Leta Ia Pol I Karo Ne Qira Basoero Na Rom 14:3 - Vato Vari Vakameka Voru Ia Batu Ne

³ Basoe ige go soso pata gege ne mara kasi vasakate na basoe iki ge go kaega pata i manu go. Mana basoe iki ge go kaega pata i manu go, mara kasi seko vasakate na basoe i gego soso pata gege ne. Tanego God i mao bana ne ia tane pata gege ige go nae.

Leta Ia Pol I Karo Ne Qira Basoero Na Rom 14:3 ပူးပေါင်းရင်းမြစ်များ

Matiu 18:10

Jesu igo napu dena, “Muna miasoka, muniki mia vapatavolomo qira salero suka ro. Ma sine ne qamu, aqelo ro ria iri ko tavise Mamae tepa rani ne.

Matiu 9:14

Gonae ria disipoloro ia Jon iri lama mia Jesu, iri tana ne, “Avigo tane remu mana ria vano Parisio kakiaro ṉalu qimu qaniqani do ria disipoloro aro, kaega bana so ka ṉalu iri qaniqani?”

Luka 18:9

Jesu gonae i sine napu ne qira seko vapadapada dena, tanego kakiaro basoero iri go, iri lete totoloṉo, mana iri mia va qoqoro qira kero ne basoero ne.

Zazu Ria Apostoloro 10:34

Pita gonae i vatupia to sine na Tarama Velaka de iri koego basoero ne. “Ninidena era qa rove to, mana i ogoto bana, God iki va soso pata ne kaega basoe, God iva kameka ne qira so.

Zazu Ria Apostoloro 10:44

Torana iara sekoseko so Pita, Spirit tabo ne i qoqoro me de iri koego osiqira ria iri gata go seko velaka ne.

Zazu Ria Apostoloro 28:2

Basoero na ṉugu ni gogo ne, iri lete va velaka ne qemu. I tupi nare mana i lolomu, iri subo nako mana iri sine qemu timuna za kakasiru.

Leta Ia Pol I Karo Ne Qira Basoero Na Rom 11:15

Tanego ṉalu God iki soko qira go kaega vano Jiu, God i va kameka napu ze tanuna de iri koe go vano na vudu pua. Iago avana to tina sadaka go ṉalu tina toqe napu ne qira go?

Leta Ia Pol I Karo Ne Qira Basoero Na Rom 14:1

Muna vavelaka ne basoe i memelaka go vaogoto ia. Kasi vari valegu ne na pata i reqeme go nanao na basoe nae.

Leta Ia Pol I Karo Ne Qira Basoero Na Rom 14:10

Iago, avigo tane aro qoki ge go kaega pata imanu go, qo seko vasakata go turamu ige go soso pata gege. Ṉalu aro qo ge go soso patagege ne qo seko vaqoqore go turamu iki ge go kaega pata gege i manu go? Ita osiqita tatana za degere so tarakenaqana God, mana ia so tinara za varitanae ne qita go.

Leta Ia Pol I Karo Ne Qira Basoero Na Rom 14:13

Iago ita mata mamanava poro varitanae ne qita tanuqita, kasi zazu nena kaki pata go tono vasoru zego turamu, go tina zazu ne go vasakata pata.

Leta Ia Pol I Karo Ne Qira Basoero Na Rom 14:15

Do ṉalu qo va maqata zego turamu sauna pata gege qamu ge go, aro qoki zazu ne kaega mamaligara. Iago, kasi vasakata na pata gege qamu gego, go tina vasakate go kaega basoe iie bana ne go Kristo.

Leta Ia Pol I Karo Ne Qira Basoero Na Rom 14:21

Pata i velaka go, kasi ge na to pata gege imanu go mana loka vino ba zazu ne na kakia pata go tina vasoru ze go turamu makuru.

Leta Ia Pol I Karo Ne Qira Basoero Na Rom 15:7

Muna vari va velakae tanuqamu, gerena Kristo i velaka banae go de qamu koego, go basoero ne tarina vazaka go God.