Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Leta Ia Pol I Karo Ne Qira Basoero Na Rom 16:7 - Vato Vari Vakameka Voru Ia Batu Ne

7 Seko kula napu era de iru koe go Adronikas mana Jiunas karua vakitaka era qimu vano Jiu iru kotavisi vae bara ne. Ria apostoloro ne iri rove va velaka qiru, tanego iru karua basoe zazu ia Kristo mana iru zazu kenaqa nava era.

အခန်းကိုကြည့်ပါ။ ကော်ပီ




Leta Ia Pol I Karo Ne Qira Basoero Na Rom 16:7
31 ပူးပေါင်းရင်းမြစ်များ  

Tina doka go musaqara na ne, ramu tamuna rove era qa koe loborona Mamae mana ramu qamu koe loboroqu era, gere na era qa koe loboro qamu ramu.


Paqara ro iriki ure go kaega, i koboro vakuziki ne, mana paqara ro iri ure go, iva dalo ne qira, go tina dalo mana ureure go.


Ka basoe i ge tokamaqu mana besia parasaqu, basoe ne i koe loboro qu era, mana era qa koe loborona iago.


Seko kula era de ikoe go Apeles i vanadu ze go vaogoto ia de ikoe go Kristo, mana kula napu atu de qamu koe go ramu koko ia Aristabilas.


Kula napu atu deqo koe go aro Erodioni basoe Jiu igere ava go tanuqu. Seko kula atu de qamu koego ramu turaquro lotu qamu vaogote go Kristo loborona koko ia Nasisas.


Timoti valeke izazu tavisi ava, i vagaretua seko kula ia, mana igo napu to Lusiasi, Jesoni mana Sosipata iri sinaqe era, tepa remu vano Jiu, iri vagaretu napu so seko kula ria dena.


Era qa vazao napu ze seko kula era de iru koe go Akuila mana Prisila iru zazu tavisi ava sauna Jesu Kristo.


Seko kula iza napue de ikoe go Ampiliatus vakitaka velaka era, qaru vari va kamekae go de ikoe go Batu ne.


Seko kula napu era de ikoe go Ubanus izazu tavisi qitae loborona zazu ia Kristo, mana de ikoe napue go vakitaka velaka era Stakis.


I kaega ka basoe tina sine go ita qata kebu sauna ko kameka ita de i koe Jesu Kristo.


God i vatoo napu me Jesu tepa le ne, iago ṉalu Spirit ia God ikoego loboro qamu. God tina teke napu ne too tokama qamu tinara za le go. Ia tina zazu ne ia dena, tanego Spirit ia ikoe loboro qamu ramu.


Iago, sauqira era qa lete soko God mara vakimata va mana mara pala vakuziki nave Kristo, go ṉalu i malumu ava ria mara lama garogaro napue de ikoego God.


Do God i vazao qitae loborona vari vakameka ia Jesu Kristo, God i vadegere Kristo tina tarove ita. De ikoego ia, ita qata ko totoloṉoe de i koe God, ita qata basoero tabo ia God mana qata kavele go.


Iri go iri vano zazu ia Kristo. Era to qa basoe zazu velaka ia Kristo, qa gere to sekoseko na basoe bulaṉoe. Era qa zazu vakaraputa sivala ne qira basoero nae, qa koe bara ne topuna ṉalu, iri sima va topu na ṉalu, mana topu ṉalu era qa garogaro le go.


Era qa rove kameka valeke lotu, God i pala va popoka ze ia rani ne, torana manoga kavasi ave i sivala bana zago. Qaki rove kaega de go ogotona, avigo i sadaka ogoto? Ba qa miadua so? Tanuna so God i rove go.


Ṉalu kaki basoe i vakameka ne Kristo, ia i basoe voru, ke bana ne i lupo to, ke voru to i lama go.


Kristo i kaega ne vasakata pata, do i sauqita ita, God i kena tavisi ze ia vasakata pata ro ita, go ita tatana ko kameka e de i koego ia mana tatana pala go totoloṉo ia God.


Torana nae vano lotu na Judia iri ara kaebo rove ava era.


Era qa zae de gogo ne, tanego God i vasadaka nava tuna za, mana qa vapepeu vamiki qira vano iri kenaqa ne go lotu mana qa sine vavelaka ne qira sauna Tarama Velaka qa tamana qirae go vano iriki Jiu go kaega. Tanego qa nanao iri niki vanoto, pata qa zazu bana ne, mana pata tunara zazu ne go.


Basoero nae iri mimia mazala, do iriki kavele kaega Tarama Velaka, qa seseko nego era. Patavolomo iri mazamazala ba kaega, era qaki vakapata qira so kaega. Tanego de ikoego God osiqira basoero i varitora lupo neso.


Tanego ṉalu ita qata ko vakamekae go Jesu Kristo, ikaega so kaki pata i varivakakavatae go basoe i kosi ba iki kosi go kaega. Do pata i lete mazala sivala go ne, vaogoto tina vasadaka mego mamaligara. Iaso nae i pata mazala go.


I patavolomo so basoe ikosi ba iki kosi kaega. Pata ilete mazala sivala go basoe mara pala too voru de ikoego God.


God i vazari qita, go qatara ko go dena, mana loborona ko vari vakameka ita de ikoego Jesu Kristo, God i zazu bana ne qita, mana i teke ne qita too, go mata zazu ne zazu velaka ro ia, i vanama bana ne qita go tatana zazu ne go.


Aristakus qaru koego bara ne, iva garetua seko kula ia mana gere napua so Maka iru tamakena kavakava go Banabasi, remu qi va rove bana qamu e de go vagado velaka na basoe, iago vagere napu ze so de koe Maka ṉalu igo atu go nae.


Epaparasi, ia qaru koe bara ninidena, tanego i vaogote Jesu Kristo, i vagaretua seko kula ia,


Tanego God iteke bana ne qita Spirit tabo ia. Iago ita qata rove God i kotavisi qita, mana ita qata kotavise go.


Mana qata rove Tuna God i lamae go vudu pua dena i teke ne qita nanao rove velaka, go ita tatana rove go God ogoto. Ita qata kokamekae go de ikoego God loborona Jesu Kristo. God dena to i God ogoto, mana itoo, too ia iki rove go kaega lupo.


Era Jon qa kaki kameka toga qamu ramu, qata vaogote go Jesu Kristo, qata pala taru vanadua go ia patavolomo iri va vokara qitae de ikoego too vari miasoka ia God. Iago era iri taruve kameka ṉugu suka vitoṉona Patmos, go tuna tarama vasadake seko ia God mana seko ogoto na Jesu Kristo.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