Leta Ia Pol I Karo Ne Qira Basoero Na Rom 15:26 - Vato Vari Vakameka Voru Ia Batu Ne

²⁶ Tanego vano lotu iri koe go Akaia mana Masedonia iri zazu bana ne to kesa nanao ria go mara tavisi ne qirae basoero situ ia God iri koe go Jerusalema.

Leta Ia Pol I Karo Ne Qira Basoero Na Rom 15:26 ပူးပေါင်းရင်းမြစ်များ

Matiu 25:40

Era tuna vataule ne qira, ‘Masine ne qamu pata ogoto, ṉalu qamu zazu ne ze pataro dena, de ikoe kakia basoero era iri mimia volomo go, igerena so qamu zazu ne zeto deqa koego era go!’

Matiu 26:11

Basoero situ ne, iri ko banae so deqamu koego osina ṉalu, ba era tuniki koe kaega de qamu koego ramu osina ṉalu.

Luka 14:13

Iago, ṉalu qo zazu ne pata gege, ono koru qira vano situ, vano eqoqo, vano taveqo mana vano kodo.

Luka 6:20

Jesu i reṉa ne qira disipoloro ia mana igo dena, “Kula ramu qamu situ go, Too ikoego vari miasoka ia God i ke ramu.

Zazu Ria Apostoloro 16:12

Reqe me to de go, qi piqata za Pilipae kaki komala lavata ikoe kaki takoboro na kolabana Masedonia, komala igogo ne, iri zazu ne vano Rom, mana iri va komale. Remu qi za koe komala igogo ne torana kavia so musaqara.

Zazu Ria Apostoloro 16:9

Kuse na ṉalu nae, Pol i mia kameka miadua, i miasoba kaki basoe na Masedonia i degere mana i pene ia, “Lamae Masedonia mana tavisi ne qemu!”

Zazu Ria Apostoloro 18:12

I lama doka to ṉalu vano batubatu na Rom iri vine go Qalio tina kenaqa ne go miasoka na kolabana Akaia, vano Jiu iri teṉo, mana iri pala vazao ze Pol varitanae.

Zazu Ria Apostoloro 19:21

Taramuzina pataro dena i sadaka, Spirit tabo i lete vanadua nanao na Pol, go tina zae Masedonia mana Akaia mana tina za doka e Jerusalema. Iago Pol igo, “Taramuzina tuna zae go Jerusalema, era tuna za doka Rom.”

Zazu Ria Apostoloro 9:13

Ananaisi ivataule, igo, “Batu! Topu basoero iri sine bana nava era zazao na valeke dena, sauna topu pata sakata sivala ro i zazu bana ne ze go basoero aro iri koego komala lavala Jerusalema.

Kameka Korinti 16:15

Ramu qamu rove bana qira tatamanaro Stepanasi, ria to iri toqe kenaqa ne vaogoto na Jesu tepa kena Akaia, mana iri teke too ria sauna zazu de iri koego basoero ia God.

Kameka Korinti 16:5

Era tuna go za kena Masedonia, iago taramuzina tuna go za to Masedonia, tunara garetue de qamu koego.

Karua Korinti 1:16

Tanego qa vanadu ze nanaoqu tuna garetu tove sivala ne qamu, ṉalu tuna zaza go za Masedonia mana ṉalu tuna zaza gado napu go, go qa mazala pala na tavisi de qamu koego ramu loborona zaza era tepa Judia.

Karua Korinti 11:9

Mana torana qa ko tavisi qamu go, era qaki pene qamu kaega go tamuna tavisi nava ṉalu qa soko go kesa, Osina pataro qa soko go era ne, vakitaka ro iri reqe me Masedonia iri pala bana meso. Gerena so de ilupo bana zago ne, mana ṉalu iara ko mego, iago era tuniki ara pene qamue kaega ramu tavisi.

Karua Korinti 2:13

Do era qa lete maqata tanego qaki soba kaega vakitaka ita Taetusi, iago qava tarutaru qira basoero na Troas mana qa za napue Masedonia.

Karua Korinti 7:5

Ṉalu qi za dokae Masedonia, remu qiki ziṉo kaega, tanego topu na pata makuru i koe de igogo ne, topu na basoero iri vari valegu e de qi koego, iago remu qi lete sareki go.

Karua Korinti 9:12

Sauna zazu qamu zazu nego iki sauqira so kaega basoero situ ia God, do itavisi napu ne qira kerone basoero tarina seko velaka ne de ikoego God.

Karua Korinti 9:2

Era qa rove ramu qamu soko to tavisi, iago qa pepeu vazaka qamue de iri koego basoero na Masedonia. Qa vane qira dena, “Vakitakaro iri koego kena Akaia iri vanama bana meso tavisi pasi ave zago ne.” Ṉalu iri gata ramu qamu soko napua tavisi, topuna basoero na Masedonia iri kula mana tarina soso ne tavisi ria go.

Karua Korinti 9:4

Avigo, ṉalu basoero na Masedonia tara luluava go era, mana lama rove, ramu qamuki vanama kaega, ava tara lete goto ka agava qemu remu, tanego remu qi ruqe qamu, aria ramu do tamuna agava napu neso seko ro remu go.

Pilipae 4:15

Ramu basoero na Pilipae qamu lete rove velaka bana so ṉalu qa kasi ne era Masedonia, tupi me tarama qa vae ne Tarama Velaka ne. Mana ramu to qaniu vano lotu qamu tavisi nava go era, tanuqamu to ramu, qamu kena tavise go papala era mana vavana ro era.

Kameka Tesalonika 1:7

Iago, ramu qamu vasadake va padapada velaka de iri koego vano vaogoto iri koego kena Masedonia, mana Akaia.

Kameka Tesalonika 1:8

Tarama Velaka sauna Batu ita ne, ramu qamu vazazao lupo bana ze to kena Masedonia mana Akaia. Mana tarama na sauna vaogoto raramu, qamu vaogote go God, i zadava lupoe to osina dia. Iago rem i kaega kaki pata timunara sine napua go.

Kameka Tesalonika 4:10

Mana ramu qamu zazu bana ne to mamaligara ramu de iri koego turaqita ro iri koe kena Masedonia. Do qimu soko so vakaraputa napu qamu, go muna pala vapopoka napua vatovato nae.

Kameka Timoti 1:3

Era qa soko aro ono koe Epesus, gerena so qa sine bana nigo ṉalu qa zae go Masedonia. Kakiaro basoero iri koego Epesus in vanvatatana ne pata poqe ro, iago ono sine ne qira go tarina mamanava.

Pilimon 1:5

Tanego era qa gata de go mamaligara aro de iri koego basoero ia God, mana dego vaogoto aro de ikoego Batu ita Jesu.