Leta Ia Pol I Karo Ne Qira Basoero Na Rom 16:18 - Vato Vari Vakameka Voru Ia Batu Ne

¹⁸ tanego basoero iri gogo nae ne iriki zazu tavise kaega Batu ita Kristo. Do ria nae iri lulua so nanao sakata ro ria tanuqira. Iago iri zazu ne so seko vari vagasi ro mana poqe vale qira so basoero velaka iriki rove go kaega vatovato tatakiu ro iri zazu ne go ria nae.

Leta Ia Pol I Karo Ne Qira Basoero Na Rom 16:18 ပူးပေါင်းရင်းမြစ်များ

Matiu 24:11

Goto nae topu na propeta poqepoqe ro tarina sadaka me mana topu basoero tarina vaogote vari vatatana poqepoqe ro ria go.

Matiu 24:24

Tanego Mesia poqepoqe ro mana propeta poqepoqe ro tarina lama, mana tarina zazu ne topu na zazu mazalaro mana zazu vari vapoloso ro go, go tarina pada ne vosoru qirae basoero tavine ia God i vine bana qira go.

Matiu 6:24

Jesu igo napu dena, “I kaega kaki basoe i mazala osaka ne karua batu. Tina vasasakata ne kakia mana tina mamaligara ne kakia go. Tina mia vamazale kakia mana tina taru vaqoqore kakia go. Iago imakuru qamu tamuna vamazale go God mana pata vavagadona pua dena.

Matiu 7:15

Jesu igo napu dena, “Muna mia velaka qira basoero, tanuqira iri propeta ia God iri go do iki ogoto kaega. Tanego ṉalu iri lamae de qamu koego ramu, iri gere basoe ki mimia vari vasareki kaega. Do dego loborona too ogoto ria i vari vasareki, iri gere qira sikapiru ro.

Tarama Velaka Ia Jesu Kristo I Karo Go Jon 12:26

Ka basoe i osaka nava era tina lulua va era, ria iri osaka nava, tarina koe de qa koego. Mana ka basoe i osaka nava era, Mamae tina nanao vamazale iago.”

Leta Ia Pol I Karo Ne Qira Basoero Na Rom 14:18

Ka basoe i zazu ne zego Kristo vatovato dena, ia iva kula God, mana tina va kula napu qira basoero iri zazu ne go.

Leta Ia Pol I Karo Ne Qira Basoero Na Rom 16:19

Osina basoero ne iri gata bana vaogoto raramu qamu vamazale go Tarama Velaka ne. Ianae ilete vakula va era tane de qamu gogo ramu. Era qa soko muna rove va velake pata ni velaka go, do qaki soko kaega muna lulua go nanao ro i sakata go.

Karua Korinti 11:3

Do qa sareki ne pata i doka bana go Eva niki doka qamu ramu. Dole ne ilete tarove, ia i va soru ze vasakata pata Eva. Iago tina gere napua so, nanaoqamu ramu ṉalu tamuna za riro mana tamuniki nanao vamazale kaega Kristo go.

Karua Korinti 2:17

Remu qiki gere qira kaega kerone basoero iri lete tarove ne zazu dena. Iri tarama ne Tarama Velaka ne, gere so kaki pata iri mazala soba ze vavagado, go tarina too ne. Do remu qi lete vaogote mana nanao vamazale zazu ro remu, qi tarama ne Tarama Velaka ia, gerena so de i soko go God, qi sine vasadake seko ia tanego qi vano zazu ia Kristo.

Karua Korinti 4:2

Qimu vana lupo ne pata pipika remu, too ba vatovato i mazala go vamaqate na basoe, qiki zazu tatakiu kaega ba itana vasakatena seko ia God. Loborona tatavata ogoto remu i koe de ikoego God, mana qi padane vasadakena vatovato velaka mana too totoloṉo, de iri koego basoero i velaka go vatovato mana too ria go.

Qalesia 1:10

Zazaona pata dena era ma vakula basoe qa go ba? Kaega! Pata qa soko go era, go ma vakula God qa go. Ba qamu nanao, go basoero ne mara vazakava qa go? Kaega! Ṉalu tina gogo nae, era qaki basoe zazu ogoto bana ia kaega Kristo go.

Pilipae 2:21

Osiqira ria kero ne basoero, iri taqia so pata iri soko ne tanuqira, ba pata i soko go Jesu Kristo, iriki zazu ne kaega.

Pilipae 3:19

Ria nae ne, tarina va lupo ze nako ne, tanego iri va god napua pata i soko go tokama qira. Iri kula sivala ne pata i tora go tarina agava ne, mana iri nanao so pata na ro pua dena.

Kolosia 2:4

Ma sine ne qamu, kasi vamalumu ne na kaki basoe go mara va bulaṉoi qamue e seko poqepoqe ro.

Kolosia 3:24

Nanao tarua, Batu ne tina teke ne qamu voli, i soti ne qira go basoero ia, tanego Kristo i Batu ramu, mana ramu qamu vano zazu ia.

Karua Tesalonika 2:10

Ia tina vazazua tatakiu sakataro, go tina poqe qirae basoero ne go tarina le. Tarina le, tanego iriki toqe ne kaega mamaligara ne na mana vaogote na, seko na too ia Batu ne, tina vakavele qira go.

Kameka Timoti 6:5

iri vari valegu taru so, mana nanao qira iki totoloṉo kaega, iago iriki mia rove kaega pataro i totoloṉo go. Iri nanao ṉalu iri vaogote mana lulua God ria tarina toṉove topuna pata vavagado, iri go.

Jemisi 1:1

Era Jemisi kameka basoe zazu ia God mana Batu ita Jesu Kristo qa seko kula atu de qamu koego ramu basoero topu ia God qamu repe go osina dia vudu pua.

Karua Pita 2:3

Vano vari vatatana poqepoqe ro nae, iri soko so pala na kesa ramu, iago iri vari vatatana ne so pata poqepoqe ro. Do kimata ria vano vari vatatana poqepoqe ro dena, i nama bana me so. Iago i makuru qira tarina paqa ne, ia tina vae vasakata qira go.

Judi 1:1

Era Judi kameka basoe zazu ia Jesu Kristo mana qa kaena Jemisi. Qa karo ne qamu ramu basoero ikoru bana qamu go God, qamu koe go mamaligara ia God Tamaqita mana vari miasoka ia Jesu Kristo.

Judi 1:12

Basoero nae iri gere poṉo ro ikoego pata gege qamu vari ge ne go. Qamu kameka ṉaṉa, do iriki sareki kaega tanego iri nanao so tanuqira. Iri gere toba i kaega go ka nare ikoego, tanego seva i kiuri vatelo za. Iri gere moki ro i kaega go ure qira ṉalu i doka go ṉalu tarina ure go. Iago vano zazu iri toqo rapusu qira mana taru qira gogo iri le go.

Judi 1:16

Basoero dena iri poro seko mana zaṉaṉa vapala qira eso basoero pataro, iri poro lulua so nanao sakata ro ria. Iri poro vazaka napu mana vae vale qira eso basoero ne seko vari vagasi ro ria, go mara ria pala qirae patapata ro ria basoero ne sauna tavisi ne qira tanuqira iri go.

Revaleson 1:1

Zazaona buka dena, i vasadaka me pataro iri kokopika bana me go, do Jesu Kristo i vasadaka me. God i teke ne Jesu Kristo go tina vamia qirae basoero iri zazu nego ia, sauna pataro tiniki umata kaega tina lama doka go. Iago Kristo iturine me aqelo iago tina vamia ze Jon, valeke zazu ia.