Leta Ia Pol I Karo Ne Qira Basoero Na Rom 15:16 - Vato Vari Vakameka Voru Ia Batu Ne

¹⁶ go tuna kaki kameka basoe zazu ia Jesu Kristo sauqira vano iriki Jiu go kaega. Era qa zazu ne ia gerena kameka patere qa tamana ne go Tarama Velaka ireqe me de ikoe go God, go ia vano iriki Jiu go kaega tarina tabo gerena kaki sosovolomo iva kula go God ireqeme Spirit tabo.

Leta Ia Pol I Karo Ne Qira Basoero Na Rom 15:16 ပူးပေါင်းရင်းမြစ်များ

Zazu Ria Apostoloro 13:2

Ṉalu iri vazaka God mana iri qaniqani go, Spirit tabo ne i sine ne qira, “Muna taru vakakavata qiru Banabasi mana Sol, go tiruna zazu nego zazu qa koru qirue go era.”

Zazu Ria Apostoloro 20:24

Do era qa nanao rove, too era i patavolomo so, era qa soko so vavotona zazu ni turi nave Batu ita Jesu ni teke nava, go tuna zazu ne, zazu igogo ne, era tuna vatatavata go Tarama Velaka na dego velaka ia God.

Zazu Ria Apostoloro 20:32

Mana ninidena era qa taru qamue to vari miasoka ia God, tarama na de igogo velaka na God, go tina vazaza popoka qamu mana vakaraputa qamu, go tamuna pala vatabo i vanama bana go God, tina tekene qira go basoero ia.

Zazu Ria Apostoloro 22:21

‘Ono za,’ Batu ne, ‘Era qa turi vazao zigoe aro, de iri koego vano iriki Jiu go kaega.’ ”

Zazu Ria Apostoloro 9:15

Do Batu ne i sine ne ia, “Ono za aro, tanego era qa vine, ia tina basoe zazu era, mana ia tina varove qira basoero iriki Jiu go kaega mana batu lavataro mana vano na Izirel sauna vitoṉoqu era.

Leta Ia Pol I Karo Ne Qira Basoero Na Rom 1:1

I Era Pol kameka basoe zazu ia Jesu Kristo, mana qa kameka apostolo God i vine ava mana i koru ava go tuna tarama ne Tarama velaka ia.

Leta Ia Pol I Karo Ne Qira Basoero Na Rom 11:13

Era qa seko atu ninidena de qamu koe go ramu vano qamu ki Jiu go kaega. Era qa lete vazaka ze God zazu era qa zazu ne go, tanego era to qa tavine ne go tuna apostolo ne qamu ramu vano qamu ki Jiu go kaega.

Leta Ia Pol I Karo Ne Qira Basoero Na Rom 15:18

Do tuna seko vakaraputa ne so sauna pata izazu nave go Kristo, go tuna kenaqa ne qira vano iriki Jiu go kaega go tarina vaogote go God. Ia izazu ne ze pataro dena loborona to karaputa na soko ro era mana zazu qa zazu ne go era go.

Leta Ia Pol I Karo Ne Qira Basoero Na Rom 15:19

Ia ivazazua karaputa na lala mana pata vari vapoloso i palua go karaputa ia Spirit tabo. Iago, osina dia qa zae go, reqe Jerusalema za dokae Ilirikam, qa vasadaka lupo ze tarama velaka ia Kristo.

Leta Ia Pol I Karo Ne Qira Basoero Na Rom 15:20

Soko ogoto rera ne, qa soko tamana vasadaka ze komala iri koe go basoero iri ara kaebo go gata na Tarama Velaka ia Kristo, go ma kasi zazu napue na de i vadegere bana zego eklesia kakia basoe qa go.

Leta Ia Pol I Karo Ne Qira Basoero Na Rom 15:29

Qa rove, garetu era de qamu koe go ramu, era tuna pala ne qamu osina makaolo velaka sivala ia Kristo.

Leta Ia Pol I Karo Ne Qira Basoero Na Rom 5:5

Ruruqe dena iki ara poqe qita kaega, tanego mamaligara ia God i zele me ze go puṉu qita loborona Spirit tabo ni sosovolomo ia God de qata koe go ita.

Kameka Korinti 3:5

Muna pada ne nanao rove na, “Akena tane Apolosi? Mana akena tane Pol?” Raru qaru basoe zazu ia so God, qaru tavisi qamu ramu go tamuna vaogote God. Nogoto qaru qaru, zazu ne so zazu i teke ne qaru go God, vapadapada na zazu raru, i gere basoe i zazue barue.

Kameka Korinti 4:1

Ramu muna nanao rove remu qi vano zazu ia Kristo, qi sine vasadake seko ogoto ia God iki sadaka bana go kaega.

Kameka Korinti 6:19

Avigo qamuki rove kaega tokama qamu i pade tabo ia Spirit tabo. Iato i koe loboro qamu, mana i teke ne qamu go God? Ramu qamuki ke ramu kaega tanuqamu, do qamu ke ia God,

Karua Korinti 11:23

Iri go iri vano zazu ia Kristo. Era to qa basoe zazu velaka ia Kristo, qa gere to sekoseko na basoe bulaṉoe. Era qa zazu vakaraputa sivala ne qira basoero nae, qa koe bara ne topuna ṉalu, iri sima va topu na ṉalu, mana topu ṉalu era qa garogaro le go.

