era. Tanego ia i lete sukae to de qamu koego ramu, iato i lete mazala sivala ne qamu go.”

Tarama Velaka Ia Jesu Kristo I Karo Go Jon 12:26

Ka basoe i osaka nava era tina lulua va era, ria iri osaka nava, tarina koe de qa koego. Mana ka basoe i osaka nava era, Mamae tina nanao vamazale iago.”

Tarama Velaka Ia Jesu Kristo I Karo Go Jon 14:27

Bule qa taru ne qamu, bule era tane qa teke ne qamu go, era qaki soso ne kaega bule de go basoero na vudu pua dena iri soso nego. Iago kasi va pela na nanao qamu mana kasi sareki go.

Tarama Velaka Ia Jesu Kristo I Karo Go Jon 16:33

Qa sine ne qamu pataro dena, go tamuna ko vanadue de qa koego era ko tamuna vae go kolabana pua dena, ramu tamuna soba topuna makuru. Do muna karaputa! Tanego era qa va qoqoro bana karaputa na kolabana pua dena!”

Zazu Ria Apostoloro 10:35

Ka basoe i vaogote go God mana i zazu ne pata i totoloṉo, God i toqe ne ia, patavolomo adeki sinaqe i reqe mego.

Leta Ia Pol I Karo Ne Qira Basoero Na Rom 14:17

Tanego de ikoe go too vari miasoka ia God sauna pata gege ba loka qamu ge, gogo ne iki za pata mazala bana so kaega. Do too ivalame go so Spirit tabo dena so lete mazala go, gerena to zazu ne na, too bulebule mana too kulakula go.

Leta Ia Pol I Karo Ne Qira Basoero Na Rom 15:13

Go God ikutama ne go ruruqe mara vapuraka ze puṉu qamu kula kula mana bule i reqeme go vaogoto ramu de ikoe go ia, go ruruqe ramu mara popokae loborona karaputa ia Spirit tabo.

Leta Ia Pol I Karo Ne Qira Basoero Na Rom 2:7

Kakiaro basoe iri vanadue zazu ne na zazu velaka, mana iri taqi ze God menomeno, vamazala, mana too i too sivala go. De iri koe basoero nae God tina teke ne qira too gado kutona i kaega.

Leta Ia Pol I Karo Ne Qira Basoero Na Rom 2:9

Osina basoero iri zazu ne go vatovato sakata ro ne tarina pala makuruna mana vokara na. Ianae tina sadaka kenaqa qira vano Jiu mana taramuzina vano iriki Jiu go kaega.

Leta Ia Pol I Karo Ne Qira Basoero Na Rom 5:1

Ninidena ita qata totoloṉoe de i koe God loborona vaogoto, tanego Batu ita Jesu Kristo i vabule qitae de ikoego God.

Leta Ia Pol I Karo Ne Qira Basoero Na Rom 8:6

Do ṉalu basoe i lulua go too sakata ia tokama, ia tina za le ne so. Ba basoe i lulua go vatovato ia Spirit tabo, ia tinara za pala ze too, mana ko bulebule.

Leta Ia Pol I Karo Ne Qira Basoero Na Rom 9:21

Do valeke i zazu ne go sereke ne so i mazala go va zazuna pua ni valulu zego de ni soko go. Kameka pobo na pua nae i zazu ne ze karua sereke, kakia i vazazua ṉalu musaqara lavata, mana varuana ne i vazazua to osina musaqara.

Leta Ia Pol I Karo Ne Qira Basoero Na Rom 9:23

Mana i soko napu vasadakena velaka sivala na karaputa ia, i zele me ze go de iri koe go ria iri pala go manava ia, mana de qata koe go ita ia i vanama ne qita go tatana pala tavise go menomeno ia.

Qalesia 5:22

Do Spirit tabo i soso ne mamaligara, kulakula, bule nanao, muma katikili kaega, i soso napu ne too vari nanao, too velavelaka mana too basoe nadu go.

Qalesia 5:6

Tanego ṉalu ita qata ko vakamekae go Jesu Kristo, ikaega so kaki pata i varivakakavatae go basoe i kosi ba iki kosi go kaega. Do pata i lete mazala sivala go ne, vaogoto tina vasadaka mego mamaligara. Iaso nae i pata mazala go.

Pilipae 4:7

Mana bule ia God i lete laqalaqa ne go nanao rove ita vano basoe, tina vanadua puṉuqamu mana nanaoqamu, loborona vari vakamekae de ikoego Jesu Kristo.

Kameka Timoti 1:17

De koe Batu lavata ne, ia iki rove kaega le, mana ita basoero qatiki mazala kaega miana, mana iato i God ogoto go, vamazale ia, mana mazala i koe de i koego ia i ko ṉalu gado kuto na i kaega! Amen.

Iburu 2:7

Desuka so ṉalu qo taru ze ia pola qira aqelo ro, do ninidena qo vazakazaka vitoṉona mana qo teke ia karaputa mazala aro,

Jemisi 2:22

Qamu mia rove to ramu, sauna so vaogoto ia mana zazu ia gogo ne, iru kameka vari lulu velaka so.

Jemisi 3:13

Akena tane kaki basoe tarove ikoe de qamu koe go, mana irove osina pata igogo na? Basoe nae mara vasadaka me to, too velaka ia, mana pata velaka ro ni zazu ne ze go too kovasoka ia ireqe mego tarove iago.

Kameka Pita 1:7

Lavatana pataro dena go mara vasadake mazala na vaogoto ramu i nadu go. Qolu do iri subi ze nako ṉalu iri pada nego, go iri vadalo go, do qolu nae i mazala so za kaega, ba vaogoto raramu go i sivala ne qolu. Iago God tina pada napu ne vaogoto raramu go tinara nadu, mana tamuna toṉove vazaka, mana va popoka na vitoṉo qamu, mana va mazala qamu ṉalu musaqara Jesu tina sadaka mego.

Kameka Pita 5:4

Mana ṉalu tina sadaka me valeke miasoka sipi velaka sivala ne, ramu tamuna toṉove sasarapa velaka sivala i ko sivala osina ṉalu topu ro ne.