Leta Ia Pol I Karo Ne Qira Basoero Na Rom 14:14 - Vato Vari Vakameka Voru Ia Batu Ne

¹⁴ Era loborona ko kameka era de ikoe go Batu ita Jesu, ivarove zave kaega kaki pata gege isakata go. Do ṉalu kaki basoe i vaogote kakiaro pata gege iki dalo go kaega, igogo nanao na ne, pata gege nae mara kasi gena to.

Leta Ia Pol I Karo Ne Qira Basoero Na Rom 14:14 ပူးပေါင်းရင်းမြစ်များ

Maka 7:2

Iri mia kakia ro disipoloro ia Jesu iri ṉaṉa ne karisi qira iki dalo go kaega. Iri vatalukasa ze iriki sabore kaega karisi qira, valulu zena pata iri soko go vano Parisio de tina gogo basoero ne iri gogo, vatovato dena go tina lulua go lotu mana vatovato ṉalu bana ria.

Zazu Ria Apostoloro 10:28

Pita i sine ne qira, “Ramu tanuqamu do qamu rove velake vano Jiu i tabo e tamana ria tarina tove ba ko tavisi qira vano iriki Jiu go kaega. Do God iva mia ve era, go makasi nanao vakakata ne basoe ṉalu i dalo, ba ṉalu iki dalo go kaega.

Leta Ia Pol I Karo Ne Qira Basoero Na Rom 14:2

Vaogoto ia tanuna basoe tane i soko go gena soso pata gege ne. Do basoe i kaega ne karaputa i makure tina gego pata manu.

Leta Ia Pol I Karo Ne Qira Basoero Na Rom 14:20

Kasi vasakata zena zazu ia God sauna pata gege qata ge go. Tanego osina pata gege ro ne iri velaka lupo so. Do i sakata ṉalu qamu gego pata tina vasoru qamue go vasakata pata.

Leta Ia Pol I Karo Ne Qira Basoero Na Rom 14:23

Do ṉalu kaki basoe i ruama nego sauna pata gege ige go, God tina vasakate ia, tanego iki rove kaega pata izazu ne, bana itotoloṉo ba iki totoloṉo kaega. Tanego pata iki nadue kaega vaogoto aro, do zazu ne qo gogo ne i kebu mana i vasakata pata.

Kameka Korinti 10:25

Ramu qamu talukasa ne so gena miti ro iri volivoli ne ze go de volivoli ro. Iago ikaega so kapata na tamuna ge ze go miti ro nae.

Kameka Korinti 8:10

Ṉalu kaki basoe i pela go nanao na, mana i mia go aro, qo basoe “tarove” qo go, do qo ṉaṉa e Pade Lotu ia kaki beku. Avigo i ogoto pata qo zazu ne go aro, tina toqo va kakavata nanao na ia, go ia tina ge napua pata gege iri komakoma ne qirae go beku ro ba?

Kameka Korinti 8:7

Patavolomo igogo nae, topu basoe iriki nanao rove kaega pata igogo ne, kakiaro basoero iri vazaka bana qira god beku ro, go ilama doka e to ninidena, ṉalu iri ge go pata gege ni gogo ne, iri nanao pata gege ni gogo ne i ke ria god beku ro. Nanao qira iki karaputa kaega, iri nanao pata gege igogo ne tane i va poṉo madau qira iri go.

Kameka Timoti 4:4

Osina to pata i vazaria go God, i velaka lupo, i kaega napu kaki pata ni sakata go. Do ṉalu qata vele ge go pata gege ne, tatana seko velaka ne God,

Taetusi 1:15

Basoe i velaka go nanao na, i rove osina pata i velaka mana i tora vazazu na go. Do basoe iki velaka go kaega nanao na, mana iki vaogote kaega God, i rove osina pata iki velaka kaega. Iago basoe nae ne, nanao na mana vatovato ia gogo ne i sakata lupo bana to.