Karua Korinti 5:20

Iago remu, qi seko ne Kristo, do tanuna God i vazazu qemu remu. Loborona vatovato ia Kristo remu qi pene gamu ramu basoero qamu kana bana ne God, muna vamao ne ia mara itane too ramu, go tamuna vakitaka ro ia.

Karua Korinti 8:5

Pata iri zazu nego basoero dena, i sivala ne pata qi nanao go remu. Kenaqana iri teke ne Batu ne too ria, mana taramuzina loborona vatovato ia God iri teke ne ṉalu ria deqi koego remu.

Qalesia 3:5

Avigo God iteke ne qamu Spirit ia, mana izazu ne ze pata vari vapoloso de qamu koego, tanego qamu zazu ne pata isoko go tanuna ba, tanego qamu gata so Tarama Velaka mana vaogote so go?

Epesus 2:18

Loborona Kristo, osiqita vano Jiu mana vano Jiu kaega, qata mazala lamae na de ikoego Tamaqita loborona karaputa ia Spirit tabo.

Epesus 2:22

Loborona ko kameka ramu de ikoego Kristo, God i vakameka palu qamue ramu de iri koego kero ne vano lotu, go i varisoma ne qamue ramu kameka Pade Lotu ia God de ikoego Spirit tabo ia.

Epesus 5:2

Mamaligara to mara kenaqa ne go too ramu, gerena Kristo i mamaligara ne qita, mana iteke ne qita too, gerena kameka sosovolomo i nonoli meno, mana God ikula ne komakoma nae.

Pilipae 2:17

Vaogoto raramu de ikoego God, i gere kaki sosovolomo ramu, qata teke zaqe go God. Ṉalu tara vae vale ava era, mana parasaqu tara tazele mana palua sosovolomo ramu, ṉalu nae era tu kula mana tuna kena ze kula era de qamu koego osiqamu go.

Pilipae 4:18

Ia dena to seko velaka era sauna osina pata qamu teke nava go, mana i lete sivala ne topu na pata qa soko go. Osina pata qa soko go, era qa pala to ṉalu Epaparoditus i valama nava go era sosovolomo ro ramu. Sosovolomo ro ramu i nonoli meno, qamu soso zaqe de koe God, tavatavara i toqe ne mana i vakula go God.

Kameka Tesalonika 2:2

Ramu qamu rove bana ko qivae go remu komala Pilipae tarakenaqana go qimu ara garetue go Tesalonika, basoero ne iri vasakata qemu, mana seko sakata qamu go, do God remu iteke ne qemu nanao karaputa go timuna garetu sine vasadaka ne qamu ramu Tarama Velaka ia.

Kameka Tesalonika 2:9

Pata ogoto, ramu turaqemu, qamu nanao tarua de i gogo qemu zazu kuse mana musaqara, go timuniki va makuru qamue kaega ramu sauna pata gege, ṉalu remu qimu tamana ne qamue Tarama Velaka ia God.

Kameka Tesalonika 5:23

Go God iteke ne qita go bule mara va tabo osina too ramu, mara miasoka tutukunu na too na tokama mana madau, go ramu mamu ko talukase tepa ia pata sakata, go na lama doka go ṉalu ia Batu ita Jesu Kristo.

Kameka Timoti 1:11

Varivatatana ogoto i koe Tarama Velaka ne, i teke nava go era God go tuna sine vatatavata go evaqelio dena, iato i tarama velaka sivala mana i karaputa mazala go, i reqe me de ikoego God i lete totoloṉo sivala go.

Kameka Timoti 2:7

iato go God i vine ava era tuna apostolo ia, mana tuna sine vasadaka Tarama Velaka ia de iri koego vano iriki Jiu go kaega, mana vatatana qira e vaogoto ni ogoto go. Era qa sine pata ogoto, qaki poqe kaega.

Karua Timoti 1:11

God i vine ava era tuna kaki apostolo mana basoe vari vatatana iago, go tuna sine vasadake Tarama Velaka ne.

Iburu 13:16

Niki nanao kasupe ne zazu ne na pata velaka go tina tavisi ne qira kero ne basoero, tanego komakoma gere qira to pataro dena i vakula go God.

Kameka Pita 1:12

Iago, God iva sadaka me ze de iri koego propetaro ne sauna zazu iri zazu nego, iki sauqira so kaega tanuqira, do i sauna to tavisi ne qamu ramu. Mana pataro iri sine bana go ria ne, iato qamu gata qirae go vano iri sine vasadake go tarama velaka de qamu koe go. Ṉalu ria iri tamana ne go Tarama Velaka nae, Spirit tabo iva karaputa qira, ituri ne me God ikoego rani ne, iato pataro dena to aqeloro ne iri soko go nanao rove na.

Kameka Pita 2:5

Ramu do muna gere ipaka ikoego too ṉalu tamuna lama garogaro go Batu ne. God tina vagere qamue ramu Pade Lotu ikoego too. Loborona pade nae ramu tamuna gere qira patere tabo ro ia God. Loborona vitoṉo na Jesu Kristo qamu mazala soso ne tavatavara ramu de ikoego God mana God tina lete kula ne go.