Leta Ia Pol I Karo Ne Qira Basoero Na Rom 15:19 - Vato Vari Vakameka Voru Ia Batu Ne

¹⁹ Ia ivazazua karaputa na lala mana pata vari vapoloso i palua go karaputa ia Spirit tabo. Iago, osina dia qa zae go, reqe Jerusalema za dokae Ilirikam, qa vasadaka lupo ze tarama velaka ia Kristo.

Leta Ia Pol I Karo Ne Qira Basoero Na Rom 15:19 ပူးပေါင်းရင်းမြစ်များ

Matiu 12:28

Ba era karaputa ia Spirit ia God tane qa kakale qirae go manuru sakata ro ne. Ianae i vasadake Too ikoego vari miasoka ia God i lama bana ne qamu to.

Tarama Velaka Ia Jesu Kristo I Karo Go Jon 4:48

Iago Jesu i vane dena ia, “Ramu basoero dena tamuna mia bana so zazu vari va poloso ia, tamuna ra vaogoto go.”

Zazu Ria Apostoloro 1:8

Do ṉalu Spirit tabo tina lamae de qamu koego ramu, ramu tamuna toṉove moqere ia, mana tamuna tarama ne sauqu era loborona komala lavata Jerusalema mana osina dia kena ro Judia, Samaria, mana osina dia kolabana pua ne.”

Zazu Ria Apostoloro 13:14

Tanuqiru Pol mana Banabasi iru piqata me Peqa mana za dokae komala Antiok, vudu na Pisidia. Mana i musaqara Sabat iago iru za kolokue Pade Lotu ria vano Jiu.

Zazu Ria Apostoloro 13:51

Karua apostolo ne iru tavoro vanaqe lodu na pua na makebotu riru, sauna vabanabana na too sakata ria, taramuzina nae, iru zae to komala Ikonium.

Zazu Ria Apostoloro 14:10

mana i seko valavata, “Degere, vadoke makemu.” Valeke ne i soqa mana i tupi zaza ne.

Zazu Ria Apostoloro 14:20

Do ṉalu vano vaogoto iri lama (kolo ne) ia, Pol i degere mana i ule za komala lavata ne. Bakubaku na ne, Pol mana Banabasi iru zae Debe.

Zazu Ria Apostoloro 14:25

Dego iru za tarama ze Tarama Velaka ne loborona komala Peqa mana iru za napue Atalia go,

Zazu Ria Apostoloro 14:6

Ṉalu Pol mana Banabasi iru rove ia dena, iru paqa za tepa Listra mana Debe loborona karua komala lavatana Laikania mana kenaro igarogaro go.

Zazu Ria Apostoloro 15:12

Osiqira iri duduli lupo, mana iri gata Pol mana Banabasi iru sine vasadake go osina pata vavagazama mana vari vapoloso ro i zazu ne go God de iri koego basoero iriki Jiu go kaega.

Zazu Ria Apostoloro 16:18

Qole seka ne, i sine tarua so seko ro dena, osina ro musaqara, Pol gonae i vasasakate to gata na seko ni sine go qole ne, i tabali mana i sine ne manuru ne, “Loborona vitoṉo na Jesu Kristo, qa sine nigo ono siporo kasi ne qole nae!” Torana so nae manuru sakata ne i siporo kasi ne qole ne.

Zazu Ria Apostoloro 17:10

Kuse na so nae, vano lotu iri turi ne qiruaqe Pol mana Banabasi komala Berea. Ṉalu iru za dokae go Berea iru zae Pade Lotu ria vano Jiu.

Zazu Ria Apostoloro 17:15

Ria iri lulua go Pol iri vazao ze komala Ateni. Lupo nae iri uleme Berea iri pala me seko ia Pol isoko qiru Saelas mana Timoti mara riru katikili zae de ikoego ia, igo.

Zazu Ria Apostoloro 18:1

Taramuzina pataro dena, Pol i kasi ne Ateni mana i zae komala Korint.

Zazu Ria Apostoloro 18:19

Iri lama doka e Epesus, Pol i taru qirue Pirisila mana Akuila de go. Pol i zae Pade Lotu ria vano Jiu, mana i va pepeu qira vano Jiu go.

