Leta Ia Pol I Karo Ne Qira Basoero Na Rom 16:25 - Vato Vari Vakameka Voru Ia Batu Ne

²⁵ Mata vazaka God! Iato imazala go vanaduna vaogoto, go tamuna lulua go Tarama Velaka qa tamana qamue go era. Sauna Jesu Kristo, iago, Tarama Velaka dena to ivasadaka va velaka me ze go God seko igoto i pipika bana mego ṉalu bana ne.

Leta Ia Pol I Karo Ne Qira Basoero Na Rom 16:25 ပူးပေါင်းရင်းမြစ်များ

Matiu 13:17

Masine ne qamu pata ogoto, topu propetaro mana vano iri lulua go too velaka ia God iri lete soko mia na pata qamu mia go ramu ninidena, do iriki mia kaega, mana gata na pataro qamu gata go ramu ninidena do iri ki gata so kaega.”

Matiu 13:35

I zazu ne ia dena, go seko ia God i vagoe ze kakia propeta ne go tina lama ogoto go, i sine go. “Tuna vazazua seko vapadapada ṉalu tuna seko tabe qira basoero ne. Tuna sine ne qira pataro iki rove go kaega ka basoe, tupi me ṉalu God i vazaria go kolabana pua ne.”

Matiu 20:7

Iri vataule iri go, ‘Tanego i kaega soka basoe i sine ne qemu ka zazu ia.’ Gonae valeke ne i sine ne qira, ‘Lama mana za zazue barue era go.’

Zazu Ria Apostoloro 20:32

Mana ninidena era qa taru qamue to vari miasoka ia God, tarama na de igogo velaka na God, go tina vazaza popoka qamu mana vakaraputa qamu, go tamuna pala vatabo i vanama bana go God, tina tekene qira go basoero ia.

Zazu Ria Apostoloro 9:20

Iza totoloṉe so Pade Lotu ria vano Jiu, mana i tamana ne, Jesu i Tuna ogoto to God.

Leta Ia Pol I Karo Ne Qira Basoero Na Rom 11:25

Turaquro, qa soko varove qamue ramu, kameka pata pipika dena, go tina tavisi ne go nanao qamu. Sauna iri ki soko go kaega, gata na pata vano Izirel nae ne, tina zaza so, go tina ko za doka so ṉalu vano iriki Jiu kaega, ni vine bana qira go God tarina lamae go de ikoego.

Leta Ia Pol I Karo Ne Qira Basoero Na Rom 14:4

Qo nanao akena tane aro go qo toere go basoe zazu ia kene basoe ne na? Tanuna so batu ia basoe zazu nae i mazala go toere na pata izazu ne go ia, tanego Batu ita ne so ikone go karaputa go tina tavisi ne go ia sauna pata nae.

Leta Ia Pol I Karo Ne Qira Basoero Na Rom 16:24

Mana ia Batu ia Jesu Kristo ina kotavisi qamu ramu osina ṉalu. Amen.

Leta Ia Pol I Karo Ne Qira Basoero Na Rom 2:16

Iago zazao na Tarama velaka qa tarama ne go era dena, tina voto ṉalu tina doka go musaqara muzimuzi ṉalu God tina varitanae ne go nanao pipika ria basoero ne de ikoe go Jesu Kristo.

Kameka Korinti 1:23

Do remu, qi sine vasadake le i vae go koluse Kristo, tarama dena i va vokara qira vano Jiu, ba de iri koe vano iriki Jiu go kaega, tarama dena i pata volomo so,

Kameka Korinti 2:7

Tarove qa tarama ne era i tarove ia God ni ko vapipika go, i ko pipika ne qira basoero. Do tarakenaqa na God iara kaebo vazari na kolabana pua ne, seko tarove ia dena i taru bana ne qita so, iato zuka nigogo ne qata mazala go doke na de koe God tepa rani ne.

Kameka Korinti 4:1

Ramu muna nanao rove remu qi vano zazu ia Kristo, qi sine vasadake seko ogoto ia God iki sadaka bana go kaega.

Karua Korinti 4:3

Ṉalu go Tarama Velaka qi tarama ne i pipika, ianae i pipika ne qira so vano iri rore go.

Karua Korinti 4:5

Tanego remu qiki tarama ne kaega tanuqemu, do qi tarama ne Jesu Kristo i Batu go, mana remu qi vano zazu ra ramu, tanego i sauna Jesu.

