Leta Ia Pol I Karo Ne Qira Basoero Na Rom 16:17 - Vato Vari Vakameka Voru Ia Batu Ne

¹⁷ Turaquro ma sine vakaraputa ne qamu, tamana era dena. Muna miasoka qira basoero iri soko go vota na eklesia mana vaqoqore vaogoto ramu go iri vazazao kakavata go vari vatatana qamu pala bana go. Iago muniki ara gata pata ro iri sine ne qamu go,

Leta Ia Pol I Karo Ne Qira Basoero Na Rom 16:17 ပူးပေါင်းရင်းမြစ်များ

Matiu 18:17

Do ṉalu basoe nae iki toqe ne so kaega pataro iri sine nego ria ne, ṉalu nae, sine vasadaka ze de iri koego vano ne eklesia ne. Mana ṉalu ia iki toqe neso kaega gata na pataro iri sine go vano na eklesia ne, ono mia vagere ze to ia kaki basoe rodoko ba basoe palapala takisi go.

Matiu 18:7

Manava sakata de iri koego basoero na vudu pua dena, tanego sauna pataro iri vasoru qirae vasakata pata basoero ne, tina sadaka bana so, do basoe izazu ne go pataro igcgo ne tina miasoka go.

Matiu 7:15

Jesu igo napu dena, “Muna mia velaka qira basoero, tanuqira iri propeta ia God iri go do iki ogoto kaega. Tanego ṉalu iri lamae de qamu koego ramu, iri gere basoe ki mimia vari vasareki kaega. Do dego loborona too ogoto ria i vari vasareki, iri gere qira sikapiru ro.

Luka 17:1

Jesu i sine ne qira disipoloro ia, “Pataro tina mazala go va soru qirae vasakata pata basoero ne tinara sadaka me, do makuru lavata sivala tina soba basoe niva sadake go pataro igogo ne.

Zazu Ria Apostoloro 15:24

Remu qimu gata bana kakiaro basoe iri reqe de qimu koego iri vamakuru qamu mana vamaqata qamue ramu sauna pata iri sine go. Do de qimu koego remu iriki pala ze kaega kaki tamana igogo, go tarina zazu ne go vatovato nae.

Kameka Korinti 11:18

Pata kenaqa qa soko vele sine ne qamu, kakiaro basoero ne iri sine nava, iri go, ṉalu qamu kameka teṉo go, ramu qamu vari votae koko sukasuka ro, mana qamu vari valegu go. Qa nanao pata ro iri sine nava go dena ipata ogoto.

Kameka Korinti 3:3

tanego ramu qamu ko gere qira so basoero na vudu pua dena. Vari qorae iara koe so de qamu koego, vari valegu tanuqamu go, pataro nae i vasadaka me, ramu qamu lulua vatovato na vudu pua dena.

Qalesia 2:4

Do kakia ria basoero so iri poqe mana iri go iri vano lotu mana iri keba siko me deqi koego remu, tanego iri soko go mara kosia ia iri go, do basoero dena iri vano lama mimia siko so, de igogo ko talukasa reremu mana vari vakameka remu de ikoego Jesu Kristo. Iri soko mara vaseka qemue remu tamana ro ria.

Pilipae 3:17

Vakitaka ro era muna vapadapada de qa gogo era, mana lulua de iri gogo ria iri zazu ne vato totoloṉo, gere na so de qa va mia qamu e go era.

Kolosia 2:8

Iago muna miasoka tanuqamu, go tariniki va seka qamue kaega tarove volomo na vudu pua dena, i reqe me vari vatatana ria basoero iri pepeu vari soma me, i lulua go tarove na pua dena, iki reqe me kaega Kristo.

Karua Tesalonika 3:6

Ramu turaquro, Remu qimu sine vamazala ne qamu ramu, loborona vitoṉona Batu ita Jesu Kristo, kasi luluna vatovato ria kero ne vano lotu, iri muaka mana iriki lulua kaega seko ro qimu sine bana ne qira go remu.

Kameka Timoti 1:3

Era qa soko aro ono koe Epesus, gerena so qa sine bana nigo ṉalu qa zae go Masedonia. Kakiaro basoero iri koego Epesus in vanvatatana ne pata poqe ro, iago ono sine ne qira go tarina mamanava.

Karua Timoti 3:5

Tarina gere qira vano lotu, do iriki soko kaega karaputa ia God tina kenaqa ne too ria. Aro ne, oniki tavisi too igogo nae.

Taetusi 3:10

Ka basoe i vari vatatana ne pataro i mazala vari va pera mana vota qira basoero ne, ono sine ne ia karua ṉalu, do ṉalu iki soko kaega gatana, tabali kakamu neto aro basoe nae.

Kameka Jon 2:19

Basoero dena iriki basoero ita to kaega, iato go iri kasi ne qita go ita vano qata vaogote go Kristo. Ṉalu ria tarakasi ne qita go kaega, ria tara ke ita to. Do tanego iri kasi ne qita, iato go i sadaka va velaka me to iriki ke ita go kaega.

Judi 1:19

Ria to basoero iri gogo dena iri pero go to lotu, tanego iri lulua so nanao ria tanuqira mana iriki pala kaega Spirit tabo ia God.