Zazu Ria Apostoloro 19:1

Torana iara koe Korint, Apolosi, Pol i piqata za sasaniqa na kolabana Praeqia mana i za sipore Epesus, de go i soba qira kavia ro disipoloro,

Zazu Ria Apostoloro 20:20

Ramu qamu rove, era qaki pala vaule kaega kaki pata, go i mazala go tavisi ne qamu ramu, loborona ṉalu ro qa tarama ne, mana vari vatatana e de teṉoteṉo ro mana pade ro ramu go.

Zazu Ria Apostoloro 20:6

Qi kasi ne Pilipae taramuzina kelo na musaqara bureri i kaega go istina, mana taramuzina kalima musaqara, qi lama vosoro e komala na Troas, de go qi lama koe kameka vuiki.

Leta Ia Pol I Karo Ne Qira Basoero Na Rom 15:13

Go God ikutama ne go ruruqe mara vapuraka ze puṉu qamu kula kula mana bule i reqeme go vaogoto ramu de ikoe go ia, go ruruqe ramu mara popokae loborona karaputa ia Spirit tabo.

Leta Ia Pol I Karo Ne Qira Basoero Na Rom 15:16

go tuna kaki kameka basoe zazu ia Jesu Kristo sauqira vano iriki Jiu go kaega. Era qa zazu ne ia gerena kameka patere qa tamana ne go Tarama Velaka ireqe me de ikoe go God, go ia vano iriki Jiu go kaega tarina tabo gerena kaki sosovolomo iva kula go God ireqeme Spirit tabo.

Leta Ia Pol I Karo Ne Qira Basoero Na Rom 15:24

Iago ninidena qa nanao to garetu tove qam ramu, mana ko varikitakie na de qamu koe go ramu. Taramuzina to garetu era nae, era tuna zaza, za dokae to vudu Spen. Iago zaza era nae qa soko qamu ramu mana tavisi nava, go zaza era tuna za dokae go Spen.

Kameka Korinti 2:4

Vari vatatana mana tarama ro era, qaki gere kaega vari vatatana ia basoe tarove, do loborona zazu era, i vasadake zazu ia Spirit ia God.

Karua Korinti 12:12

God i zazu ze de qa koego era topu na zazu mazala ro mana zazu vari vanureke. Ianae i vasadake era qa apostolo, loborona zazu tavisi qa vae qamu go, era qa zazue loborona vari vananao.

Qalesia 3:5

Avigo God iteke ne qamu Spirit ia, mana izazu ne ze pata vari vapoloso de qamu koego, tanego qamu zazu ne pata isoko go tanuna ba, tanego qamu gata so Tarama Velaka mana vaogote so go?

Kolosia 1:25

God i vine ava era, qa basoe zazu na eklesia ia, i teke nava era zazu go tuna vasadake sauna velaka qamu ramu. Iato sine vasadake na tarama ia dena

Kameka Tesalonika 1:5

Tanego ṉalu remu qimu pala zatu go Tarama Velaka de qamu koego ramu, remu qimuki seko volomo kaega, do i lama palua karaputa ia Spirit tabo, iata go remu qimu vasadake to, ogotona qimu vaogote go Tarama Velaka nae, mana ṉalu remu qimu kotavisi qamu ramu, ramu qamu rove pataro qimu zazu ne go remu, i sauna to velaka gamu ramu.

Karua Timoti 4:17

Do Batu ne i tavisi nava mana i teke nava karaputa, go i malamu ava era sine vasadake na tutukunu na Tarama Velaka ne, de iri koego vano iriki Jiu go kaega tarina gata, mana i vakavele ve era saqena laioni go.

Iburu 2:4

Tanuna God i vakaraputa napua seko dena loborona ro zazu mazala ro mana zazu vari vapoloso go, mana kenakena na sosovolomo i reqe me Spirit tabo de koe basoero i soko go tanuna.

Kameka Pita 1:12

Iago, God iva sadaka me ze de iri koego propetaro ne sauna zazu iri zazu nego, iki sauqira so kaega tanuqira, do i sauna to tavisi ne qamu ramu. Mana pataro iri sine bana go ria ne, iato qamu gata qirae go vano iri sine vasadake go tarama velaka de qamu koe go. Ṉalu ria iri tamana ne go Tarama Velaka nae, Spirit tabo iva karaputa qira, ituri ne me God ikoego rani ne, iato pataro dena to aqeloro ne iri soko go nanao rove na.