Leta Ia Pol I Karo Ne Qira Basoero Na Rom 15:13 - Vato Vari Vakameka Voru Ia Batu Ne

¹³ Go God ikutama ne go ruruqe mara vapuraka ze puṉu qamu kula kula mana bule i reqeme go vaogoto ramu de ikoe go ia, go ruruqe ramu mara popokae loborona karaputa ia Spirit tabo.

Leta Ia Pol I Karo Ne Qira Basoero Na Rom 15:13 ပူးပေါင်းရင်းမြစ်များ

Tarama Velaka Ia Jesu Kristo I Karo Go Jon 14:1

Jesu i sine ne qira disipoloro ia, “Kasi va pela na nanao qamu, vaogote God, mana vaogoto ava era go.

Tarama Velaka Ia Jesu Kristo I Karo Go Jon 14:27

Bule qa taru ne qamu, bule era tane qa teke ne qamu go, era qaki soso ne kaega bule de go basoero na vudu pua dena iri soso nego. Iago kasi va pela na nanao qamu mana kasi sareki go.

Leta Ia Pol I Karo Ne Qira Basoero Na Rom 12:12

Ruruqe ramu to mara vakula qamu go osina ṉalu. Kasi nonopa ne na ṉalu i lama doka qamu go kaki pata makuru mana ko ramu muna pene so osina ṉalu.

Leta Ia Pol I Karo Ne Qira Basoero Na Rom 14:17

Tanego de ikoe go too vari miasoka ia God sauna pata gege ba loka qamu ge, gogo ne iki za pata mazala bana so kaega. Do too ivalame go so Spirit tabo dena so lete mazala go, gerena to zazu ne na, too bulebule mana too kulakula go.

Leta Ia Pol I Karo Ne Qira Basoero Na Rom 15:19

Ia ivazazua karaputa na lala mana pata vari vapoloso i palua go karaputa ia Spirit tabo. Iago, osina dia qa zae go, reqe Jerusalema za dokae Ilirikam, qa vasadaka lupo ze tarama velaka ia Kristo.

Leta Ia Pol I Karo Ne Qira Basoero Na Rom 15:5

Vatovato na ko va karaputa na nanao mana ko nonopa kaega gogo ne, ireqeme so God. Iago qa pene God go mara vakaraputa ko kameka ramu, tanego ramu qamu lulua Kristo,

Kameka Korinti 2:4

Vari vatatana mana tarama ro era, qaki gere kaega vari vatatana ia basoe tarove, do loborona zazu era, i vasadake zazu ia Spirit ia God.

Karua Korinti 9:8

Mana God tina teke vatopu ne qamu, sivala ne de qamu soko go, iago ramu tamuniki ara pusi ne kaega kapata.

Qalesia 5:22

Do Spirit tabo i soso ne mamaligara, kulakula, bule nanao, muma katikili kaega, i soso napu ne too vari nanao, too velavelaka mana too basoe nadu go.

Epesus 1:2

Go God Tamaqita mana Batu ita Jesu Kristo mara riru teke qamu Mana mana bule.

Kameka Tesalonika 1:5

Tanego ṉalu remu qimu pala zatu go Tarama Velaka de qamu koego ramu, remu qimuki seko volomo kaega, do i lama palua karaputa ia Spirit tabo, iata go remu qimu vasadake to, ogotona qimu vaogote go Tarama Velaka nae, mana ṉalu remu qimu kotavisi qamu ramu, ramu qamu rove pataro qimu zazu ne go remu, i sauna to velaka gamu ramu.

Kameka Timoti 1:1

Era Pol qa kakia apostolo ia Jesu Kristo, i vine bana va God na vari vakavele mana Jesu Kristo, iato ikoego pata qata ala nego toṉove na,

Iburu 6:11

Remu qi lete soko osiqamu muna palataru vanadua vaogoto ramu, go na doka go, ṉalu pata qamu ala nego tina lama doka ogoto go.

Kameka Pita 1:8

Ramu qamuki mia kaega Kristo, do qamu mamaligara ne, mana patavolomo ninidena, qamuki mia kaega, do qamu vaogote ia, mana qamu lete kula ne go. Kula ramu i lete lavata sivala i makuru qita kade tatana sine vane go.