Leta Ia Pol I Karo Ne Qira Basoero Na Rom 14:17 - Vato Vari Vakameka Voru Ia Batu Ne

¹⁷ Tanego de ikoe go too vari miasoka ia God sauna pata gege ba loka qamu ge, gogo ne iki za pata mazala bana so kaega. Do too ivalame go so Spirit tabo dena so lete mazala go, gerena to zazu ne na, too bulebule mana too kulakula go.

Leta Ia Pol I Karo Ne Qira Basoero Na Rom 14:17 ပူးပေါင်းရင်းမြစ်များ

Matiu 3:2

Igo, “Manava sakata mana kavale vatovato sakata ro ramu, tanego de ikoego vari miasoka ia God i lama garogaro!”

Matiu 6:33

Iago taru kenaqa zaqe puṉu qamu dekoe vari miasoka ia God mana muna zazu ne pataro i soko qamue go. Ṉalu gogo nae God tinara tekene qamu kero ne pataro.

Luka 14:15

Kaki kameka valeke i koloku tavisi qirae go tevolo ne, i gata pataro i sine ne Jesu, igo, “Avana to ka kula qira basoero tarina za koloku mana ṉaṉa tavisi go Too ikoego vari miasoka ia God.”

Tarama Velaka Ia Jesu Kristo I Karo Go Jon 16:33

Qa sine ne qamu pataro dena, go tamuna ko vanadue de qa koego era ko tamuna vae go kolabana pua dena, ramu tamuna soba topuna makuru. Do muna karaputa! Tanego era qa va qoqoro bana karaputa na kolabana pua dena!”

Tarama Velaka Ia Jesu Kristo I Karo Go Jon 3:3

Gonae Jesu ivataule ne ia igo, “Ma sine nigo pata ogoto, ṉalu basoe iki podo ule napu go kaega, i makure tina keba za Too ikoego vari miasoka ia God.”

Tarama Velaka Ia Jesu Kristo I Karo Go Jon 3:5

“Masine nigo pata ogoto,” igo Jesu, “ṉalu ka basoe iki podo e kaega besi mana Spirit tabo gogo ne, basoe nae tina makure keba zana Too ikoego vari miasoka ia God.

Zazu Ria Apostoloro 13:52

Mana vano lotu iri vaogote go Jesu iri koego Antiok iri ko kula mana Spirit tabo ilama ko vakaraputae de iri koego.

Zazu Ria Apostoloro 9:31

Pasi nae to ia eklesia ikoe go osina dia kolabana Judia, Qalili mana Samaria iri koe bule desuka. Loborona tavisi ia Spirit tabo eklesia ikaraputa, mana i zaza popoka. Topuna basoero iri vaogote go Kristo mana osiqira iri vazaka God.

Leta Ia Pol I Karo Ne Qira Basoero Na Rom 15:13

Go God ikutama ne go ruruqe mara vapuraka ze puṉu qamu kula kula mana bule i reqeme go vaogoto ramu de ikoe go ia, go ruruqe ramu mara popokae loborona karaputa ia Spirit tabo.

Leta Ia Pol I Karo Ne Qira Basoero Na Rom 8:6

Do ṉalu basoe i lulua go too sakata ia tokama, ia tina za le ne so. Ba basoe i lulua go vatovato ia Spirit tabo, ia tinara za pala ze too, mana ko bulebule.

Kameka Korinti 1:30

Do God i vazao qitae loborona vari vakameka ia Jesu Kristo, God i vadegere Kristo tina tarove ita. De ikoego ia, ita qata ko totoloṉoe de i koe God, ita qata basoero tabo ia God mana qata kavele go.

Kameka Korinti 4:20

Tanego Too ikoego vari miasoka ia God, iki koe kaega seko volomo, do i koe karaputa.

