Leta Ia Pol I Karo Ne Qira Basoero Na Rom 14:9 - Vato Vari Vakameka Voru Ia Batu Ne

⁹ Tanego sauna to ia dena Kristo ile, mana itoo napu mego tepa le ne, mana iato i Batu ne qira vano le mana vano too.

Leta Ia Pol I Karo Ne Qira Basoero Na Rom 14:9 ပူးပေါင်းရင်းမြစ်များ

Matiu 28:18

Gonae Jesu i ziki garogaro qira, mana sine ne qira, “Osina karaputa na rani mana pua ne, i teke lupo nava era God.

Luka 24:26

Avigo iki tora kaega Mesia tina vokara ne pataro dena go tina ra keba za go Too ikoego vari miasoka ia God?”

Tarama Velaka Ia Jesu Kristo I Karo Go Jon 12:24

Ma sine ne qamu pata ogoto, ṉalu paturu na sila i ṉara mana i sorue pua gogo ne paturu nae, tina podo me mana urena na ne tina lete topu go. Do ṉalu paturu nae ki leqese kaega, paturu nae tina koso tanuna.

Zazu Ria Apostoloro 10:36

Ramu qamu rove tamana ia, i vazao ze de iri koego vano Izirel, i tarama nego Tarama Velaka na bule ia loborona Jesu Kristo, iato i Batu ne qira go osiqira basoero ne.

Zazu Ria Apostoloro 10:42

Mana i sine ne qemu, timuna tamana ne Tarama Velaka ia de iri koego basoero ne, mana sine va karaputa napua, tanuna so Jesu ni vine go God tina zazu ne vivine de iri koego vano too mana vano le go.

Leta Ia Pol I Karo Ne Qira Basoero Na Rom 10:9

Ṉalu aro qo tarama va velaka ne to Jesu i Batu mana go vaogote God i vatoo me ia tepa lene, ia tina vakavele go.

Karua Korinti 5:14

Remu i kenaqa ne qemu mamaligara ia Kristo, mana ninidena qi mia rove to, kameka so basoe i le nego basoero topu, iadena talupasana, qata pala tavise le ia.

Kameka Tesalonika 4:14

Ita qata vaogote go Jesu ile mana itoo napu mego tepa le ne. Sauna ia dena God tina pala qira ria iri le bana go tarina ko tavise Jesu ṉalu muzimuzi.

Kameka Tesalonika 5:10

Jesu i le ne sau qita ita, go tatana kotavise ia ṉalu tina za ule me, patavolomo qatara too ba qata le bana.

Karua Timoti 4:1

Ma sine nigo seko dena, loborona tarakenaqana God mana Jesu Kristo tiruna zazu nego vivme musaqara muzimuzi de iri koego vano iri ara too, mana vano iri le bana, ia tina lama gerena kaki batu lavata, qa lete pene vakaraputa go,

Iburu 12:2

Mata reṉa taru vanadu ne Jesu, tanego de koe ia i tupi e mana i valupolupo ego vaogoto ita. Ṉalu ia i le go koluse ne, iki pela ne kaega, “Kaega to,” tanego la i nanao va mazala zaqe kulakula iara ko mego, iki nanao vamazale so kaega vokara mana le i pala ze go koluse ne, la to go ninidena i kolokue tepa matauna God mana i vatovato tavisi ne rago.

Kameka Pita 1:21

Mana de ikoego to Kristo ramu qamu vaogote God, ia iva too me Kristo tepa le ne i vakaraputa ia, mana i teke ne menomeno. Iago vaogoto mana ruruqe ramu mara ko vanadue de ikoego God.

Kameka Pita 4:5

Taramuzina ria tarinara sine vasadake too sakata ria tarakenaqana God, ia ni piri ne vari tanae ia de iri koego vano too mana vano le.

Revaleson 1:18

Era to, basoe qa too ogoto go, era to qa le bana go ninidena qa too, mana tuniki ara le napu kaega, doka to ṉalu gado kutona i kaega go. Era to qa pala go karaputa i sivala nego le, mana qa pala karaputa i sivala ne go komala ria vano le go.

Revaleson 2:8

Ia i seko, igo napu dena, “Ono karo ne zaqe aqelo na eklesia na simina. Iato dena seko era, valeke qa kenaqana mana lupolupo nago osina ro pata. Qa le bana mana qa too napu mana tuniki ara le kaega go.