Qalesia 2:2

Era qa zae de gogo ne, tanego God i vasadaka nava tuna za, mana qa vapepeu vamiki qira vano iri kenaqa ne go lotu mana qa sine vavelaka ne qira sauna Tarama Velaka qa tamana qirae go vano iriki Jiu go kaega. Tanego qa nanao iri niki vanoto, pata qa zazu bana ne, mana pata tunara zazu ne go.

Epesus 1:9

Tanego iva voto pata inanao bana mego mana i vasadaka ne qita nanao pipika ro ia itaru bana mego, mana i valupo ze de ikoego Kristo.

Epesus 3:11

God i valulu ze nanao ia iko bana mego ikaega go ka valupolupona. Mana i vasadaka ze loborona zazu ia Jesu Kristo Batu ita ne.

Epesus 3:9

Mana God i teke nava era zazu go tuna sine vasadaka ne qira basoero ne, nanao pipika ia God. Nanao pipika igogo ne iko pika bana meso tarakenaqana osina ro pata. Mana God so iva zaria go osina ro pata.

Epesus 6:19

Mana muna pene napu nava era go God mara teke nava pata tuna sine go ṉalu na vanama ne go seko, go era tuna seko vakaraputa mana vasadaka vavelaka seko pipika ogotona Tarama Velaka ne.

Kolosia 2:2

Qa zazu ne iadena go tina ko ne qamu karaputa mana vari kameka loborona vari mamaligarae, sauna pataro dena ramu tina ko ne qamu nanao nadu, mana tamuna rove va velake, loborona to zuka dena ramu tamuna rove pata i pika go God, iato Kristo tanuna.

Kolosia 4:3

Muna pene napu ne qemu remu, go God tina teke ne qemu ṉalu velaka go timuna tarama ne vavagazama na de go Kristo i ko pipika bana go. Tanego sauna to seko igogo ne iri taru vego era qa koe go bara ne.

Kameka Tesalonika 3:13

Loborona to zuka dena, nanao qamu tina karaputa napu. Mana ṉalu Batu ita Jesu Kristo tina ule palu me qira basoero ia, ramu tamuna degere tarakenaqana God Tamaqita, tanego too ramu i velaka mana tabo go.

Karua Tesalonika 2:14

Tarama Velaka qimu sine ne qamu go, God ikoru qamue ramu tamuna pala tavise go karaputa menomeno ia Batu ita Jesu Kristo.

Karua Tesalonika 3:3

Do ramu muna ruqe Batu ne, ia tina vakaraputa qamu mana bara ne qamue, de ikoego karaputa ia satana, niki go vasakata qamu go.

Karua Timoti 1:9

God i vakavele bana qita, mana i koru qitae basoero ia iki sauna kaega zazu ro ita, do loborona so nanao ia, tanego i mamaligara ne qita. I teke ne qita Mana dena ṉalu ivalame go Jesu Kristo, tarakenaqana iara tupi go osina pata,

Karua Timoti 2:8

Tarama Velaka qa sine go era igo dena, Jesu Kristo i reqe me sinaqe ia Davita mana i too napu me tepa le go.

Taetusi 1:2

Seko ogoto ne, i zazao na too iki rove go kaega lupo. God iki rove go kaega poqe, i pui bana qita e too dena, tarakenaqana iara va zaria go kolabana pua ne.

Iburu 7:25

Ninidena, mana osina ṉalu i mazala vakavele qira basoero iri zae de ikoego God tanego Jesu i ko osina ṉalu mana i mazala pene ne qira de ikoego God.

Kameka Pita 1:20

Tarakenaqana me God iara va zaria go vudu pua, ia i vine bana Kristo go tina vakavele qamu, mana torana dena go tina za mamanava go vudu pua, Kristo i lama bana, i zazu ne go pata dena sau qamu ramu.

Kameka Pita 5:10

Do taramuzina vokara pusi dena, God i ko nego Mana, i koru qamu go tamuna pala tavise menomeno ia i ko gado kutona i kaega. Loborona to va kameka ramu de ikoego Kristo, tanuna tinara va totoloṉo velaka qamu, mana tina teke ne qamu, karaputa, mana vadegere vanadu qamu go.

Revaleson 10:7

Ṉalu vavituna aqelo ne tina puqoto kuvili ia ne, God tina valupo to osina pataro, ivanama bana mego, gerena so iri sine bana go vano zazu ia mana propeta ro iago.”