Leta Ia Pol I Karo Ne Qira Basoero Na Rom 14:22 - Vato Vari Vakameka Voru Ia Batu Ne

²² Sotia pata qo vaogoto ze go pataro dena, mana ianae tina koe to de qo koego aro, mana God go. Ka basoe i nanao pata i zazu ne go itotoloṉo mana iki ruama ne kaega gogo ne, ia tina za kula.

Leta Ia Pol I Karo Ne Qira Basoero Na Rom 14:22 ပူးပေါင်းရင်းမြစ်များ

Zazu Ria Apostoloro 24:16

Mana iato go era qa pada taru neso go mava totoloṉo nanaoqu mana vatavato era, dekoe tarakenaqana God mana basoero ne.

Leta Ia Pol I Karo Ne Qira Basoero Na Rom 14:14

Era loborona ko kameka era de ikoe go Batu ita Jesu, ivarove zave kaega kaki pata gege isakata go. Do ṉalu kaki basoe i vaogote kakiaro pata gege iki dalo go kaega, igogo nanao na ne, pata gege nae mara kasi gena to.

Leta Ia Pol I Karo Ne Qira Basoero Na Rom 14:2

Vaogoto ia tanuna basoe tane i soko go gena soso pata gege ne. Do basoe i kaega ne karaputa i makure tina gego pata manu.

Leta Ia Pol I Karo Ne Qira Basoero Na Rom 14:23

Do ṉalu kaki basoe i ruama nego sauna pata gege ige go, God tina vasakate ia, tanego iki rove kaega pata izazu ne, bana itotoloṉo ba iki totoloṉo kaega. Tanego pata iki nadue kaega vaogoto aro, do zazu ne qo gogo ne i kebu mana i vasakata pata.

Leta Ia Pol I Karo Ne Qira Basoero Na Rom 14:5

Kameka basoe i nanao, kameka musaqara i mazala sivala ne go kero ne musaqara igo, do kene basoe ne i nanao igo, osina musaqara iri vari pada so igo. Iago, osiqamu muna nanao va velake pata ro igogo nae zazao na i reqeme go nanao qamu.

Leta Ia Pol I Karo Ne Qira Basoero Na Rom 2:1

Vakitaka era, avigo tane qo varitanae ne qira go basoero ne? Aro do i kaega nigo so velaka go tono sine go i kaega nigo ka sakata tono go. Tanego ṉalu qo zazu napu ne go so pata iri zazu nego ria aro qo sine vasakata napu go so tanamu.

Leta Ia Pol I Karo Ne Qira Basoero Na Rom 7:15

Qaki nanao rove kaega pata qa zazu ne go tanego pata velaka qa soko go zazu nena qaki zazu ne kaega do pata sakata qaki soko go kaega qa zazu ne go.

Leta Ia Pol I Karo Ne Qira Basoero Na Rom 7:24

Ke! Era qa basoe vari vananama sivala! Do akena to tina vakavele go tokamaqu tina vadoka ve go era le na?

Kameka Korinti 8:7

Patavolomo igogo nae, topu basoe iriki nanao rove kaega pata igogo ne, kakiaro basoero iri vazaka bana qira god beku ro, go ilama doka e to ninidena, ṉalu iri ge go pata gege ni gogo ne, iri nanao pata gege ni gogo ne i ke ria god beku ro. Nanao qira iki karaputa kaega, iri nanao pata gege igogo ne tane i va poṉo madau qira iri go.

Karua Korinti 1:12

Kameka pata remu, qi lete vazakanapu ne mana qi vaogote remu qi vasadake vatovato velaka ro remu, loborona vari vakameka de qata koego, loborona va vaogoto mana osaka na soko ia God. Remu qimuki zazu vamiki e kaega loborona tarove remu tanuqemu, do loborona so karaputa na Mana ia God.

Qalesia 6:1

Turaquro, ṉalu qamu mia go kakia basoe izazu ne go kaki pata sakata, ramu qamu lulua go too ia Spirit tabo muna vatotoloṉe too iago tina tavisi ne go ia, mana muna miasoka napua tanuqamu go ramu tamuniki soru napue go kaega pata sakata ro nae.

Jemisi 3:13

Akena tane kaki basoe tarove ikoe de qamu koe go, mana irove osina pata igogo na? Basoe nae mara vasadaka me to, too velaka ia, mana pata velaka ro ni zazu ne ze go too kovasoka ia ireqe mego tarove iago.

Kameka Jon 3:21

Iago turaquro, ṉalu nanao na puṉuqita tariki mia vaqoqoro qita go kaega, ita iko ne qita so karaputa tarakenaqana God.