Leta Ia Pol I Karo Ne Qira Basoero Na Rom 15:18 - Vato Vari Vakameka Voru Ia Batu Ne

¹⁸ Do tuna seko vakaraputa ne so sauna pata izazu nave go Kristo, go tuna kenaqa ne qira vano iriki Jiu go kaega go tarina vaogote go God. Ia izazu ne ze pataro dena loborona to karaputa na soko ro era mana zazu qa zazu ne go era go.

Leta Ia Pol I Karo Ne Qira Basoero Na Rom 15:18 ပူးပေါင်းရင်းမြစ်များ

Matiu 25:16

Valeke zazu i pala go lima mao kesa ne i za mana vazazu velake kesa ne mana i pala napua kaki lima mao kesa go.

Maka 16:20

Taramuzina to nae, disipoloro ne iri za tamana zeto osina dia Tarama Velaka, mana Batu ne i zazu tavisi qira mana tamanaro ria i lama ogoto ṉalu iri zazu ne go topu pata vari vapoloso ro, i reqeme go karaputa ia.

Zazu Ria Apostoloro 14:27

Ṉalu iru lama dokae Antiok, iru qoqoṉo qira basoero lotu mana iru pepeu ne qira de igogo osina ro pata, God i zazu ze go de iri koego vano iriki Jiu go kaega, go iara papaqa go nanaoqira, go iri ara vaogoto go.

Zazu Ria Apostoloro 15:12

Osiqira iri duduli lupo, mana iri gata Pol mana Banabasi iru sine vasadake go osina pata vavagazama mana vari vapoloso ro i zazu ne go God de iri koego basoero iriki Jiu go kaega.

Zazu Ria Apostoloro 15:4

Ṉalu iri za dokae go Jerusalema vano apostolo mana kerone kazigaratana ro lotu iri vagado va velaka qira ria mana iri sine lupo ne qira osina pataro i zazu ne God de iri koego.

Zazu Ria Apostoloro 21:19

Pol iseko kula qira ria mana i sine vasadaka lupo ne qira ria osina pataro God izazu ne ze go de iri koe go vano iriki Jiu go kaega loborona zazu ro ia.

Zazu Ria Apostoloro 26:20

Kenaqana tepa Damaskus, mana loborona Jerusalema, taramuzina nae, qa za tarama napu e topu na dia loborona Izirel, mana de iri koego vano iriki Jiu go kaega. Qa tamana ne go tarina manava sakata ne vasakata pata ro ria, mana tabali ze de ikoego God, mana tarina zazu ne pataro go tina vasadake, go ria iri manava sakata go.

Leta Ia Pol I Karo Ne Qira Basoero Na Rom 1:5

Mana de ikoe go Kristo God i teke nava era mazala go tuna apostolo go mazazu ne vasadakena Kristo, go basoero na vudu pua mara vaogote mana lulua ia.

Leta Ia Pol I Karo Ne Qira Basoero Na Rom 16:26

Do ninidena ogoto nae i sadaka me to loborona koru ria propetaro ne, mana seko ia God i too go osina ṉalu topu ro ne, i sadaka e to osina dia kolabana vudu pua go osina basoero ne tarina vaogote God mana lulua iago.

Leta Ia Pol I Karo Ne Qira Basoero Na Rom 6:17

Iago mata seka velaka ne God, tanego de i lupo bana mego ramu qamu seka ia vasakata pata. Do ramu qamu vaogoto ze puṉuqamu vatovato ogoto qamu pala ze go vari vatatana iri teke bana ne qamu go.

Karua Korinti 11:31

Go God Tamana Batu ita Jesu, vitoṉona itabo osina ṉalu, i rove era qaki poqe kaega.

Karua Korinti 12:6

Ṉalu qa soko go vazakanapu era qaki bulaṉoe kaega, tanego era qa seko ne pata ogoto, era tuniki vazakanapu kaega tanego qaki soko kaega basoero tarina nanao vamazala va era, sauna pataro iri mia go qa zazu ne mana pataro iri gata go qa sine go era.

Karua Korinti 3:5

I kaega kaki pata deqi koego remu, go qi mazala sine na, qi zazu ne so tanuqemu, do mazala qi pala go remu, ireqe meso de ikoego God.

Karua Korinti 6:1

Loborona zazu vari vakameka remu de ikoego God, remu qi pene vakaraputa qamu, ramu qamu pala go too velaka ia God mara kasi vana volomo.

Qalesia 2:8

Tanego karaputa ia God i vine bana go Pita tina apostolo mana go tina zae de iri koego vano Jiu, gerena napu so ia i vine ava era go tuna apostolo mana zae de iri koego vano iriki Jiu go kaega.

Kolosia 3:17

Osina pata qamu zazu ne ba sine gogo ne, mara zazu ne ze loborona vitoṉo na Batu ita Jesu, ṉalu qata seko velake ia de koe God Tamaqita.

Karua Tesalonika 2:17

Remu qi pene ia, go mara vakaraputa nanao qamu, go osina ṉalu muna zazu mana sine pata ni veiaka go.

Iburu 11:8

I sauna to vaogoto ia, Abra-am i lulua koru ia God go tina zae go vudu i pui ne go God. Abra-am i kasi ne vudu ia, mana iki rove kaega adepa tina za koego.

Iburu 5:9

Ṉalu i valupo to osina zazu, God i vazakazaka ia, iato i vari va kevele ogoto, ria iri toqe ne ia tarina pala too i ko sivala go,

Jemisi 1:22

Kasi gatavana ne so, seko ia God qamu gata go, do muna zazu ne pata ni sine go.

Kameka Jon 3:18

Salero era, mamaligara iki pata na so kaega seko, mana sine volome na go, do mamaligara ogoto tina sadake to ṉalu qata tavisi ne qira qo basoero ne loborona mamaligara ita de iri koego.

Judi 1:9

Aqelo Maekolo batu ria aqeloro ne do iki sine ne kaega Satana seko sakata ṉalu iru pera ne go pala na sinara na Mosese do ia i seko go so dena, “Batu ne so ṉara rovi go aro.”