Kameka Korinti 6:9

Pata ogoto ramu qamu rove, basoero iri zazu ne too iki totoloṉo go kaega, tariniki pala kaega Too ikoego vari miasoka ia God. Iago kasi va bulaṉoe na tanuqamu, basoero iri vari vagabu mana iri vazaka go beku ro, ba taunata, valeke ro iri vari vagabu tanuqira go,

Kameka Korinti 8:8

Pata gege ni gogo ne i makuru tina vagarogaro ba va laqalaqa qitae dekoe God. Ṉalu qata ki ge go kaega, pata gege ni gogo ne, qatiki vana ne kaega kaki pata, mana ṉalu qata ge go, qatiki pala ze kaega kaki pata go.

Karua Korinti 5:21

Kristo i kaega ne vasakata pata, do i sauqita ita, God i kena tavisi ze ia vasakata pata ro ita, go ita tatana ko kameka e de i koego ia mana tatana pala go totoloṉo ia God.

Qalesia 5:22

Do Spirit tabo i soso ne mamaligara, kulakula, bule nanao, muma katikili kaega, i soso napu ne too vari nanao, too velavelaka mana too basoe nadu go.

Pilipae 2:1

Ṉalu too ramu i koe loborona Knsto, lato ivakaraputa qamu, mana mamaligara ia iva momotono qamu go. Ramu qamu vari vakameka e de koe Spirit tabo, ramu qamu vari vatatavisi mana varinanao tanuqamu.

Pilipae 3:3

Iki ria kaega, do ita to qata pala go vari kosi ogoto, tanego qata vazaka God loborona Spirit ia, mana qata kula ne too ita loborona vari vakameka ita de koe Jesu Kristo. Ita qatiki ara vaogote kaega kaki zazu i sadaka mego tokama.

Pilipae 3:9

Mana ma ko kameka e de ikoe ia. Era i kaega nava ka totoloṉo tanuqu, gerena mimia na basoe i lulua go Tamana. Ninidena era qa pala too totoloṉo i teke nava God loborona ruqe na Kristo, vaogoto ireqe me God, i kutamana vaogoto.

Pilipae 4:4

Muna kula osina ṉalu de ikoe Batu ne, era qa sine napua, muna ko kula.

Pilipae 4:7

Mana bule ia God i lete laqalaqa ne go nanao rove ita vano basoe, tina vanadua puṉuqamu mana nanaoqamu, loborona vari vakamekae de ikoego Jesu Kristo.

Kolosia 1:11

Remu qi pene God go mara va moqere qamu e, osina karaputa i reqe mego Karaputa mazala ro ia, go laborona zazu ramu tamuna mazala vasivala nena osina pata makuru ro loborona nanao velaka ramu.

Kameka Tesalonika 1:6

Ṉalu ramu qamu lulua go vatovato reremu, qamu lulu napua so vatovato ia Batu ne, patavolomo qamu soba go vokara, do ramu qamu kula ṉalu qamu pala go Tarama Velaka iza reqeme go Spirit tabo.

Kameka Tesalonika 2:12

Remu qimu vakaraputa nanao qamu, mana qimu va momotono qamu, qi sine vakaraputa ne qamu muna lulua too velaka isoko go God, ni koru qamue go tamuna pala tavise de ikoego vari miasoka mana menomeno ia.

Iburu 13:9

Niki vamao ne varivatatana poqepoqe ro, niki pala va riro qamue zuka totoloṉo ne. I pata velaka Mana ia God qata koego i teke ne karaputa velaka puṉuqita, iato dena pata i tavisi ne qita, tanego lulu na tamana na patagege na ge go ba pata gege niki ge go kaega, iki tavisi so kaega.

Kameka Pita 1:8

Ramu qamuki mia kaega Kristo, do qamu mamaligara ne, mana patavolomo ninidena, qamuki mia kaega, do qamu vaogote ia, mana qamu lete kula ne go. Kula ramu i lete lavata sivala i makuru qita kade tatana sine vane go.

Karua Pita 1:1

Era Saimon Pita qa basoe zazu mana apostolo ia Jesu Kristo. Qa karo ne qamu ramu i teke ne qamu go God va ogoto, i gere go vaogoto reremu, tanego Jesu Kristo ia i God, i vakavele qita i lete velaka sivala.